قر ۇقك بۇرىنعى تٶراعاسى نارتاي دٷتباەۆقا قاتىستى سوت ٷكٸمٸ شىقتى. بۇل تۋرالى قر ەسكەري سوتىنىڭ سايتىندا حابارلاندى.
اقمولا گارنيزونىنىڭ ەسكەري سوتى 2017 جىلعى 24 تامىزدا نارتاي دٷتباەۆقا جەنە ٸستٸڭ باسقا فيگۋرانتتارىنا قاتىستى قىلمىستىق ٸس بويىنشا شىعارىلعان ٷكٸمٸن جارييالادى. سوت وتىرىسى جابىق جاعدايدا ٶتتٸ.
«سوتتىڭ ٷكٸمٸنە سەيكەس ن.ن.دٷتباەۆ مەملەكەتتٸ قۇپييالاردى جارييا ەتكەنٸ ٷشٸن قر قك 172 بابىنا سەيكەس كٸنەلٸ دەپ تانىلىپ, قىزمەتتٸك مٸندەتٸن اسىرا پايدالانعانى ٷشٸن 7 جىل 6 ايعا باس بوستاندىعىنان ايىرۋ جازاسى تاعايىندالدى. ن.ن.دٷتباەۆتى «گەنەرال-لەيتەنانت» ەسكەري اتاعىنان جەنە مەملەكەتتٸك ماراپاتتارىنان ايىرۋ جٶنٸندە ۇسىنىس ەنگٸزٸلدٸ», - دەپ جازىلعان قر جوعارعى سوتى تاراتقان حابارلامادا.
ٸس بويىنشا تاعى بٸر فيگۋرانت ر.ج. مۇراتوۆتىڭ وسىنداي قىلمىس (قر قك 172, 451-باپتارى) جاساعانى دەلەلدەنٸپ, 5 جىلعا باس بوستاندىعىنان ايىرىلدى, ول ٶمٸر بويىنا مەملەكەتتٸك قىزمەتتە ٸستەۋ قۇقىعىنان ايىرىلدى.
ن.ب.حاسەن مەملەكەتتٸك قۇپييالاردى جارييا ەتكەنٸ (قر قك 172-بابى) جەنە قىزمەتتٸك ٶكٸلەتتٸگٸن اسىرا پايدالانعانى (قر قك 308-بابى) ٷشٸن ايىپتى دەپ تانىلىپ, ٶمٸر بويىنا مەملەكەتتٸك قىزمەتتە ٸستەۋ قۇقىعىنان ايىرىلا وتىرىپ, 5 جىلعا سوتتالدى. ونىڭ مەملەكەتتٸك ناگرادالارىن قايتارۋ تۋرالى ۇسىنىس ەنگٸزٸلدٸ.
ە.س.نۇرتاەۆ مەملەكەتتٸك قۇپييالاردى جارييا ەتۋگە كٶمەكتەسۋدە كٸنەلٸ دەپ تانىلىپ, 3 جىل 6 ايعا باس بوستاندىعىنان ايىرىلدى, ول دا ٶمٸر بويىنا مەملەكەتتٸك قىزمەتتە جۇمىس ٸستەي المايدى. ٷكٸم زاڭدى كٷشٸنە ەنبەدٸ.
ەسكەري سوتتىڭ باسپاسٶز قىزمەتٸ ۇلتتىق قاۋٸپسٸزدٸك كوميتەتٸنٸڭ بۇرىنعى باسشىسىنا قاتىستى ٸس اقمولا گارنيزونىنىڭ ەسكەري سوتىندا قارالىپ جاتقانىن حابارلادى. ەگەر سوتتالۋشىلار اپەللياتسييالىق شاعىم تٷسٸرسە, جوعارى سوت ٸستٸ جالعاستىرۋى مٷمكٸن.
نارتاي دٷتباەۆ 2001-2006 جىلدارى ۇقك تٶراعاسى قىزمەتٸن اتقارعان. ول ٶتكەن جىلدىڭ سوڭىندا "مەملەكەتتٸك قۇپييانى جارييا ەتتٸ" دەگەن كٷدٸكپەن ۇستالعان بولاتىن. دٷتباەۆتىڭ ناقتى قانداي قۇپييانى كٸمگە جەنە قاشان جارييا ەتكەنٸ بەيمەلٸم. بۇعان دەيٸنگٸ تەرگەۋ جەنە سوت وتىرىستارىنىڭ بەرٸ دەرلٸكتەي قۇپييا جاعدايدا ٶتتٸ.
بۇعان دەيٸن ۇقك-نٸ ەكٸ رەت باسقارعان ەلنۇر مۇساەۆ "مەملەكەتكە وپاسىزدىق جاسادى", "ەسكەري تٶڭكەرٸس جاساماق بولدى" دەگەن ايىپتارمەن سىرتتاي سوتتالعان بولاتىن. ول قازٸر شەتەلدە بوي تاسالاپ جٷر. ەلنۇر مۇساەۆ پەن نارتاي دٷتباەۆتىڭ ەسٸمدەرٸ ۇقك سايتتارىنان الىنىپ تاستالعان.
