ستۋدەنتتەرگە ارنالعان سپورتتىق مەرەكە. بەيرەسمي تۇردە ۋنيۆەرسيادانى قاتىسۋشىلار وسىلاي سيپاتتايدى. دەگەنمەن بيىلعى شارا بۇرىنعىسىنان وزگەرەك. بىرىنشىدەن، بارلىق سايىسكەرلەردەن پتر سىناعىنىڭ ناتيجەسى تالاپ ەتىلدى. ەكىنشىدەن، كورەرمەندەر سانى شەكتەۋلى بولدى. جاتتىقتىرۋشىلاردىڭ ايتۋىنشا، ۋنيۆەرسيادا جاستار سپورتىن دامىتۋدا ماڭىزدى رولگە يە. سونىمەن بىرگە كوپتەگەن ستۋدەنتتەردىڭ سپورتتىق مانسابىنداعى العاشقى باسپالداعىنا اينالۋى مۇمكىن. دەنەشىنىقتىرۋ جانە سپورت كافەدراسىنىڭ مەڭگەرۋشىسى ەرمەك دىلماحانبەتوۆتىڭ ايتۋىنشا، بيىل ءبىزدىڭ ستۋدەنتتەر ۋنيۆەرسياداعا 24 سپورت تۇرىنەن قاتىسۋدا. قازىرگى تاڭدا سونىڭ 17ء-سى ءبىرىنشى ورىن الىپ، قازۇۋ قۇراما كومانداسى ازىرگە ەلىمىزدەگى جوو-لار اراسىندا الدا كەلەدى.
بيىل ءبىرىنشى ورىن العان ستۋدەنتتەردىڭ بارلىعى الدا بولاتىن دۇنيەجۇزىلىك ۋنيۆەرسياداعا قاتىسادى. ولاردىڭ اراسىندا وليمپياداعا ليسەنزيا العان بالالار دا بار. ءبىزدىڭ سپورتشىلار قازاقستاننىڭ ۇلتتىق قۇراما كومانداسىنا مۇشە بولعاندىقتان، بارلىعى دەرلىك جوعارى ليگادا وينايدى.
– سوڭعى كەزدەرى ستۋدەنتتىك سپورتقا كوپ كوڭىل بولىنۋدە. ءقازىر جوو-عا ۋنيۆەرسيادانىڭ كەم دەگەندە 20 سپورت تۇرىنە قاتىسۋ تۋرالى تالاپ قويىلادى، – دەيدى ە.دىلماحانبەتوۆ. سونىڭ ءبىرى – جاعاجاي ۆولەيبولى. جاتتىقتىرۋشى نيكولاي يۋداكوۆتىڭ ايتۋىنشا، سايىس وتە تارتىستى وتكەن.
– ۋنيۆەرسيادا – ستۋدەنتتىك سپورتتاعى ەڭ جاۋاپتى جانە ماڭىزدى سپورتتىق شارا. ءبىزدىڭ ماقساتىمىز ماكسيمالدى ناتيجەگە جەتۋ بولدى. سول ءۇشىن سپورتشىلارىمىزدى جاقسىلاپ باپتادىق. قىزدار مەن جىگىتتەر بىردە-بىر ويىندا جەڭىلمەي، قارسىلاستارىن شاڭ قاپتىردى. باپكەر رەتىندە ماعان ەكى التىن مەدال الۋ تاپسىرىلدى. سوندىقتان جەڭىلۋگە بولمايتىنىن ءتۇسىندىم. ويتكەنى 2009 جىلدان بەرى وتكىزىلگەن ۋنيۆەرسيادادا قاتارىنان جەتى رەت ءبىز وسى مەجەدەن تايعان ەمەسپىز. جارىس بارىسىندا ايتارلىقتاي قيىندىقتار بولعان جوق. تەك فينالدا وسكەمەن قالاسىنىڭ شقتۋ كومانداسىمەن تارتىستى ويىن بولدى. ويتكەنى بۇل توپتىڭ ويىنشىلارى جاسى مەن تاجىريبەسى جاعىنان ۇلكەن بولاتىن. دەگەنمەن ءبىزدىڭ قىز-جىگىتتەر ۋنيۆەرسيتەت نامىسىن قورعاپ، جەڭىسكە جەتتى، – دەيدى قازۇۋ قۇراماسىنىڭ جاتتىقتىرۋشىسى ن.يۋداكوۆ.
ونىڭ ايتۋىنشا، قازۇۋ-دا جاعاجاي ۆولەيبولىن دامىتۋعا بارلىق جاعداي جاسالعان.
– 2009 جىلدان باستاپ ەكى الاڭدى پايدالانا وتىرىپ ءتورت كورت سالىندى. ءجۇز ادامعا ارنالعان تريبۋنالار تۇرعىزىلىپ، جارىس وتكىزۋگە قاجەتتى جابدىقتار الىنعان. بۇل كورتتا ۋنيۆەرسيادا، رەسپۋبليكالىق چەمپيوناتتار جانە حالىقارالىق تۋرنيرلەر وتكىزىلەدى. سونىمەن بىرگە وقۋ ورداسىنداعى جاعاجاي كورتتارى وليمپيادالىق اككرەديتاسيادان وتكەن. الداعى ۋاقىتتا جاعاجاي ۆولەيبولىنا ارنالعان ەلىمىزدەگى العاشقى قىسقى قۇمدى سپورتزال سالۋ جوسپارلانۋدا. ءبىز وليمپيادالىق دايىندىق ورتالىعىمەن جۇمىس ىستەيمىز. ال ستۋدەنتتەرىمىز قازاقستان رەسپۋبليكاسىنىڭ جاستار مەن قۇراما كوماندالارىنىڭ مۇشەلەرى، – دەپ اتاپ ءوتتى ن.يۋداكوۆ.
ۋنيۆەرسيادا بارىسىندا قازۇۋ ستۋدەنتتەرى ۇزدىك ونەر كورسەتكەن تاعى ءبىر سپورت ءتۇرى – سەمسەرلەسۋ. ق ر ەڭبەك سىڭىرگەن جاتتىقتىرۋشىسى ۆيلور دياوكوكيننىڭ ايتۋىنشا، جوو-لار اراسىندا سەمسەرلەسۋدەن باسەكەلەستىك تاجىريبەنىڭ جوقتىعى بايقالعان.
– سوعان قاراماستان، سپورتشىلار جوعارى شەبەرلىك پەن جارىسقا دەگەن ىقىلاسىن كورسەتتى. جارىستار بارلىق سانيتارلىق نورمالارعا سايكەس ۇيىمداستىرىلدى. سوندىقتان ۇيىمداستىرۋشىلارعا، قازۇۋ سپورت كلۋبى مەن دەنەشىنىقتىرۋ تاربيەسى كافەدراسىنا ۇلكەن العىس بىلدىرەمىز. وسى تۇستا قازۇۋ ستۋدەنتتەرىنىڭ ونەرىنە توقتالعىم كەلەدى. پاندەمياعا قاراماستان، ولار فيزيكالىق جانە تەحنيكالىق جاعىنان جاقسى دايىندالعان. مىسالى، جەكە جارىستا سەمسەرلەسۋدەن مەديسينا فاكۋلتەتىنىڭ 1-كۋرس ستۋدەنتى كاميلا بەكبولات مەن بەكاسىل تىلەۋبەك چەمپيون اتاندى. ال الەكساندر ساۆين، يلنۇر عابيتوۆ، دايانا مامىربەكوۆا، ديانا مامىربەكوۆا، ۆيكتوريا زينوۆا، كارينا دوسپاي جەكە جارىستا جۇلدەگەر بولدى. سونىمەن بىرگە ولار كوماندالىق جارىستا دا چەمپيون اتانىپ، قازۇۋ جالپىكوماندالىق ەسەپتە 1-ورىندى جەڭىپ الدى. جاۋاپكەرشىلىگى، جانقيارلىعى مەن دوستىق قارىم-قاتىناسى ءۇشىن سايىسقا قاتىسقان بارلىق ستۋدەنتتەرگە راقمەت. ولار بىر-بىرىنە قولداۋ كورسەتتى. تەك وسىلاي جەڭىسكە جەتۋگە بولادى. سونداي-اق وسى جارىستا دۇنيەجۇزىلىك ۋنيۆەرسيادادا ونەر كورسەتەتىن ق ر ستۋدەنتتىك قۇراماسىنا ۇمىتكەرلەر ىرىكتەلدى، – دەيدى ۆ.دياوكوكين.
قاراشاڭىراق وسىلايشا وڭىر-وڭىردەن كەلگەن تالانتتى سپورتشىلاردىڭ باعىن اشىپ، بابىنا كەلتىرەتىن وقۋ ورنى ەكەنىن تاعى دا ءبىر دالەلدەدى. ال جەڭىسكە جەتكەن جاستار ۋنيۆەرسيادا ۇزدىكتەرى رەتىندە الەمدىك ارەنادا ونەر كورسەتەتىن بولادى.
