ءماجىلىس دەپۋتاتى داۋلەت مۇقايەۆ قوستاناي وبلىسىنداعى امانكەلدى، جانكەلدى اۋداندارىندا 30-عا جۋىق اۋىلدى سۋ شايىپ كەتكەنىن مالىمدەدى، دەپ حابارلايدى Dalanews.kz. . 

سونىڭ ىشىندە، ءتاۋىش اۋىلىندا 100 شاقتى ءۇي بار. 

"كىمنىڭ ءۇيىن سۋ باسقانىن ءوز كوزىممەن كوردىم. اۋلاسىنداعى سۋدى كەشتىك. ءبىز بارعانعا دەيىن ول جەرگە ەشقانداي گۋمانيتارلىق كومەك بەرىلمەگەن. جارىق پەن ينتەرنەت بولمادى. تەك مەكتەپتە ەەكتر قۋاتى جانە جىلدامدىعى تومەن wi-fi بار ەكەن. بايلانىس ءبىز كەتەر كەزدە قوسىلدى. ءتىپتى، قاراپايى بوتي اياقكيىمى دە جەتپەگەن"، - دەدى ماجىلىسمەن Nege پورتالىنا بەرگەن سۇحباتىندا.

ول توتەنشە جاعدايلار مينيسترلىگىمەن تىكەلەي بايلانىس ورناتىلعانىن ايتتى. اۋىلعا تىكۇشاق بارعان. 

"باسقاسى باسقا، ءدال وسى اۋىلعا ءوزىم بارىپ، كوزبەن كورگەننەن كەيىن مەنىڭ باستى نازارىمدا بولادى. ءارى قاراي دا ۇكىمەتتىڭ ءۇي سالىپ بەرۋ ماسەلەسىن قاداعالايمىن.

سۋ باسقان ايماقتارداعى مەكتەپ تۇلەكتەرىنە قوسىمشا گرانتتار ءبولىنۋ كەرەك دەپ ەسەپتەيمىن"، - دەدى داۋلەت مۇقايەۆ.

ول سوڭعى كەزدەرى دەپۋتاتتارعا قاتىستى ايتىلىپ جۇرگەن سىندارعا دا جاۋاپ بەردى. ونىڭ پايىمىنشا، قوعامدا دەپۋتاتتىڭ بەينەسىن جامان ەتىپ كورسەتىپ تاستاعان.

"دەپۋتات بولعانىما ءبىر جىلدان استى، ۇيقتاپ وتىرعان بىردە-بىر ارىپتەسىمدى كورمەدىم. سوندىقتان دەپۋتاتتارعا قاتىستى ستەرەوتيپتى بۇزۋ كەرەك. ەگەر مەن «دەپۋتاتپىن» دەپ شىرەنىپ جۇرسەم، حالىقتىڭ ەمەس، اكىمدەردىڭ «قۇلاقتان تەپكەن» ەسەپتەرىن تىڭداپ قايتار ەدىم. سول سەبەپتەن دە جۇرگەن جەرىمدە «دەپۋتاتپىن»، «دەپۋتات كەلە جاتىر» دەپ شۋلاتا بەرمەيمىن. كەرىسىنشە، ۇندەمەي بارامىن دا، شۋلاتىپ جىبەرۋىم مۇمكىن. ءبىز كورسەتپەگەندە جەرگىلىكتى اتقارۋشى ورگانداردان، مينيسترلەردەن مۇندايدى كورۋ ەكىتالاي"، - دەيدى حالىق قالاۋلىسى.