Májilis depýtaty Dáýlet Muqaev Qostanai oblysyndaǵy Amankeldi, Jankeldi aýdandarynda 30-ǵa jýyq aýyldy sý shaiyp ketkenin málimdedi, dep habarlaidy Dalanews.kz. .
Sonyń ishinde, Táýish aýylynda 100 shaqty úi bar.
"Kimniń úiin sý basqanyn óz kózimmen kórdim. Aýlasyndaǵy sýdy keshtik. Biz barǵanǵa deiin ol jerge eshqandai gýmanitarlyq kómek berilmegen. Jaryq pen internet bolmady. Tek mektepte eektr qýaty jáne jyldamdyǵy tómen wi-fi bar eken. Bailanys biz keter kezde qosyldy. Tipti, qarapaiy boti aiaqkiimi de jetpegen", - dedi májilismen Nege portalyna bergen suhbatynda.
Ol Tótenshe jaǵdailar ministrligimen tikelei bailanys ornatylǵanyn aitty. Aýylǵa tikushaq barǵan.
"Basqasy basqa, dál osy aýylǵa ózim baryp, kózben kórgennen keiin meniń basty nazarymda bolady. Ári qarai da Úkimettiń úi salyp berý máselesin qadaǵalaimyn.
Sý basqan aimaqtardaǵy mektep túlekterine qosymsha granttar bóliný kerek dep esepteimin", - dedi Dáýlet Muqaev.
Ol sońǵy kezderi depýtattarǵa qatysty aitylyp júrgen syndarǵa da jaýap berdi. Onyń paiymynsha, qoǵamda depýtattyń beinesin jaman etip kórsetip tastaǵan.
"Depýtat bolǵanyma bir jyldan asty, uiqtap otyrǵan birde-bir áriptesimdi kórmedim. Sondyqtan depýtattarǵa qatysty stereotipti buzý kerek. Eger men «depýtatpyn» dep shirenip júrsem, halyqtyń emes, ákimderdiń «qulaqtan tepken» esepterin tyńdap qaitar edim. Sol sebepten de júrgen jerimde «depýtatpyn», «depýtat kele jatyr» dep shýlata bermeimin. Kerisinshe, úndemei baramyn da, shýlatyp jiberýim múmkin. Biz kórsetpegende jergilikti atqarýshy organdardan, ministrlerden mundaidy kórý ekitalai", - deidi halyq qalaýlysy.
