قازاقستان ۇلتتىق بانكٸ مەن Binance Investments Co. كومپانيياسى ٶزارا تٷسٸنٸستٸك تۋرالى مەموراندۋمعا قول قويدى. قۇجات ەلٸمٸزدە Binance توبىنىڭ ٶڭٸرلٸك ەسەپ ايىرىسۋ حابىن بٸرلەسٸپ دامىتۋعا باعىتتالعان, دەپ حابارلايدى dalanews.kz.
قول قويۋ رەسٸمٸنە ۇلتتىق بانك تٶراعاسى تيمۋر سٷلەيمەنوۆ پەن Binance نەگٸزٸن قالاۋشى چانپەن چجاو قاتىستى. مەموراندۋمعا ۇلتتىق بانك تٶراعاسىنىڭ ورىنباسارى بينۇر جەلەنوۆ جەنە Binance جاھاندىق كەڭسەسٸنٸڭ ٶڭٸرلٸك دامۋ جەنە وپەراتسييالىق قىزمەت جٶنٸندەگٸ باسشىسى كيريلل حومياكوۆ قول قويدى.
جوسپار بويىنشا قازاقستاندا قۇرىلاتىن حاب حالىقارالىق تٶلەمدەر مەن اقشا اۋدارىمدارىنا قىزمەت كٶرسەتەدٸ. ونىڭ ٸشٸندە ورتالىق ازييا, تمد جەنە شىعىس ەۋروپا ەلدەرٸندەگٸ Binance كليەنتتەرٸنٸڭ تسيفرلىق اكتيۆتەرمەن بايلانىستى وپەراتسييالارى دا قامتىلادى.
جوبانى جٷزەگە اسىرۋ ٷشٸن ەلٸمٸزدە Binance توبىنا قارايتىن ارنايى ۇيىم مەن قاجەتتٸ ينفراقۇرىلىم قۇرىلادى. كومپانييا ۇلتتىق بانكتەن بٸرٸنشٸ ساناتتاعى تٶلەم ۇيىمى رەتٸندە جۇمىس ٸستەۋگە ليتسەنزييا الۋى تيٸس.
ۇلتتىق بانكتٸڭ مەلٸمەتٸنشە, مۇنداي جوبانى ٸسكە اسىرۋعا تسيفرلىق اكتيۆتەر اينالىمىن رەتتەۋ سالاسىنداعى زاڭنامالىق ٶزگەرٸستەر مٷمكٸندٸك بەرگەن. جاڭا تالاپتار قارجى نارىعىنداعى بەسەكەنٸ ارتتىرىپ, حالىقارالىق كومپانييالار مەن يننوۆاتسييالىق تٶلەم قىزمەتتەرٸنٸڭ قازاقستان نارىعىنا كەلۋٸنە جول اشادى.
جوبا ٸسكە اسسا, Binance-تٸڭ ٶڭٸردەگٸ وپەراتسييالارىنىڭ بٸر بٶلٸگٸ قازاقستانعا كٶشٸرٸلٸپ, كٶپتەگەن كليەنتكە ەلٸمٸزدٸڭ زاڭناماسى اياسىندا قىزمەت كٶرسەتٸلەدٸ. بۇل حالىقارالىق تەحنولوگييالىق تەجٸريبەنٸ تارتۋعا, تسيفرلىق قارجى قىزمەتتەرٸنٸڭ ەكسپورتتىق ەلەۋەتٸن ارتتىرۋعا جەنە قازاقستاننىڭ ٶڭٸرلٸك قارجى تەحنولوگييالارى ورتالىعى رەتٸندەگٸ ورنىن نىعايتۋعا مٷمكٸندٸك بەرەدٸ.
