الماتى قالاسى قوعامدىق دامۋ باسقارماسىنىڭ قوعامدىق دامۋ ورتالىعى ۇيىمداستىرۋىمەن «ۇلتتىق قۇندىلىق-قايىرىمدى قوعام» اتتى سەمينار-پراكتيكۋمى ءوتتى.

ءىس-شارانىڭ ماقساتى:

• ۇلتتىق قۇندىلىقتاردى ىسكە اسىرۋ شەڭبەرىندە جۇمىس ىستەۋ ءۇشىن قاجەتتى داعدىلاردى قالىپتاستىرۋ، ءبىلىمدى كەڭەيتۋ؛


• ۇلتتىق كودتى ساقتاپ، مادەني بىرەگەيلىكتى جاڭعىرتۋ، ۇلتتىق قۇندىلىقتار مەن ءسالت-داستۇردى ناسيحاتتاۋ ارقىلى – قوعامنىڭ مادەني دەڭگەيىن، تالعامىن جانە رۋحىن كوتەرۋ؛


• ۇلتتىڭ شىعارماشىلىق جانە ينتەللەكتۋالدىق الەۋەتىن قولداۋ مەن دامىتۋ؛

ۇلتىمىزدىڭ كورنەكتى قوعام جانە مەملەكەت قايراتكەرى مۇستافا شوقاي: «ۇلتتىق قۇندىلىقتاردان جۇرداي رۋحتا تاربيەلەنگەن ۇرپاقتان حالىقتىڭ مۇددەسى مەن مۇقتاجىن جوقتايتىن پايدالى ازامات شىقپايدى»-دەگەن.

ۇلتتىق قۇندىلىقتار – ءاربىر ۇلتتىڭ بولمىسىندا عاسىرلار بويى اتادان بالاعا ميراس بولىپ كەلە جاتقان ادامگەرشىلىك قاعيداتتارى.

عاسىردان عاسىرعا جەتكەن حالىقتىڭ قازىناسى –  ءتىلى، ءدىلى، ءسالت-داستۇرى، ادەبيەتى مەن ونەرى ۇلتىمىزدىڭ رۋحاني بايلىعى. سوندىقتان اسىرەسە قازىرگى جاھاندانۋ كەزەڭىندە ونى ساقتاپ قالۋ، ۇرپاق بويىنا ءسىڭىرۋدىڭ ماڭىزى زور. ويتكەنى، بۇگىنگى ۇرپاق بويىنا «ۇلتتىق كود» ۇعىمىن قانشالىقتى تەرەڭ سىڭىرسەك – ول ءبىزدىڭ ەرتەڭگى ۇلت بولىپ قالۋىمىزدىڭ كەپىلى.

سوندىقتان دا كەشەدەن بۇگىنگە سول قۇندىلىقتارىمىز  قالاي جەتتى، ەرتەڭگى كۇنگە جەتكىزە الامىز با؟ -، دەگەن سۇراققا جاۋاپ الۋىمىز كەرەك. رۋحاني-ادامگەرشىلىك قۇندىلىقتاردى دارىپتەۋ، جاستاردى تاربيەلەۋدەگى زاماناۋي ۇدەرىستەردى قالىپتاستىرۋعا باعىتتالعان يدەولوگيالىق باعدارلامالاردى ءتۇسىندىرۋ.

سەمينارعا مەملەكەتتىك قىزمەتكەرلەر (قالا جانە اۋدان اكىمدىكتەرى  ماماندارى)، جوعارى وقۋ ورىندارىنىڭ، كوللەدجدەردىڭ،  مەكتەپتەردىڭ، كىتاپحانالاردىڭ جانە مۋزەيلەردىڭ قىزمەتكەرلەرى قاتىسۋى قاراستىرىلعان. سونىمەن قاتار، ءىس-شارا بارىسىندا تاجىريبەلىك جۇمىستار، تاقىرىپتىق وي ءبولىسۋ جۇرگىزىلىپ، سەرتيفيكاتتار تابىستالادى