Is-sharanyń maqsaty:
- ulttyq qundylyqtardy iske asyrý sheńberinde jumys isteý úshin qajetti daǵdylardy qalyptastyrý, bilimdi keńeitý;
- ulttyq kodty saqtap, mádeni biregeilikti jańǵyrtý, ulttyq qundylyqtar men salt-dástúrdi nasihattaý arqyly – qoǵamnyń mádeni deńgeiin, talǵamyn jáne rýhyn kóterý;
- ulttyń shyǵarmashylyq jáne intellektýaldyq áleýetin qoldaý men damytý;
Ultymyzdyń kórnekti qoǵam jáne memleket qairatkeri Mustafa Shoqai: «Ulttyq qundylyqtardan jurdai rýhta tárbielengen urpaqtan halyqtyń múddesi men muqtajyn joqtaityn paidaly azamat shyqpaidy»-degen.
Ulttyq qundylyqtar – árbir ulttyń bolmysynda ǵasyrlar boiy atadan balaǵa miras bolyp kele jatqan adamgershilik qaǵidattary.
Ǵasyrdan ǵasyrǵa jetken halyqtyń qazynasy – tili, dili, salt-dástúri, ádebieti men óneri ultymyzdyń rýhani bailyǵy. Sondyqtan ásirese qazirgi jahandaný kezeńinde ony saqtap qalý, urpaq boiyna sińirýdiń mańyzy zor. Óitkeni, búgingi urpaq boiyna «ulttyq kod» uǵymyn qanshalyqty tereń sińirsek – ol bizdiń erteńgi ult bolyp qalýymyzdyń kepili.
Sondyqtan da kesheden búginge sol qundylyqtarymyz qalai jetti, erteńgi kúnge jetkize alamyz ba? -, degen suraqqa jaýap alýymyz kerek. Rýhani-adamgershilik qundylyqtardy dáripteý, jastardy tárbieleýdegi zamanaýi úderisterdi qalyptastyrýǵa baǵyttalǵan ideologiialyq baǵdarlamalardy túsindirý.
Seminarǵa memlekettik qyzmetkerler (qala jáne aýdan ákimdikteri mamandary), Joǵary oqý oryndarynyń, kolledjderdiń, mektepterdiń, kitaphanalardyń jáne mýzeilerdiń qyzmetkerleri qatysýy qarastyrylǵan. Sonymen qatar, is-shara barysynda tájiribelik jumystar, taqyryptyq oi bólisý júrgizilip, sertifikattar tabystalady
