بۇگىن "ۇلتتىق قور - بالالارعا" باعدارلاماسى بويىنشا ءار بالاعا 45.000 تەڭگە كولەمىندە قارجى ءتۇستى، دەپ حابارلايدى Dalanews.kz.
بۇل تۋرالى اقپارات kids.enpf.kz سايتىندا جاريالانعان. مۇندا جسن بويىنشا بالانىڭ باعدارلاماعا قاتىساتىنىن تەكسەرۋگە بولادى.
2006 جىلى جانە ودان كەيىن دۇنيەگە كەلگەن قازاقستاننىڭ بارلىق بالاسىنا جىل سايىن قازاقستان رەسپۋبليكاسى ۇلتتىق قورىنىڭ ينۆەستيسيالىق تابىسىنىڭ 50%-ى ءتۇسىپ تۇرادى.
تابىس ەسەپتى جىلدىڭ الدىنداعى ون سەگىز جىل ىشىندەگى ورتاشا سومامەن ەسەپتەلەدى. بارلىق بالا بىردەي مولشەردە اقشا الادى.
سەرۆيس قازىرگى تاڭدا جۇمىس ىستەپ تۇر.
اقپارات الۋ ءۇشىن بالانىڭ جسن ەنگىزىپ، "تەكسەرۋ" تۇيمەسىن باسۋ قاجەت.
ەسكە سالايىق، مەملەكەت باسشىسى قاسىم-جومارت توقايەۆ ءوز سوزىندە ءاربىر وتباسى ەلىمىز پايدالانىپ جاتقان ۇلتتىق بايلىقتىڭ يگىلىگىن كورۋى كەرەك دەپ مالىمدەگەن ەدى. سوعان بايلانىستى “ۇلتتىق قور - بالالارعا” جوباسى ازىرلەنگەن بولاتىن. اتالمىش جوبا بويىنشا تولەم 2024 جىلدىڭ 1 قاڭتارىنان باستاپ جاسالاتىنى ايتىلعان. وسى تۇستا ۇلتتىق قوردىڭ ينۆەستيسيالىق تابىسىنىڭ جارتىسى جىل سايىن 18 جاسقا دەيىنگى بارلىق جاستاعى بالالار اراسىندا بولىنەدى.
