Búgin "Ulttyq qor - balalarǵa" baǵdarlamasy boıynsha ár balaǵa 45.000 teńge kóleminde qarjy tústi, dep habarlaıdy Dalanews.kz.

Bul týraly aqparat kids.enpf.kz saıtynda jarıalanǵan. Munda JSN boıynsha balanyń baǵdarlamaǵa qatysatynyn tekserýge bolady.

2006 jyly jáne odan keıin dúnıege kelgen Qazaqstannyń barlyq balasyna jyl saıyn Qazaqstan Respýblıkasy Ulttyq qorynyń ınvestısıalyq tabysynyń 50%-y túsip turady.

Tabys esepti jyldyń aldyndaǵy on segiz jyl ishindegi ortasha somamen esepteledi. Barlyq bala birdeı mólsherde aqsha alady.

Servıs qazirgi tańda jumys istep tur.

Aqparat alý úshin balanyń JSN engizip, "tekserý" túımesin basý qajet.

Eske salaıyq, memleket basshysy Qasym-Jomart Toqaev óz sózinde árbir otbasy elimiz paıdalanyp jatqan ulttyq baılyqtyń ıgiligin kórýi kerek dep málimdegen edi. Soǵan baılanysty “Ulttyq qor - balalarǵa” jobasy ázirlengen bolatyn. Atalmysh joba boıynsha tólem 2024 jyldyń 1 qańtarynan bastap jasalatyny aıtylǵan. Osy tusta Ulttyq qordyń ınvestısıalyq tabysynyń jartysy jyl saıyn 18 jasqa deıingi barlyq jastaǵy balalar arasynda bólinedi.