ۇلتتىق پاراليمپيادا قۇراماسى بەيجٸڭگە اتتانادى
بەيجٸڭ-2022 قىسقى پاراليمپيادا ويىندارىنا قازاقستاندىق دەلەگاتسييا كورونوۆيرۋس ٸندەتٸنە قارسى بارلىق سانيتارلىق شارالاردى قولدانىپ, قاتاڭ كارانتين رەجيمٸندە اتتانادى. سوڭعى ٷش جەتٸ بويى پاراليمپياداشىلار الماتى وبىلىسى تالعار اۋدانىنداعى «الاتاۋ» شاڭعى-بياتلون كومپلەكسٸندە كارانتين رەجيمٸن قاتاڭ ساقتاپ, پاراليمپيادا ويىندارىنا اقتىق وقۋ-جاتتىعۋ جيىندارىن ٶتكٸزدٸ.
«پاراليمپيادا ويىندارى - ەلەمدٸك سپورتتىق قاۋىمداستىعى ٷشٸن ەڭ ماڭىزدى سپورتتىق شارا. سوڭعى جىلدارى, بٸز سپورتشىلارىمىزدىڭ تۇراقتى ٶسۋٸنە, ويىنداردىڭ «گەوگرافيياسىنىڭ» كەڭەيۋٸنە جەنە ەلەمدٸك قوعامداستىقتىڭ نازارى ارتىپ كەلە جاتقانىنا كۋە بولىپ وتىرمىز. پاراليمپيادا سپورتشىلارى, سەندەر كەدەرگٸلەر مەن قيىندىقتاردى سەنٸمدٸ ەڭسەرٸپ, بٸزگە باتىلدىقتىڭ قانداي بولاتىندىعىن ٶز ٷلگٸلەرٸندە ماقساتقا جەتۋ ارقىلى دەلەلدەپ جٷرسٸڭدەر. سٸزدەرگە سەتتٸلٸك, ٶزٸڭٸزگە دەگەن سەنٸم مەن بەرٸك رۋح تٸلەيمٸن»- دەپ ۇلتتىق پاراليمپيادا كوميتەتٸنٸڭ پرەزيدەنتٸ ق.بورانباەۆ سپورتشىلارعا ارنالعان ٷندەۋدە اتاپ ٶتتٸ.
پاراليمپيادا سپورتشىلارىنا اتاقتى ەرتٸستەر دە قولداۋ كٶرسەتتٸ. قىسقى پاراليمپيادا ويىندارىنىڭ الدىندا ەنشٸ, كومپوزيتور ەرلان بايبازاروۆ پاراليمپيادا سپورتى تۋرالى «جاسا» اتتى ەنٸن جازدى. اتاپ ٶتەتٸن بولساق بۇل قازاقستاندىق رەپەرتۋارداعى پاراليمپيادا سپورت تٷرلەرٸنە ارنالعان العاشقى ەن. ەن ۇلتتىق پاراليمپيادا كوميتەتٸنٸڭ سپورتتىق شارالار مەن جارىستارىن ٶتكٸزۋ بارىسىندا قولدانىلاتىن بولادى.
«توكيو پاراليمپيادا ويىندارىنىڭ جەتٸستٸكتەرٸن كٶرٸپ, شابىتتانعانىم سونشالىق, سول پاراليمپياداشىلار تۋرالى ەن جازعىم كەلدٸ. نەگٸزگٸ تٸرەكتٸ ويلاعاندا, عالىمجان سانداليدٸڭ جازعان ەۋەنٸنەن "جاسا, پاراسپورت! پاراسپورت, العا!» دەگەن ٷزٸندٸسٸ ەسٸمە تٷستٸ. ەۋەننٸڭ سٶزدەرٸن جازعان ەۆگەنيي كەچين مەن رامازان امانتاي. سٶزدەرٸ ٶتە قاراپايىم, ەستە ساقتاۋ وڭاي. ارانجيروۆكامەن ىقىلاس نۇعمانوۆ اينالىستى. بٸز پاراليمپياداشىلار مەن ولاردىڭ جانكٷيەرلەرٸ اراسىنداعى بٸرلٸك پەن ىنتىماقتاستىق سەزٸمٸن بەينەلەيتٸن ەن جاساي الدىق دەپ ويلايمىن. «الەكس» كومپانيياسىنا, ۇلتتىق پاراليمپيادا كوميتەتٸنە جەنە پاراليمپيادالىق جاتتىعۋ ورتالىعىنا ەن جازۋعا كٶمەكتەسكەنٸ ٷشٸن العىس بٸلدٸرەمٸن», - دەدٸ ەرلان بايبازاروۆ.
ەرلان بايبازاروۆ رەجيسسەر ولجاس نۋربايمەن بٸرگە «جاسا» ەنٸنە بەينەكليپ تٷسٸردٸ. بەينەكليپتٸڭ تۇساۋكەسەرٸ اعىمداعى جىلدىڭ 23 اقپانىنا "GAKKU" تەلەارناسىنىڭ ەفيرٸندە شىعادى دەپ جوسپارلانعان.
«سپورتشىلارمەن كەزدەسٸپ, بٸرگە جۇمىس ٸستەگەننەن كەيٸن سەزٸم مەن ەموتسييالاردىڭ تۇتاس پاليتراسىن سەزٸندٸم. ونىڭ ٸشٸندە: تاڭدانۋ, وپتيميزم, قايسارلىق پەن جەڭٸس سالتاناتى. كليپتٸ تٷسٸرۋ بارىسىندا تٶرت ماقساتتى كٶزدەدٸم. بٸرٸنشٸدەن, مٷگەدەك بالالارعا جەنە ولاردىڭ اتا-انالارىنا ٷمٸت پەن مٷمكٸندٸكتٸن بار ەكەنٸن جەتكٸزۋ, ەكٸنشٸدەن, پاراليمپياداشىلارعا قۇرمەت كٶرسەتۋ. ٷشٸنشٸدەن, كٶرەرمەندەرگە ادام مٷمكٸندٸگٸنٸڭ شەكسٸزدٸگەن كٶرسەتۋ. كليپتٸڭ تٶرتٸنشٸ جەنە ەڭ ماڭىزدى ماقساتى — ينكليۋزيۆتٸ قوعامدى دامىتۋ جەنە مٷگەدەكتٸگٸ بار ادامداردىڭ احۋالدارىن جەتكٸزۋ. كليپتە سٸز ناقتى پاراليمپياداشىلاردىڭ ويدان شىعارىلماعان وقيعالارىن كٶرەسٸز. بٸز مٷگەدەكتٸگٸ بار ادامداردى نەعۇرلىم جيٸ ايتىپ, كٶرسەتەتٸن بولساق, ولار بٸزدٸڭ ورتادا سوعۇرلىم ماڭىزدى جەنە ەلەۋلٸ بولادى", - دەپ اتاپ ٶتتٸ كليپتٸڭ رەجيسسەرٸ ولجاس نۇرباي.
وعان قوسا ەلەۋمەتتٸك جەلٸدە (Instagram) «پاراليمپيادا سپورتشىلارىنا جىلى تٸلەكتەرٸڭدٸ جولدا» اتتى شارا ٸسكە قوسىلادى. ونلاين شاراعا اتاقتى مۋزىكانتتار, سپورتشىلار مەن قوعام بەلسەندٸلەرٸ قاتىسادى. اتالعان شاراعا قازاقستانداعى پاراليمپيادا قوزعالىسىنىنىڭ سيمۆولى بەينەلەنگەن ارنايى قولعاپتار توقىلدى. جىلى سىيلىقتار قازاقستان پاراليمپيادا سپورتشىلارىن قولداۋ ماقساتىندا ۇلتتىق پاراليمپيادا كوميتەتٸنٸڭ سەرٸكتەسٸ McDonalds كومپانيياسى جاسادى.
