الماتىدا قوعام بەلسەندٸلەرٸنٸڭ قاتىسۋىمەن لگبت ناسيحاتىنا قارسى باسپاسٶز كونفەرەنتسيياسى ٶتتٸ,- دەپ حابارلايدى Dalanews.kz
الماتى قالاسىندا ازاماتتىق بەلسەندٸلەر مەن قۇقىق قورعاۋشىلاردىڭ قاتىسۋىمەن «ۇلتقا بالتا شابار لگبت ۇيىمداردىڭ ناسيحاتىنا جول جوق!» اتتى باسپاسٶز كونفەرەنتسيياسى ٶتتٸ. شارانىڭ ماقساتى - قازاقستان رەسپۋبليكاسى پارلامەنتٸ مەجٸلٸسٸ دەپۋتاتتارى ۇسىنعان دەستٷرلٸ ەمەس جىنىستىق قاتىناستاردى ناسيحاتتاۋعا تىيىم سالۋ تۋرالى زاڭ جوباسىن قولداۋ جەنە قوعامدى اقپاراتتاندىرۋ.
باسپاسٶز جيىنىن قوعام بەلسەندٸسٸ ەرٸ قۇقىق قورعاۋشى باعيلا بالتاباەۆا ۇيىمداستىردى. ونىڭ ايتۋىنشا, بۇل باستاماعا قازاقستاندىقتاردىڭ باسىم بٶلٸگٸ قولداۋ بٸلدٸرٸپ وتىر.
«2019 جىلدان بەرٸ قاراي بٸرجىنىستى قارىم-قاتىناستى قولداۋشىلار ٶز بەلسەندٸلٸكتەرٸن كٷشەيتٸپ, تٷرلٸ الاڭداردا جالاۋلارىن كٶتەرٸپ جٷر. بۇل بٸزدٸ بەيجاي قالدىرمادى. مەن قوعام بەلسەندٸسٸ ەرٸ انا رەتٸندە مۇنداي ناسيحاتقا قارسى ەرەكەت ەتۋگە مەجبٷر بولدىم. جاستاردىڭ وسىنداي ۇيىمداردىڭ جيىندارىندا جٷرگەنٸن كٶرٸپ, ٷنسٸز قالا المادىم. سول سەبەپتٸ دەستٷرلٸ ەمەس قاتىناستاردى ناسيحاتتاۋعا تولىق تىيىم سالۋ ماقساتىندا پەتيتسييا جارييالادىق. نەتيجەسٸندە 50 مىڭنان استام قول جينالىپ, ۇسىنىس ٷكٸمەتكە جەتكٸزٸلدٸ. قازٸر ول سەناتتىڭ قاراۋىندا. مەملەكەت باسشىسى قول قويسا, زاڭ تولىق كٷشٸنە ەنەدٸ», – دەدٸ باعيلا بالتاباەۆا.
كونفەرەنتسيياعا بەلگٸلٸ قوعام قايراتكەرلەرٸ مەن شىعارماشىل تۇلعالار قاتىسىپ, ٶز پٸكٸرلەرٸن بٸلدٸردٸ. ولاردىڭ اراسىندا جازۋشى, قازاقستان جازۋشىلار وداعىنىڭ مٷشەسٸ مارات توقاشباەۆ تا بار.
«بٸز ەڭ الدىمەن كەلەشەك ۇرپاق ٷشٸن الاڭدايمىز. مەنٸڭ 12-13 نەمەرەم بار. سول بالالاردىڭ ۇلتتىق بولمىسقا جات, ارسىز دٷنيەلەردٸڭ ىقپالىنا تٷسكەنٸن قالامايمىن. بٸرجىنىستى ۇيىمدار حالىقتىڭ نەبەرٸ 1 پايىزىن قۇرايدى. سول ازشىلىق ٷشٸن قالعان 99 پايىز حالىق زارداپ شەكپەۋگە تيٸس», – دەدٸ ول.
بەلسەندٸ, قوعام قايراتكەرٸ شولپان بوستانقىزى دا زاڭنىڭ شىعۋىن قولداپ, بۇل كەلەشەك ۇرپاق ٷشٸن ماڭىزدى تٷيتكٸل ەكەنٸن باسا ايتتى.
«لگبت ٶكٸلدەرٸ ٶز قۇقىقتارى تاپتالدى دەپ جيٸ مەلٸمدەمە جاسايدى. بٸراق بٸز ولاردىڭ جەكە ٶمٸرٸنە ارالاسىپ جاتقان جوقپىز. بٸز تەك ولاردىڭ اشىق تٷردە ناسيحات جٷرگٸزۋٸنە, كەلەشەك ۇرپاقتىڭ ساناسىن ۋلاۋىنا قارسىمىز. وسىنى دۇرىس تٷسٸنگەن جٶن», – دەپ اتاپ ٶتتٸ ول.
جيىن بارىسىندا قاتىسۋشىلار ەلەۋمەتتٸك زەرتتەۋلەردٸڭ نەتيجەلەرٸن دە ۇسىندى. زەرتتەۋلەر قازاقستاندىقتاردىڭ باسىم بٶلٸگٸ دەستٷرلٸ ەمەس قاتىناستارعا قارسى ەكەنٸن كٶرسەتتٸ. «قازاقستاندىق قوعامدى دامىتۋ ينستيتۋتىنىڭ» دەرەگٸنشە, رەسپوندەنتتەردٸڭ 90,5 پايىزى گوموسەكسۋالدىق قاتىناستاردى ٶز بالالارىنا قابىلداۋعا دايىن ەمەس ەكەنٸن ايتقان. ال حالىقارالىق زەرتتەۋلەردە مۇنداي قاتىناستاردىڭ «اقتالۋ دەڭگەيٸ» نەبەرٸ 2,2 بالل بولعان.
باعيلا بالتاباەۆانىڭ ايتۋىنشا, زاڭ جوباسى سٶز بوستاندىعىنا شەكتەۋ ەمەس, قوعام مەن جاستاردىڭ پسيحيكالىق جەنە رۋحاني دەنساۋلىعىن قورعاۋعا باعىتتالعان.
«بۇل باستاما ۇلتتىڭ رۋحاني قاۋٸپسٸزدٸگٸن قورعاۋعا باعىتتالعان. ماقسات – بٸرەۋدٸ قۋدالاۋ ەمەس, جاستاردىڭ ساناسىن تەرٸس ناسيحاتتان ساقتاۋ, – دەدٸ ول جيىندى قورىتىندىلاي كەلە.
دەستٷرلٸ ەمەس جىنىستىق قاتىناستاردى ناسيحاتتاۋعا تىيىم سالۋ تۋرالى زاڭ جوباسى قازٸرگٸ تاڭدا سەنات قاراۋىندا. زاڭ قابىلدانعان جاعدايدا, ول «بالا قۇقىقتارى تۋرالى», «جارناما تۋرالى», «ماسس-مەديا تۋرالى» جەنە باسقا دا بٸرقاتار زاڭدارعا ەنگٸزٸلمەك.
