ٷلكەن سپورتتان بيلٸكتٸڭ تٷرلٸ تارماعىنا بارعان سپورتشىلار بارشىلىق. ولاردىڭ بٸر توبى وسى كٷنگە دەيٸن ٷكٸمەت, پارلامەنت, ەكٸمدٸكتەر, سپورت مەكەمەلەرٸندە ەرتٷرلٸ باسشىلىق قىزمەتتەردە بولدى. ەسٸرەسە ٷلكەن سپورتتا, وليمپيادا, ەلەم چەمپيوناتتارىندا ەل نامىسىن قورعاپ, كٶك تۋدى بيٸك ۇستىعاندار تۋرالى ايتۋعا بولادى. نازارباەۆتىڭ دەۋٸرٸندە ەسٸرەسە ەلدٸڭ زاڭ شىعارۋشى ورگانىنا پارتييالىق تٸزٸممەن ٶتكەن داڭقتى سپورتشىلار از بولعان جوق. سەرٸك قوناقباەۆ, دەۋلەت تۇرلىحانوۆ, ولگا شيشيگينا, مۇحتار تٸنٸكەەۆ, سەرٸك سەپيەۆ, تاراس حيتۋوۆ, وڭالباي اياشەۆ ٷلكەن سپورتتا جەتٸستٸككە جەتكەن, حالىقتىڭ جىلى ىقىلاسىنا بٶلەنگەن تۇلعالار. ولار پارلامەنتتە وتاندىق سپورتتىڭ پروبلەمالارىن كٶتەرٸپ قويماي, جالپى ساياسي-ەكونوميكالىق جەنە ەلەۋمەتتٸك-مەدەني سالاداعى مەسەلەلەردٸ قوزعاپ, كٶپپەن بٸرگە ەلگە قىزمەت ەتتٸ دەسە دە بولادى.
سول داڭقتى سپورتشىلاردىڭ سپورتتا دا, ساياساتتا دا ٸزباسارلارى ٶسٸپ كەلەدٸ. جاڭا قازاقستان دەۋٸرٸندە دە ەلگە سپورتتاعى جەتٸستٸكتەرٸمەن تانىلعان ازاماتتاردى بيلٸك تارماقتارىنا قىزمەتكە تارتۋ ٷردٸسٸ جالعاسىن تاپتى. ولاردىڭ اراسىندا وبلىس ەكٸمدٸكتەرٸ, تۋريزم جەنە سپورت مينيسترلٸگٸ, تٷرلٸ سالالىق فەدەراتسييالاردىڭ باسشىلىق قۇرىلىمدارىندا ورتا ەڭبەك ەتٸپ جٷرگەندەر بارشىلىق.
Dalanews.kz سايتى مەن “قالا مەن دالا” گازەتٸ سولاردىڭ كەيبٸرٸنە شولۋ جاساپ, جاقىنىراق تانىستىرۋعا تىرىستى. ولاردىڭ وسىنداي جاۋاپتى قىزمەتتٸ اتقارۋعا تەجٸريبەسٸ جەنە بٸلٸمٸ مەن بەدەلٸ جەتە مە? سپورتشى شەنەۋنٸكتەردٸڭ ەل باسقارۋداعى تەجٸريبەسٸ حالىقتىڭ كٶڭٸلٸنەن شىعا ما, ولار قانشالىقتى بٸلٸكتٸ باسشى بولا الدى? بۇل ساۋالداردى بٸز وقىرماننىڭ ٶزٸنە قالدىرامىز.
نۇرباقىت تەڭٸزباەۆ
نۇرباقىت تەڭٸزباەۆ – الماتى وبلىسى كەگەن اۋدانىنىڭ ەكٸمٸ. جيىرما مىڭنان استام حالقى بار اۋداندى سوڭعى 2 جىلدان بەرٸ باسقارادى. جاسى 42-گە كەلگەن مەملەكەتتٸك قىزمەتكەر قازٸرگٸ جەتٸسۋ وبلىسى پانفيلوۆ اۋدانى ٷشارال اۋىلىندا تۋعان. گرەك-ريم كٷرەسٸنٸڭ شەبەرٸ وليمپيادانىڭ كٷمٸس جٷلدەگەرٸ, ازييا, ەلەم چەمپيوناتتارىنىڭ بٸرنەشە دٷركٸن جەڭٸمپازى. ٷلكەن سپورتتان كەتكەن سوڭ نۇرباقىت مولداحمەتۇلى جەرگٸلٸكتٸ اتقارۋشى بيلٸك سالاسىندا قىزمەت اتقارا باستادى. ٶمٸرباياندىق دەرەكتەردە ول سپورت جەنە دەنەشىنىقتىرۋ مەكەمەلەرٸندە نۇسقاۋشى, ەدٸسكەر بولدى. الماتى وبلىستىق جوعارى سپورت شەبەرلٸگٸ مەكتەبٸنٸڭ ديرەكتورى. ال بيلٸككە 2018 جىلدىڭ قازان ايىندا ارالاسا باستادى. سول كەزدەگٸ الماتى وبلىسىنىڭ ەكٸمٸ اماندىق باتالوۆ وليمپيادا جٷلدەگەرٸن ٶڭٸردەگٸ دەنە شىنىقتىرۋ جەنە سپورت باسقارماسى باسشىسى لاۋازىمىنا تاعايىندايدى. ال قاڭتار وقيعاسىنان كەيٸن 2023 جىلى شٸلدەدە قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ جەنە كەگەن اۋداندىق مەسليحاتى دەپۋتاتتارىنىڭ كەلٸسٸمٸ بويىنشا الماتى وبلىسى ەكٸمٸنٸڭ ٶكٸمٸمەن نۇرباقىت تەڭٸزباەۆ كەگەن اۋدانىنىڭ ەكٸمٸ لاۋازىمىنا بارعان ەدٸ.
كەيبٸر باق تەڭٸزباەۆتى 2025 جىلدىڭ باسىندا الماتى قالاسى سپورت باسقارماسىنىڭ باسشىسى لاۋازىمىنا تاعايىندالادى دەپ جازدى. الايدا قر تۋريزم جەنە سپورت مينيسترٸ جانىنداعى ٶڭٸرلٸك سپورت باسقارمالارىنىڭ باسشىلارىن تاعايىنداۋ جٶنٸندەگٸ كوميسسييانىڭ كەزەكتٸ وتىرىسىندا الماتىعا نۇرباقىت تەڭٸزباەۆ ەمەس دارحان نۇرحانۇلىنىڭ كانديداتۋراسى بەكٸتٸلگەن. ال داڭقتى سپورتشى كەگەن اۋدانىنداعى قىزمەتٸن جالعاستىرىپ جاتىر.
اسحات شاحاروۆ
اقتٶبە وبلىسىنىڭ قازٸرگٸ ەكٸمٸ اسحات شاحاروۆ تا سپورتتىق مانسابىندا حالىقارالىق ارەنادا ەل نامىسىن قورعاعان تانىمال تۇلعا. سامبودان ٷش مەرتە ەلەم چەمپيونى, ەكٸ دٷركٸن ەلەم كۋبوگىنىڭ يەگەرٸ, دزيۋدودان دٷنيەجٷزٸلٸك بٸرٸنشٸلٸكتٸڭ قولا جٷلدەگەرٸ, قازاقستان ەڭبەك سٸڭٸرگەن سپورت شەبەرٸ دەگەن اتاق-داڭقى بار. سيدنەيدە ٶتكەن 2000-شٸ جىلعى جازعى وليمپيادادا ۇلتتىق قۇراما ساپىندا كٷرەسٸپ, 5-شٸ ورىنعا تۇراقتاعان.
اسحات شاحاروۆ 1978 جىلى رەسەيدە قازاقتار كٶپ قونىستانعان ورىنبور وبلىسىندا دٷنيەگە كەلگەن. 2005 جىلعى قاراشادان اقتٶبە پەداگوگيكالىق ينستيتۋتى دەنە تەربيەسٸ كافەدراسىنىڭ دوتسەنتٸ.
ال 2007 جىلعى سەۋٸردەن اقتٶبە وبلىستىق وليمپياداشىلار رەزەرۆٸن دايىنداۋ ورتالىعىنىڭ ديرەكتورى. ال ساياسي مانسابىن 2013 جىلى بقو قاراتٶبە اۋدانى ەكٸمٸ, 2017 جىلى زەلەنوۆ اۋدانى ەكٸمٸ رەتٸندە باستايدى. ال 2020 جىلى اقتٶبە قالاسىنىڭ ەكٸمٸ بوپ تاعايىندالادى. كەيٸن پرەزيدەنت ەكٸمشٸلٸگٸنە قىزمەتكە اۋىسادى. سوسىن جاڭا قازاقستان دەۋٸرٸ كەلگەندە اقتٶبە وبلىسىنىڭ ەكٸمٸ لاۋازىمىنا تاعايىندالىپ, 2023 جىلدان بەرٸ رەسەيمەن شەكارالاس ٶڭٸردٸ باسقارىپ وتىر.
باقتييار ارتاەۆ
باقتييار ارتاەۆ ورتا بۋىن سپورتشىلار ٸشٸندە حالىققا تانىمال جەنە ٶزٸندٸك سيمپاتيياسى بار, بەلگٸلٸ سپورتشى. ونىڭ سپورت مانسابىمەن بٸرگە مەملەكەتتٸك قىزمەتتەگٸ جولى دا ەرتە باستالدى. تارازدىڭ تۋماسى بالا كەزٸنەن بوكسپەن شۇعىلدانىپ, وليمپ شىڭىنا شىققان ساناۋلى قازاقتىڭ بٸرٸ. افينا وليمپياداسىنىڭ چەمپيونى, ۆەل باركەر كۋبوگىنىڭ يەگەرٸ باقتييار ارتاەۆ نۇرباقىت تەڭٸزباەۆپەن تٷيدەي قۇرداس.
باقتييار ارتاەۆ قازٸر قىزىلوردا وبلىسىنىڭ سپورت جەنە دەنەشىنىقتىرۋ باسقارماسىنىڭ باسشىسى. ونىڭ مەملەكەتتٸك قىزمەتتەگٸ مانسابى اۋىل ەكٸمٸ لاۋازىمىنان باستالعان.
قۇقىقتانۋ, مەنەدجمەنت, دەنە شىنىقتىرۋ پەنٸنٸڭ مۇعالٸمٸ ماماندىقتارى بويىنشا م.ق.دۋلاتي اتىنداعى تاراز مەملەكەتتٸك ۋنيۆەرسيتەتٸن, قازاق سپورت جەنە تۋريزم اكادەميياسىن تەمامداعان.
ەڭبەك جولىندا گاز سالاسىندا, ٸشكٸ ەسكەردە كٸشٸ قىزمەتكەر بولىپ جۇمىس ٸستەگەن. ال 2008 جىلى نەبەرٸ 25 جاسىندا تاراز قالاسىنىڭ ماڭىنداعى ايشا-بيبٸ اۋىلدىق وكرۋگٸنٸڭ ەكٸمٸ بولىپ تاعايىندالادى. ودان كەيٸن جامبىل وبلىسى تۋريزم, دەنە شىنىقتىرۋ جەنە سپورت باسقارماسىن باسقاردى. جامبىل وبلىسى ەكٸمٸنٸڭ ٶكٸمٸمەن جامبىل وبىلىسى ەكٸمٸ اپپاراتى جەتەكشٸسٸنٸڭ ورىنباسارى قىزمەتٸنە اۋىستى. كەيٸن باقتييار ارتاەۆ اتىنداعى بوكس سارايىنىڭ ديرەكتورى بولعان. «استانا» پرەزيدەنتتٸك كەسٸپقوي سپورت كلۋبىندا, بوكس فەدەراتسيياسىندا تٷرلٸ قىزمەتتەر اتقاردى. باقتييار ارتاەۆ 2014 جىلى ايسۇلۋ يبراشوۆا اتتى ەيەل ادامدى ۇردى دەپ, باسى داۋعا قالعان بولاتىن. ال 2021 جىلى بوكسشى باقىت سەرسەكباەۆ ارتاەۆتى بوكستاعى بەسەكەلەستٸككە قاتىستى ايىپتاپ, ٷندەۋ جولداعان ەدٸ.
سەرٸك سەپيەۆ
بوكس ەلەمٸندە اۋىز تولتىرىپ ايتارلىقتاي جەتٸستٸككە جەتكەن سپورتشىنىڭ بٸرەگەيٸ – سەرٸك سەپيەۆ. ول 2012 جىلى لوندون وليمپياداسىنىڭ چەمپيونى بولماي تۇرىپ, ەلەم جەنە ازييا چەمپيوناتتارىندا اتوي سالعان بوكسشى. داڭقتى سپورتشى ەلەم چەمپيوناتىنىڭ 2, ازييا چەمپيوناتىنىڭ 2 التىنىن جەڭٸپ العان. ال وليمپيادادا باقتييار ارتاەۆ سيياقتى ۆەل باركەر كۋبوگىن يەلەنگەن قازاق بوكس شەبەرٸ.
سەرٸك سەپيەۆ تە نۇرباقىت تەڭٸزباەۆ پەن باقتييار ارتاەۆتىڭ قۇرداسى. ول 1983 جىلى قاراعاندى وبلىسىندا تۋعان. سەپيەۆتٸ دە نازارباەۆ دەۋٸرٸندە مەملەكەتتٸك لاۋازىمدى قىزمەتتەرگە ەرتە ارالاستىردى. ول 24 جاسىندا “استانا ارلانس” بوكس كلۋبىنىڭ باس ديرەكتورى قىزمەتٸنە تاعايىندالدى. ال ساياسي مانسابى 2017 جىلى قر پارلامەنتٸ مەجٸلٸسٸ دەپۋتاتتىعىنان باستالدى. زاڭ شىعارۋشى ورگان كرەسلوسىندا 1 جىل عانا تۇراقتاعان سەرٸك سەپيەۆ قر مەدەنيەت جەنە سپورت مينيسترلٸگٸنە كوميتەت تٶراعاسى لاۋازىمىنا جۇمىسقا اۋىستى. ال 2024 جىلى قاراعاندى سپورت جەنە دەنەشىنىقتىرۋ باسقارماسىنىڭ باستىعى, 2025 جىلى ۇلتتىق سۋردليمپييا كوميتەتٸنٸڭ پرەزيدەنتٸ لاۋازىمىنا تاعايىندالعان.
داڭقتى بوكسشى مينيسترلٸكتەگٸ سپورت كوميتەتٸن باسقارعان تۇستا ەكٸ بٸردەي ورىنباسارى جەمقورلىقپەن ۇستالدى. كٶپ ۇزاماي سەپيەۆ تە ٷكٸمەتتەگٸ لاۋازىمىنان بوساتىلدى. سونداي-اق ول 2023 جىلى زەليمحان مۋسيحانوۆ ەسٸمدٸ سپورشىمەن Batyrball تۋرنيرٸ كەزٸندە جانجالداسىپ, ارتىنان باق بەتٸندە ونىڭ قىزبا مٸنەزٸ تالقىلاۋعا تٷستٸ. سەرٸك سەپيەۆ قازاق تٸلٸن جەتٸك بٸلمەگەنٸ ٷشٸن دە جيٸ سىنعا ۇشىرايدى.
اعايىندى ۇلان رىسقۇل جەنە رۋسلان ەبدٸرازاقوۆ
قازاق سپورشىلارىنىڭ ٸشٸندە قاپتاعاي دەنەلٸ, ەڭسەگەي بويلى ۇلان رىسقۇلعا دا سوڭعى جىلدارى اتقارۋشى بيلٸكتٸڭ قايىس كرەسلوسى بۇيىردى. ۇلان عالىمۇلى جەتٸسۋ وبلىسى ەكٸمٸنٸڭ ٶكٸمٸمەن ەكٸ رەت ٶڭٸردٸڭ دەنە شىنىقتىرۋ جەنە سپورت باسقارماسىنىڭ باسشىسى بولىپ تاعايىندالدى. ول 2023 جىلى ناۋرىزدا وبلىس باسشىسى بەيبٸت يساباەۆتىڭ ٶكٸمٸمەن جەتٸسۋ وبلىسى دەنە شىنىقتىرۋ جەنە سپورت باسقارماسىن باسقارۋعا تاعايىندالادى. الايدا 2024 جىلعى پاريج وليمپياداسىنداعى جەتٸستٸكتەردٸڭ تٶمەندٸگٸ ٶڭٸردەگٸ باسقارما جەتەكشٸلەرٸن جۇمىستان الۋعا ۇلاستى. ۇلان رىسقۇل دا وسى لەكپەن قىزمەتٸنەن بوساتىلعان ەدٸ. بالۋان اراعا 8 اي سالىپ, قايتادان تالدىقورعانعا ورالدى. ٶزٸ كەلگەنشە بوس تۇرعان لاۋازىمعا قر تۋريزم جەنە سپورت مينيسترٸ ەربول مىرزابوسىنوۆ قازاقستان بارىسىنىڭ ٷش دٷركٸن جەڭٸمپازى ۇلان رىسقۇلدى قايتا جٸبەردٸ. ول قازٸر جەتٸسۋ وبلىسى دەنەشىنىقتىرۋ جەنە سپورت باسقارماسىنىڭ باسشىسى.
ۇلان رىسقۇل 1986 جىلى الماتى وبلىسى بالقاش اۋدانى باقاناس كەنتٸندە تۋعان. ٷش ۋنيۆەرسيتەتتٸڭ ديپلومىن العان. دزيۋدودان قازاقستاننىڭ 3 دٷركٸن چەمپيونى, ازييانىڭ ەكٸ دٷركٸن چەمپيونى, ەلەم كۋبوگىنىڭ كٷمٸس جٷلدەگەرٸ. «قازاقستان بارىسى» تۋرنيرٸنٸڭ تۇڭعىش جەڭٸمپازى. قازاق كٷرەسٸنەن سپورت شەبەرٸ.
جاستايىنان كٷرەسپەن اينالىسقان ۇلان رىسقۇلدىڭ قاندايدا بٸر داۋلى وقيعالارعا قاتىسى جوق. اشىق دەرەككٶزدەرٸندە ونداي اقپاراتتار ايتىلمايدى. ونىڭ تۋعان ٸنٸسٸ, قازاق كٷرەسٸنەن «قازاقستان بارىسى» تۋرنيرٸنٸڭ ٷش دٷركٸن جٷلدەگەرٸ رۋسلان ەبدٸرازاقوۆ تا جاڭا قىزمەتكە تاعايىندالدى.
بەلگٸلٸ بالۋان بيىل مامىر ايىندا الماتى وبلىسىنىڭ بالقاش اۋدانىنداعى سپورت مەكتەبٸنە ديرەكتورى قىزمەتٸنە بەكٸتٸلدٸ.
ول دزيۋدو كٷرەسٸنەن ەل چەمپيوناتىنىڭ بٸرنەشە دٷركٸن جٷلدەگەرٸ. سونداي-اق, 2014 جىلى رەسەيدە ٶتكەن ەلەم چەمپيوناتىنا قاتىسقان. رۋسلان قازاق كٷرەسٸنەن 2019 جىلى 100 كەلٸ سالماقتا ەلەم چەمپيونى اتاندى. ايتا كەتۋ كەرەك ۇلان رىسقۇل مەن رۋسلان ەبدٸرازاقوۆ قازٸرگٸ جەتٸسۋ وبلىسىنىڭ ەكٸمٸ بەيبٸت يساباەۆتىڭ جەرلەسٸ. ولار الماتى وبلىسى بالقاش اۋدانى باقاناس اۋىلىنان شىققان.
ايبەك نۇعىماروۆ
قازاق كٷرەسٸنٸڭ تاعى بٸر شەبەرٸ ايبەك نۇعىماروۆ قازٸر اباي وبلىسىندا مەملەكەتتٸك قىزمەتكەر. ول بيىل قازان ايىندا اباي وبلىسى اياگٶز اۋدانى ەكٸمٸنٸڭ ورىنباسارى قىزمەتٸنە تاعايىندالدى. ايبەك سەرٸكبولۇلى 1987 جىلى اباي اۋدانى, قۇندىزدى اۋىلىندا دٷنيەگە كەلگەن. سەمەي پوليتەحنيكالىق كوللەدجٸن «زاڭگەر» ماماندىعى بويىنشا, سەمەي مەملەكەتتٸك پەداگوگيكالىق ينستيتۋتىن «دەنە شىنىقتىرۋ» ماماندىعى بويىنشا, قازاق يننوۆاتسييالىق گۋمانيتارلىق – زاڭ ۋنيۆەرسيتەتٸن «زاڭگەر» ماماندىعى بويىنشا تەمامداعان.
سەمەي قالاسى بويىنشا شىعىس قازاقستان وبلىستىق وليمپيادالىق رەزەرۆتەگٸ № 1 بالالار – جاسٶسپٸرٸمدەر سپورت مەكتەبٸندە جاتتىقتىرۋشى – وقىتۋشى بولىپ باستاعان.
2019 جىلدان باستاپ سەمەي قالاسىنداعى كٶلٸك كوللەدجٸنٸڭ ديرەكتورى قىزمەتٸنە تاعايىندالدى.قازاق كٷرەسٸنەن ون دٷركٸن قازاقستان چەمپيونى, تٶرت دٷركٸن ازييا چەمپيونى, «ەلەم كۋبوگىنىڭ» ٷش دٷركٸن يەگەرٸ, قازاق كٷرەسٸنەن ەلەمنٸڭ تٶرت دٷركٸن چەمپيونى, «ەۋرازييا بارىسى» حالىقارالىق تۋرنيرٸنٸڭ تٶرت دٷركٸن چەمپيونى, «ەلەم بارىسى» حالىقارالىق تۋرنيرٸنٸڭ ٷش دٷركٸن چەمپيونى, «قازاقستان بارىسى» تۋرنيرٸنٸڭ ەكٸ دٷركٸن چەمپيونى. رەسپۋبليكالىق ساياسي كەڭەستٸڭ مٷشەسٸ, «AMANAT» پارتيياسى ساياسي كەڭەسٸنٸڭ مٷشەسٸ, VII, VIII شاقىرىلعان اباي وبلىستىق مەسليحات دەپۋتاتى بولعان. بٸرقاتار مەملەكەتتٸك ناگرادا مەن جوعارى دەرەجەلٸ ماراپاتتارى بار.
اسقار موجانوۆ
شىعىس قازاقستاننان شىققان كيكبوكس شەبەرٸ اسقار موجانوۆ تا ٶڭٸردٸڭ سپورت سالاسىنا جەتەكشٸلٸك ەتەدٸ. سپورتشى 2009 جىلدان بەرٸ شقو دەنەشىنىقتىرۋ جەنە سپورت باسقارماسىنىڭ باسشىسى. ول بۇل قىزمەتتەن بٸرنەشە رەت كەتٸپ, بٸرنەشە رەت ورىلعان. شەنەۋنٸك 1973 جىلى 13 ماۋسىمدا ٶسكەمەن قالاسىندا دٷنيەگە كەلگەن. 1995 جەنە 2010 جىلدارى س. امانجولوۆ اتىنداعى شىعىس قازاقستان مەملەكەتتٸك ۋنيۆەرسيتەتٸن «دەنە شىنىقتىرۋ جەنە سپورت», «مەملەكەتتٸك جەنە جەرگٸلٸكتٸ باسقارۋ» ماماندىقتارى بويىنشا اياقتاعان. «التاي» كەسٸبي-سپورتتىق كلۋبىنىڭ ديرەكتورىنىڭ ورىنباسارى بولىپ قىزمەت اتقاردى. ٶسكەمەن قالاسىنىڭ دەنە شىنىقتىرۋ جەنە سپورت, بٸلٸم جەنە سپورت, سپورت جەنە تۋريزم بٶلٸمدەرٸن باسقاردى. ول كيكبوكستان كسرو چەمپيونى, ەۋروپا چەمپيونى, ەلەم چەمپيونى جەنە ازييا قۇرلىعىنىڭ چەمپيونى.
ارمان ەبەۋوۆ
مەملەكەتتٸك قىزمەتتە ابىرويلى قىزمەت اتقارىپ جٷرگەن تاعى بٸر سپورتشى ارمان ەبەۋوۆ قازاقستان ارميياسىنىڭ ورتالىق سپورت كلۋبىنىڭ باسشىسى, پولكوۆنيك. ول قازاقستان رەسپۋبليكاسى قورعانىس مينيسترلٸگٸ سپورت كوميتەتٸنٸڭ تٶراعاسى بولدى. مەملەكەتتٸك كٷزەت قىزمەتٸندە تٷرلٸ لاۋازىمداردا قىزمەت اتقاردى.
حالىقارالىق دەرەجەدەگٸ سپورت شەبەرٸ ارمان ەبەۋوۆ – سامبودان ٷش دٷركٸن ەلەم كۋبوگىنىڭ يەگەرٸ, دزيۋدودان ازييا چەمپيونى, سامبودان, دزيۋدودان جەنە قازاقشا كٷرەستەن ون دٷركٸن قازاقستان چەمپيونى.
اقجٷرەك تاڭاتاروۆ
بٷگٸنگٸ شولۋىمىزدى تاعى بٸر داڭقتى سپورتشى, لوندون وليمپياداسىنىڭ قولا جٷلدەگەرٸ, قازاقستاننىڭ ەڭبەك سٸڭٸرگەن سپورت شەبەرٸ, ەركٸن كٷرەستەن قازاقستاننىڭ 4 دٷركٸن چەمپيونى, بٸرنەشە دٷركٸن حالىقارالىق بٸرٸنشٸلٸكتەردٸڭ جەڭٸمپازى اقجٷرەك تاڭاتاروۆپەن قورتىندىلايمىز. ول دا اتقارۋشى بيلٸكتە لاۋازىمدى قىزمەت اتقارادى. سپورتشى قازٸر الماتى وبلىسىنىڭ دەنە شىنىقتىرۋ جەنە سپورت باسقارماسىنىڭ جەتەكشٸسٸ. وعان دەيٸن 2024 جىلى اقجٷرەك تاڭاتاروۆ جامبىل وبلىسى ەكٸمٸنٸڭ سپورتتى دامىتۋ جٶنٸندەگٸ كەڭەسشٸسٸ (شتاتتان تىس) بولىپ تاعايىندالعان. ودان بۇرىن جامبىل وبلىسىندا بٸرنەشە سپورت مەكتەپتەرٸندە ديرەكتورلىق قىزمەتتەر اتقارعان. اقجٷرەك تاڭاتاروۆ جامبىل وبلىسى تۇرار رىسقۇلوۆ اۋدانىندا 1986 جىلى ٶمٸرگە كەلگەن.
اقجٷرەك تاڭاتاروۆدىڭ ەسٸمٸ بۇدان بۇرىن كەيبٸر داۋلى وقيعالارمەن بايلانىستى باق بەتتەرٸندە دە ايتىلدى. جامبىل وبلىستىق سپورت باسقارماسىنا قاراستى مەكتەپتە جۇمىستا جوق 9 ادامعا جالاقى تٶلەنگەن دەگەن دەرەك ايتىلدى. اقجٷرەك تاڭاتاروۆ سول كەزدە تاراز قالاسىنداعى وليمپيادالىق رەزەرۆتٸڭ وبلىستىق مامانداندىرىلعان مەكتەپ-ينتەرنات كوللەدجٸندە ديرەكتور بولاتىن. كٶپ ۇزاماي وسى جانجالدى باسۋ ٷشٸن ول قىزمەتتەن كەتتٸ. وسى مەكتەپتٸ 4 جىل باسقارعان وليمپيادا جٷلدەگەرٸ لاۋازىمنان بوساتىلعان سوڭ جامبىل وبلىسى ەكٸمٸنٸڭ كەڭەسشٸسٸ, بيىل الماتى وبلىسىندا باسقارما باسشىسى لاۋازىمىنا دەيٸن ٶستٸ.
جالعاسى بار…
