ۇلىتاۋ وڭىرىندەگى اۋىل تۇرعىندارىن اۋىز سۋمەن قامتاماسىز ەتۋگە قايتارىلعان اكتيۆتەر قاراجاتى جۇمسالدى، دەپ حابارلايدى Dalanews.kz.
قازاقستاندا مەملەكەت باسشىسىنىڭ تاپسىرماسى بويىنشا زاڭسىز يەمدەنىلگەن اكتيۆتەر ەسەبىنەن قارجىلاندىرىلاتىن الەۋمەتتىك ماڭىزى بار نىساندار سالۋ جوبالارىن جۇزەگە اسىرۋ جۇمىسى جالعاسۋدا.
ۇكىمەت ۇلىتاۋ وبلىسىندا سۋ قۇبىرى جەلىلەرىن تارتۋعا ارناۋلى مەملەكەتتىك قوردان 570 ملن تەڭگەدەن استام قارجى ءبولدى.
جاڭاارقا اۋدانىنداعى ەرالييەۆ اۋىلدىق وكرۋگى مەن اقباستاۋ اۋىلىنىڭ №189 رازەزىندەگى قۇبىر قۇرىلىسىنا 274 ملن تەڭگەدەن استام قارجى بولىنگەن.
جاڭاارقا اۋدانىنداعى بيدايىق اۋىلدىق وكرۋگىنە جاڭا سۋ قۇبىرىن تارتۋ جوسپارلانىپ وتىر. بۇل ماقساتقا 296 ملن تەڭگە قاراستىرىلعان.
جوبا تۇرعىنداردىڭ تۇرمىس ساپاسىن جاقسارتۋعا جانە اۋىلدىق جەرلەردە ينفراقۇرىلىم قۇرۋعا باعىتتالعان. بارلىق جۇمىس اياقتالعاننان سوڭ جاڭاارقا اۋدانىندا حالىقتى اۋىز سۋمەن قامتاماسىز ەتۋ دەڭگەيى 100%-دى قۇرايتىن بولادى.
ەلىمىزدە سۋمەن جابدىقتاۋ قىزمەتىنە قولجەتىمدىلىك قالالىق ەلدى مەكەندەردە 99،4%-دى، اۋىلدىق جەرلەردە – 97،8%-دى قۇرايدى. ۇلىتاۋ وبلىسىندا اۋىز سۋمەن قالالار 100%، اۋىلدار 97،3% قامتىلعان.
