Ulytaý óńirindegi aýyl turǵyndaryn aýyz sýmen qamtamasyz etýge qaitarylǵan aktivter qarajaty jumsaldy, dep habarlaidy Dalanews.kz.
Qazaqstanda Memleket basshysynyń tapsyrmasy boiynsha zańsyz iemdenilgen aktivter esebinen qarjylandyrylatyn áleýmettik mańyzy bar nysandar salý jobalaryn júzege asyrý jumysy jalǵasýda.
Úkimet Ulytaý oblysynda sý qubyry jelilerin tartýǵa Arnaýly memlekettik qordan 570 mln teńgeden astam qarjy bóldi.
Jańaarqa aýdanyndaǵy Eraliev aýyldyq okrýgi men Aqbastaý aýylynyń №189 razezindegi qubyr qurylysyna 274 mln teńgeden astam qarjy bólingen.
Jańaarqa aýdanyndaǵy Bidaiyq aýyldyq okrýgine jańa sý qubyryn tartý josparlanyp otyr. Bul maqsatqa 296 mln teńge qarastyrylǵan.
Joba turǵyndardyń turmys sapasyn jaqsartýǵa jáne aýyldyq jerlerde infraqurylym qurýǵa baǵyttalǵan. Barlyq jumys aiaqtalǵannan soń Jańaarqa aýdanynda halyqty aýyz sýmen qamtamasyz etý deńgeii 100%-dy quraityn bolady.
Elimizde sýmen jabdyqtaý qyzmetine qoljetimdilik qalalyq eldi mekenderde 99,4%-dy, aýyldyq jerlerde – 97,8%-dy quraidy. Ulytaý oblysynda aýyz sýmen qalalar 100%, aýyldar 97,3% qamtylǵan.
