ٷكٸمەت ەكٸباستۇز جەو-نى ودان ەرٸ جاڭعىرتۋعا رەزەرۆتەن 3,4 ملرد تەڭگە بٶلەدٸ,- دەپ حابارلايدى Dalanews.kz.
قر پرەمەر-مينيسترٸ ولجاس بەكتەنوۆ ەكٸباستۇز جەو-نى ودان ەرٸ جاڭعىرتۋعا ٷكٸمەت رەزەرۆٸنەن قاراجات بٶلۋ تۋرالى قاۋلىعا قول قويدى. اتالعان جۇمىس مەملەكەت باسشىسىنىڭ رەسپۋبليكاداعى تكش ينفراقۇرىلىمىن كەشەندٸ قالپىنا كەلتٸرۋ جٶنٸندەگٸ تاپسىرماسىن ورىنداۋ شەڭبەرٸندە اتقارىلىپ جاتىر.
سونىمەن ەكٸباستۇز جەو-نىڭ تٶرت (11-15) قازاندىق اگرەگاتىن (2,4 ملرد) كٷردەلٸ جٶندەۋگە جەنە سول جەردە تۇندىرىلعان سۋ ماگيسترالٸن (988 ملن) سالۋ ٷشٸن پاۆلودار وبلىسىنىڭ بيۋدجەتٸنە 3,4 ملرد تەڭگە سوماسىنداعى قاراجات اۋدارىلادى.
بۇل شارالار جىلۋ كٶزٸنٸڭ ٷزدٸكسٸز جۇمىس ٸستەۋٸنە, تٶتەنشە جاعدايلار تۋىنداۋ قاۋپٸن ازايتۋعا, تۇرعىنداردى تۇراقتى جىلۋمەن قامتاماسىز ەتۋگە مٷمكٸندٸك بەرٸپ, ەكٸباستۇز قالاسىنىڭ ەرٸ قاراي ەلەۋمەتتٸك-ەكونوميكالىق دامۋىنا سەرپٸن بەرەدٸ.
بٷگٸندە ەكٸباستۇز جەو – قالانى ورتالىقتاندىرىلعان جىلۋمەن قامتاماسىز ەتەتٸن بٸردەن-بٸر نىسان. ٶتكەن جىلى ٷكٸمەت رەزەرۆٸندەگٸ قاراجات ەسەبٸنەن 5 سۋ جىلىتۋ قازاندىعى مەن جىلۋ جەلٸلەرٸنە كٷردەلٸ جٶندەۋ جۇمىستارى جٷرگٸزٸلٸپ, جىلىتۋ ماۋسىمى ەش ٸركٸلٸسسٸز ٶتتٸ.
قر پرەمەر-مينيسترٸ ولجاس بەكتەنوۆ بيىل ناۋرىز ايىندا پاۆلودار وبلىسىنا جۇمىس ساپارى بارىسىندا پاۆلودار, ەكٸباستۇز جەنە اقسۋ قالالارىنىڭ ينجەنەرلٸك ينفراقۇرىلىمىن جاڭعىرتۋدى جالعاستىرۋ قاجەتتٸگٸن ايتقان بولاتىن.
اتاپ ايتقاندا, ەكٸباستۇز جەو-دا كٷلدەن گيدراۆليكالىق تازارتۋعا ارنالعان تۇندىرىلعان سۋ بەرۋ جٷيەسٸ 1986 جىلى ورناتىلدى. ونىڭ قۇرامىنا كٸرەتٸن قۇبىرلار توزدى, بۇل تۇتىنۋشىلارعا جىلۋ بەرۋدٸ شەكتەۋٸ مٷمكٸن. وسىعان بايلانىستى تۇندىرىلعان سۋدىڭ جاڭا ماگيسترالٸن سالۋ باسىم مٸندەتتەردٸڭ بٸرٸ بولىپ وتىر.
ەستەرٸڭٸزگە سالا كەتەيٸك, بۇعان دەيٸن ٷكٸمەت رەزەرۆٸنەن كەنتاۋ, ريددەر جەنە قىزىلوردا قالالارىنىڭ جىلۋ كٶزدەرٸن جاڭعىرتۋعا 16 ملرد تەڭگە, ريددەر جىلۋ جەلٸلەرٸن كٷردەلٸ جٶندەۋگە 2,4 ملرد تەڭگەدەن استام جەنە كٶكشەتاۋ قازاندىقتارىن جٶندەۋگە 816 ملن تەڭگە بٶلٸنگەن بولاتىن.
جالپى, بيىل استانا, الماتى, شىمكەنت, اتىراۋ, ٶسكەمەن, قاراعاندى, اقتاۋ, تاراز, پەتروپاۆل, جەزقازعان, اقتٶبە, ستەپنوگورسك, رۋدنىي, بالقاش جەنە باسقا دا قالالاردا ەنەرگييا بلوكتارىن, قازاندىقتار مەن تۋربينالاردى جٶندەۋ جوسپارلانىپ وتىر.
جىلۋ كٶزدەرٸن جاڭعىرتۋ جەنە جىلۋ بەرۋ ماۋسىمىنا دايىندىق جۇمىستارى ٷكٸمەتتٸڭ باقىلاۋىندا.
