Úkimet Ekibastuz JEO-ny odan ári jańǵyrtýǵa rezervten 3,4 mlrd teńge bóledi,- dep habarlaidy Dalanews.kz.
QR Premer-Ministri Oljas Bektenov Ekibastuz JEO-ny odan ári jańǵyrtýǵa Úkimet rezervinen qarajat bólý týraly qaýlyǵa qol qoidy. Atalǵan jumys Memleket basshysynyń respýblikadaǵy TKSh infraqurylymyn keshendi qalpyna keltirý jónindegi tapsyrmasyn oryndaý sheńberinde atqarylyp jatyr.
Sonymen Ekibastuz JEO-nyń tórt (11-15) qazandyq agregatyn (2,4 mlrd) kúrdeli jóndeýge jáne sol jerde tundyrylǵan sý magistralin (988 mln) salý úshin Pavlodar oblysynyń biýdjetine 3,4 mlrd teńge somasyndaǵy qarajat aýdarylady.
Bul sharalar jylý kóziniń úzdiksiz jumys isteýine, tótenshe jaǵdailar týyndaý qaýpin azaitýǵa, turǵyndardy turaqty jylýmen qamtamasyz etýge múmkindik berip, Ekibastuz qalasynyń ári qarai áleýmettik-ekonomikalyq damýyna serpin beredi.
Búginde Ekibastuz JEO – qalany ortalyqtandyrylǵan jylýmen qamtamasyz etetin birden-bir nysan. Ótken jyly Úkimet rezervindegi qarajat esebinen 5 sý jylytý qazandyǵy men jylý jelilerine kúrdeli jóndeý jumystary júrgizilip, jylytý maýsymy esh irkilissiz ótti.
QR Premer-Ministri Oljas Bektenov biyl naýryz aiynda Pavlodar oblysyna jumys sapary barysynda Pavlodar, Ekibastuz jáne Aqsý qalalarynyń injenerlik infraqurylymyn jańǵyrtýdy jalǵastyrý qajettigin aitqan bolatyn.
Atap aitqanda, Ekibastuz JEO-da kúlden gidravlikalyq tazartýǵa arnalǵan tundyrylǵan sý berý júiesi 1986 jyly ornatyldy. Onyń quramyna kiretin qubyrlar tozdy, bul tutynýshylarǵa jylý berýdi shekteýi múmkin. Osyǵan bailanysty tundyrylǵan sýdyń jańa magistralin salý basym mindetterdiń biri bolyp otyr.
Esterińizge sala keteiik, buǵan deiin Úkimet rezervinen Kentaý, Ridder jáne Qyzylorda qalalarynyń jylý kózderin jańǵyrtýǵa 16 mlrd teńge, Ridder jylý jelilerin kúrdeli jóndeýge 2,4 mlrd teńgeden astam jáne Kókshetaý qazandyqtaryn jóndeýge 816 mln teńge bólingen bolatyn.
Jalpy, biyl Astana, Almaty, Shymkent, Atyraý, Óskemen, Qaraǵandy, Aqtaý, Taraz, Petropavl, Jezqazǵan, Aqtóbe, Stepnogorsk, Rýdnyi, Balqash jáne basqa da qalalarda energiia bloktaryn, qazandyqtar men týrbinalardy jóndeý josparlanyp otyr.
Jylý kózderin jańǵyrtý jáne jylý berý maýsymyna daiyndyq jumystary Úkimettiń baqylaýynda.
