ۇكىمەت اقتاۋ قالاسىنىڭ ماگيسترالدى جىلۋ جەلىلەرىن رەكونسترۋكسيالاۋعا قاراجات ءبولدى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى، دەپ حابارلايدى Dalanews.kz.
قۇجات اقتاۋ قالاسىنىڭ ماگيسترالدى جىلۋ جەلىلەرىن رەكونسترۋكسيالاۋ جوباسىن ىسكە اسىرۋ ءۇشىن 5 ملرد تەڭگەنى ماڭعىستاۋ وبلىسىنىڭ بيۋدجەتىنە ماقساتتى ترانسفەرتتەر تۇرىندە اۋدارۋدى قاراستىرادى، دەپ حابارلادى 10 قازاندا ۇكىمەتتىڭ باسپا ءسوز قىزمەتى.
اتاپ ايتقاندا، بۇل قاراجات جەرگىلىكتى بيۋدجەتتەن بىرلەسىپ قارجىلاندىرۋدى ەسكەرە وتىرىپ، جۇمىستىڭ جالپى قۇنىنىڭ 10% مولشەرىندە ۇزىندىعى 11،5 شاقىرىم ەڭ توزىعى جەتكەن اۆتوجول ۋچاسكەسىن رەكونسترۋكسيالاۋعا باعىتتالادى.
بۇعان دەيىن مەردىگەر ۇيىم قاراجاتى ەسەبىنەن شامامەن 11،5 شاقىرىم جىلۋ جەلىسى تارتىلعان بولاتىن. جالپى، 2024-2026 جىلدارى ارالىعىندا توزۋ دەڭگەيى 75%-دان اساتىن 44 شاقىرىم ماگيسترالدى جىلۋ قۇبىرىن كەزەڭ-كەزەڭىمەن اۋىستىرۋ قاجەت.
ايتا كەتۋ كەرەك، اقتاۋ قالاسى جىلۋ جەلىلەرىنىڭ نەگىزگى بولىگى 1962 جىلدان بەرى قولدانىستا. جالپى اقتاۋ قالاسىندا 438 شاقىرىم جىلۋ جەلىسىنىڭ 72% توزىعى جەتكەن. 464 شاقىرىم سۋ جەلىسى بار، ونىڭ 88% توزىعى جەتكەن.
قابىلدانعان شارالار ناتيجەسىندە جەلىلەردىڭ توزۋ دەڭگەيى تومەندەتىلىپ، تۇرعىندارعا ساپالى كوممۋنالدىق قىزمەتتەر كورسەتۋگە جانە جىلىتۋ ماۋسىمىنىڭ ۇزدىكسىز ءوتۋىن قامتاماسىز ەتۋگە مۇمكىندىك بەرەدى.
