قازاقستاندا الداعى جىلدارى اۆتوموبيل جولدارى ينفراقۇرىلىمىن جاڭعىرتۋ اۋقىمدى دەڭگەيدە جٷزەگە اسىرىلماق. مەملەكەت باسشىسى قاسىم-جومارت توقاەۆتىڭ تٶراعالىعىمەن ٶتكەن ٷكٸمەتتٸڭ كەڭەيتٸلگەن وتىرىسىندا پرەمەر-مينيستر ولجاس بەكتەنوۆ جول سالاسىن دامىتۋ جەنە ەلدٸڭ ترانزيتتٸك ەلەۋەتٸن ارتتىرۋ باعىتىندا قابىلدانىپ جاتقان ناقتى شارالار تۋرالى باياندادى.
ٷكٸمەت جوسپارىنا سەيكەس, ەل اۋماعىندا 11 مىڭ شاقىرىم اۆتوموبيل جولىن سالۋ جەنە قايتا جاڭعىرتۋ كٶزدەلٸپ وتىر. بۇل شارالار ٸشكٸ جەنە حالىقارالىق تاسىمالدىڭ تيٸمدٸلٸگٸن ارتتىرىپ قانا قويماي, ٶڭٸرلەر اراسىنداعى بايلانىستى نىعايتۋعا, لوگيستيكالىق شىعىنداردى ازايتۋعا مٷمكٸندٸك بەرەدٸ.
پرەمەر-مينيستردٸڭ ايتۋىنشا, بيىل 2,9 مىڭ شاقىرىم جولدى جاڭعىرتۋ جۇمىستارى اياقتالادى, ال الداعى كەزەڭدە رەسپۋبليكالىق جەنە جەرگٸلٸكتٸ ماڭىزى بار اۆتوجولداردى كەزەڭ-كەزەڭٸمەن جاڭالاۋ جالعاسادى. نەتيجەسٸندە كٶلٸك اعىنىنىڭ قاۋٸپسٸزدٸگٸ ارتىپ, جول جٷرۋ ۋاقىتى قىسقارادى.
جول ساپاسى – باستى نازاردا
جول قۇرىلىسى كٶلەمٸنٸڭ ۇلعايۋى ساپا مەسەلەسٸن ەكٸنشٸ ورىنعا ىسىرۋعا سەبەپ بولماۋى تيٸس. وسى تۇرعىدا جول اكتيۆتەرٸ ساپاسىنىڭ ۇلتتىق ورتالىعى اۆتوموبيل جولدارى سالاسىنداعى نەگٸزگٸ باقىلاۋشى ورگان رەتٸندە ماڭىزدى رٶل اتقارادى.
الماتى قالاسى بويىنشا بۇل جۇمىستى جول اكتيۆتەرٸ ساپاسىنىڭ ۇلتتىق ورتالىعىنىڭ قالالىق فيليالى جٷيەلٸ تٷردە جٷرگٸزٸپ كەلەدٸ. فيليال ديرەكتورى مەۋلەن توقتاربايۇلى ەلٸپوۆتٸڭ ايتۋىنشا, جول ساپاسىن قامتاماسىز ەتۋ تەك سوڭعى نەتيجەنٸ ەمەس, قۇرىلىس بارىسىنىڭ ەربٸر كەزەڭٸن باقىلاۋدى تالاپ ەتەدٸ.
«جولدىڭ ساپاسى تەك پايدالانۋعا بەرٸلگەن سەتتە ەمەس, قۇرىلىس باستالعان كٷننەن-اق قالىپتاسادى. سوندىقتان بٸز جوبالىق قۇجاتتامادان باستاپ, جول-قۇرىلىس ماتەريالدارىنىڭ ساپاسىنا, تٶسەۋ تەحنولوگيياسىنىڭ ساقتالۋىنا دەيٸن كەشەندٸ باقىلاۋ جٷرگٸزەمٸز. انىقتالعان كەمشٸلٸكتەر بويىنشا مەردٸگەر ۇيىمدارعا مٸندەتتٸ تٷردە نۇسقامالار بەرٸلٸپ, ولار تولىق جويىلعانعا دەيٸن باقىلاۋ جالعاسادى», — دەيدٸ مەۋلەن توقتاربايۇلى ەلٸپوۆ.
ونىڭ ايتۋىنشا, الماتى قالاسىندا جولداردىڭ قارقىندى پايدالانىلۋى مەن كٶلٸك جٷكتەمەسٸنٸڭ جوعارى بولۋى ساپا تالاپتارىن ودان ەرٸ كٷشەيتۋدٸ قاجەت ەتەدٸ. وسى سەبەپتٸ فيليال ماماندارى زاماناۋي زەرتحانالىق قۇرالدار ارقىلى سىناقتار جٷرگٸزٸپ, جول جابىندارىنىڭ بەرٸكتٸگٸ مەن ۇزاق مەرزٸمدٸلٸگٸن باعالايدى.
ۇزاق مەرزٸمدٸ نەتيجە – قاۋٸپسٸز ەرٸ ساپالى جول
جول اكتيۆتەرٸ ساپاسىنىڭ ۇلتتىق ورتالىعى جول سالۋ, قايتا جاڭعىرتۋ جەنە جٶندەۋ جۇمىستارىنىڭ بارلىق كەزەڭٸندە تەۋەلسٸز تەحنيكالىق باقىلاۋ جٷرگٸزەدٸ. ورتالىقتىڭ قورىتىندىلارى مەملەكەتتٸك ورگاندار ٷشٸن ماڭىزدى شەشٸم قابىلداۋ قۇرالىنا اينالىپ وتىر.
ساراپشىلاردىڭ پٸكٸرٸنشە, جول سالاسىنداعى باستى مٸندەت — جاڭا جولدار سالۋمەن قاتار, ولاردىڭ ۇزاق جىلدار بويى ساپالى كٷيدە ساقتالۋىن قامتاماسىز ەتۋ. بۇل باعىتتا ۇلتتىق ورتالىقتىڭ قىزمەتٸ ٷكٸمەتتٸڭ تۇراقتى باقىلاۋىندا.
وسىلايشا, 11 مىڭ شاقىرىم اۆتوموبيل جولىن جاڭعىرتۋ جوباسى جول ينفراقۇرىلىمىن كەڭەيتٸپ قانا قويماي, جول ساپاسىنا قويىلاتىن تالاپتاردى جاڭا دەڭگەيگە كٶتەرۋدٸ كٶزدەيدٸ. ال بۇل ٶز كەزەگٸندە جٷرگٸزۋشٸلەردٸڭ قاۋٸپسٸزدٸگٸن ارتتىرىپ, ەل ەكونوميكاسىنىڭ دامۋىنا وڭ سەرپٸن بەرەدٸ.
