بۇدان كەيىن بۇل ماسەلەگە قاتىستى ق ر ءبىلىم جانە عىلىم ءمينيسترىنىڭ ءوزى جاۋاپ بەرۋىنە تۋرا كەلدى. ءوز كەزەگىندە ەرلان ساعادييەۆ تەست سۇراقتارىندا بايان ماقسات قىزى مەن باسقا دا شوۋ-بيزنەس وكىلدەرىنىڭ ەنۋىنەن ەش ابەستىك جوق ەكەن ايتىپ، قايتا ولار تۇلەكتەردى قىزىقتىرىپ، ەمتيحانعا دەگەن دايىندىققا جاعىمدى اسەر ەتەتىنىن اتاپ ءوتتى.
ءبىز بىلەتىن تەست سۇراقتارى مەكتەپتەگى وقۋ قۇرالىنىڭ نەگىزىندە دايىندالۋشى ەدى. سول سەبەپتى ويلاماعان جەردەن شوۋ-بيزنەس وكىلدەرىنىڭ ۇبت سۇراقتارىنا ەنىپ كەتۋى ءبىز ءۇشىن قىزىق بولىپ كورىنگەنىن جاسىرىپ قايتەمىز. الدە ولاردىڭ «ەرەن ەڭبەگى» جايىندا مەكتەپ وقۋلىقتارىندا جازىلعان با؟ نە دەسەك تە بۇل – نوۋ-حاۋ بولىپ تۇرعانى انىق.
ماماندار مەكتەپ ءبىتىرۋشى تۇلەكتەردى سىناققا قىزىقتىرۋ ءۇشىن جاساعانىن ايتتى عوي. ەندەشە مينيسترىلىك ماماندارى ءبىزدىڭ دايىنداعان مىنا ءبىر سۇراعىمىزعا نازار اۋدارتىن شىعار دەپ ۇمىتتەنەمىز. ءسوز جوق، بۇل سۇراق جاستار ءۇشىن قىزىق بولاتىنا سەنىمدىمىز.
"قمد" اقپارات
