"گۋمانيتارلىق سالادا بەرٸك بايلانىس ورناتپايىنشا, ەكونوميكالىق ينتەگراتسييادان قايىر بولمايدى. الدىمەن بٸلٸم-عىلىم سالاسىندا وداقتاسىپ الۋعا تيٸسپٸز. سوندا عانا ەكونوميكالىق كەڭٸستٸكتٸ ەرٸ قاراي دامىتۋ تۋرالى ويلانۋعا بولادى. ەۋرازييا وداعى ەرٸپتەستٸكتٸڭ جاڭا ساتىسىنا ٶتۋٸ كەرەك", – دەيدٸ يسكاكوۆ.
يسكاكوۆ بۇل جوسپار وداقتاستار قابىلداعان ستراتەگييا-2025 باعدارلاماسى اياسىندا ناقتى جٷزەگە اسارىنا سەنٸمدٸ.
"بٸلٸم سالاسىندا ورتاق اقپاراتتىق جٷيە نە بولماسا اقپاراتتىق پورتال قۇرىلۋى مٷمكٸن. ەسٸرەسە جوعارى بٸلٸم بەرۋدە توننىڭ ٸشكٸ باۋىنداي قييۋلاسساق قاتىپ كەتەر ەدٸ. ۋنيۆەرسيتتەر وداق مٷددەسٸنە جۇمىس ٸستەپ, وداق عۇمىرىن ۇزارتار كادرلەر ەزٸرلەسە ۇتىلمايمىز ", – دەيدٸ رەكتور.
يسكاكوۆ "ەۋرازيياشىل" كادرلار دايىنداۋعا كٷنٸ بۇرىن كٶشٸپ العان ەكەن.
"بٸزدٸڭ ۋنيۆەردە "ينتەگراتسييالىق قۇقىق", "ەۋرازييالىق وداق قۇقىعى", "ەۋرازييالىق وداقتىڭ كەدەن سالاسىنداعى قۇقىعى" سەكٸلدٸ پەندەر بار. جۋىر ارادا جاڭا زامان ورنايدى. وداق جۇمىسىنىڭ وي-شۇڭقىرىن جاقسى بٸلەتٸن ماماندارعا مۇحتاج بولامىز. جاستارعا ەۋرازييالىق وداقتىڭ قۇندىلىقتارىن دەرٸپتەيتٸن بٸلٸم باعدارلاماسى قاجەت-اق", – دەيدٸ ول.
بۇدان بۇرىن Dalanews.kz "ٶسكەمەندٸ ورىس قالاسى" دەگەن ساراپشىنىڭ سۇحباتىن وقىرمان نازارىنا ۇسىنعان.
ساياساتتانۋشى انتون برەديحيننٸڭ ايتۋىنشا قازاق دەگەن ۇلت جوق.
"قازاقتىڭ قازاق بولعانى كەڭەس ٷكٸمەتٸنٸڭ تۇسىندا عانا. وعان دەيٸن بۇلاردى كيرگيز-كايساك نەمەسە جەي ەنشەيٸن كيرگيز دەپ اتاپ كەلدٸ.
بۇلاردا ورتاق يدەنتتٸلٸك, ەتنيكالىق تۇتاستىق اتىمەن جوق. بٷتٸن بٸر ۇلتقا باعدار بولارلىق بٸرتۇتاس دٸني قاۋىمداستىق قالىپتاسپاعان. سالاقۇلاش جاتقان الا-قۇلا قوعام", – دەگەن ەدٸ ول.
بۇعان قارسى اقپارات مينيسترلٸگٸ تاراپىنان قانداي شارا قولدانىلعانى بەلگٸسٸز.
سايت تٸلشٸسٸ پروپاگاندامەن اينالىسىپ وتىرعان بٸرقاتار رەسەيلٸك اقپارات قۇرالدارىن بلوكتاۋ تۋرالى مەسەلە كٶتەرگەن بولاتىن.
