Haval H6 تۇساۋكەسەرى ميني-ميۋزيكل فورماتىندا ءوتتى. Great Wall Motor Eurasia ماركەتينگ جونىندەگى ديرەكتورى كەرول تيان تانىستىرۋدىڭ ەرەكشە فورماتىنا قاتىستى بىلاي دەپ پىكىر ءبىلدىردى: «ارينە، تەحنيكالىق پارامەترلەر مەن ءجۇرىس سيپاتتامالارى – بۇل بولاشاق كولىك يەسى ەڭ ءبىرىنشى كەزەكتە نازار اۋداراتىن جايت. ءبىراق ءبىز اۆتوكولىكتىڭ مىنەزىن، ءبىزدىڭ ديزاينەرلەرىمىز مودەلدى ازىرلەگەن كەزدە وعان سالعان ەموسيالار مەن ءستيلدى دە كورسەتكىمىز كەلدى. سوندىقتان تۇساۋكەسەرلەرىمىز ءۇشىن ءارقاشان جاڭا فورماتتار ىزدەيمىز».
اۆتوكولىكتىڭ تەحنيكالىق سيپاتتامالارى تۋرالى ەگجەي-تەگجەيلى اقپاراتتى كەش قوناقتارىنا تانىمال اۆتوبلوگەر تيمۋر مۋستافايەۆ ايتىپ بەردى.
ءوندىرۋشى Haval H6 مودەلىنىڭ ءۇشىنشى بۋىنىندا ونىڭ سىرتقى تۇرىنە دە، تەحنيكالىق جابدىقتالۋىنا دا كوپتەگەن ەلەۋلى جاڭارتۋلار ەنگىزدى.
Haval H6-نىڭ باستى ارتىقشىلىعى ونىڭ «قۇرىلىمىندا» – مودەل جوعارى تەحنولوگيالى L.E.M.O.N. مودۋلدىك پلاتفورماسىندا جاسالعان. بۇل پلاتفورما – كونسەرننىڭ ۇزدىك تەحنولوگيالارى بىرىككەن Great Wall Motor بىرەگەي ازىرلەمەسى.
ايتا كەتسەك، پلاتفورما حالىقارالىق دەڭگەيدە جوعارى باعاعا يە بولدى: NCAP جانە IIHS (جول قاۋىپسىزدىگىنىڭ ساقتاندىرۋ ينستيتۋتى) رەيتينگىسىندە 5 جۇلدىز؛ ناتيجەسىندە 2022 جىلدىڭ ناۋرىز ايىندا Haval H6 مودەلىنىڭ ءوزى دە ANCAP اتتى كولىك قۇرالدارىنىڭ قاۋىپسىزدىگى جونىندەگى اۋستراليانىڭ تاۋەلسىز رەيتينگىلىك اگەنتتىگىنەن 5 جۇلدىزعا يە بولدى.
Haval H6 مودەلىنە BOSCH 9.3 بەلسەندى قاۋىپسىزدىك پاكەتى جانە جۇرگىزۋشىنىڭ «كومەكشىلەرى» جۇيەلەرىنىڭ قوماقتى جيناعى ورناتىلعان: 6 جۇرگىزۋ سەنارييى بار تولىق جەتەك جۇيەسى، جول بەلگىلەرىن تانۋ، «ءمولدىر كاپوت» رەجيمى بار اينالا شولۋ جۇيەسى، ينتەللەكتۋالدى كرۋيز-كونترول، اۆتوماتتى تۇردە شۇعىل تەجەۋ جانە سوقتىعىسۋدان جالتارۋ جۇيەلەرى، اۆتوماتتى تۇردە تۇراققا قويۋ جانە 50 مەترگە دەيىنگى جولدى ەستە ساقتايتىن ارتقا ءجۇرۋ كومەكشىسى.
سالون ينتەرەرى – مينيماليستىك ءارى جوعارى تەحنولوگيالى. Android Auto جانە Apple CarPlay قولدايتىن مەديا-جۇيەلەردى، الدىڭعى اينەككە پروەكسيالايتىن ۆيرتۋالدى اسپاپتار تاقتاسىن، سەنسورلىق باسقارۋ تاقتاسىن جانە 8 ديناميگى مەن كىرىكتىرىلگەن كۇشەيتكىشى بار Digital Theater System اۋديوجۇيەسىن ايرىقشا اتاپ وتكەن ءجون.
پانورامالى شاتىرى، 2 ايماقتىق كليمات-كونترولى جانە يونداۋ جۇيەسى بار ءساندى، كەڭ ءارى «بايسالدى» Haval H6 ءجيى وتباسىلىق اۆتوكولىك رەتىندە كورسەتىلەدى، ءبىراق ونىڭ كەز كەلگەن اۋديتوريانى تامساندىراتىنى ءسوزسىز!
Haval Motor Kazakhstan ديرەكتورى اقىلبەك اناربايەۆتىڭ ايتۋىنشا، «GWM كونسەرنىنىڭ پورتفەلىندە Haval H6 – شەتەلدىك نارىقتاردا ەڭ كوپ ساتىلاتىن مودەل! قىتايدىڭ وزىندە ول 10 جىلعا جۋىق ۋاقىت بويى SUV سەگمەنتىندە ساتىلىم ۇزدىگى جانە قاتارىنان 6 جىل بويى National Hero Vehicle نوميناسياسىن يەلەنىپ كەلەدى. جاڭا H6 بۋىنىنىڭ كوشباسشى جايعاسىمىن ساقتاپ قالاتىنى انىق. قازاقستاندىق اۋەسقوي اۆتوموبيلشىلەرگە وسى كولىكتى ۇسىنا الاتىنىمىزعا قۋانىشتىمىز!».
قازاقستاندا Haval H6 تۋربينالانعان 1،5 نەمەسە 2،0 ليترلىك بەنزين قوزعالتقىشىمەن ۇسىنىلعان، قۋاتى – 150-204 ا.ك.، جەتەگى – الدىڭعى جانە تولىق.
اۆتوورتالىقتاردا ءۇش جيىنتىقتاما نۇسقاسىنىڭ ءبىرىن تاڭداۋعا بولادى: Comfort، Premium جانە Tech Plus. باعاسى 12 990 000 تەڭگەدەن باستالادى.
قوسىمشا اقپاراتتى haval-motor.kz سايتىنان الا الاسىز.
