اتىراۋ وبلىسىندا بەلگىلى كاسىپكەر تيمۋر قۇلىبايەۆ باسقاراتىن "كيپروس" جشس-نە تيەسىلى جەر تەلىمى مەملەكەت مەنشىگىنە قايتارىلدى. بۇل تۋرالى وڭىرلىك پروكۋراتۋرا مالىمدەدى، دەپ حابارلايدى Dalanews.kz.
كومپانيا بۇل اۋماقتى پيرس سالۋ ماقساتىندا العانىمەن، جوبا جۇزەگە اسپاعان. ناتيجەسىندە، اۋماعى 3،46 گەكتار بولاتىن جەر تەلىمى مەملەكەتكە قايتارىلدى. ساراپتاماعا سايكەس، جەر قۇنى 250 ميلليون تەڭگە دەپ باعالانعان.
"قاداعالاۋ اكتىلەرى نەگىزىندە جالپى اۋماعى 31 432 گەكتاردى قۇرايتىن، قۇنى 196 ميلليون تەڭگە بولاتىن 16 يگەرىلمەگەن جەر تەلىمى مەملەكەتكە قايتارىلدى"، – دەدى پروكۋراتۋرا وكىلدەرى.
ەسكە سالايىق، بۇعان دەيىن تيمۋر قۇلىبايەۆقا تيەسىلى دەپ سانالاتىن «تەك-كازاحستان» كومپانياسى مەملەكەت مەنشىگىنە 54 نىساندى وتكىزگەن ەدى. بۇل تۋرالى باس كولىك پروكۋراتۋراسى حابارلادى.
ۇسىنىلعان اقپاراتقا سايكەس، قۇرامىنا جانارماي قويمالارى، عيماراتتار مەن قۇرىلىستار، سونداي-اق نەگىزگى قۇرال-جابدىق توپتارى كىرەتىن مۇلىك ەندى مەملەكەتكە تيەسىلى. سونىمەن بىرگە «قورعاس» حالىقارالىق ورتالىعىنداعى باگاج تەرمينالى مەن جەر ۋچاسكەسى دە قايتارىلعان.
بۇعان دەيىن ااكتيۆتەردى قايتارۋ جونىندەگى كوميتەت تيمۋر قۇلىبايەۆپەن سوتتاسىپ جاتقانى تۋرالى اقپارات تاراعان ەدى. اتالعان كاسىپكەردىڭ ەسىمى ەلدەگى ەڭ ىقپالدى بيزنەس وكىلدەرىنىڭ ءبىرى رەتىندە ءجيى اتالادى. ول «كيپروس» پەن «Joint Technologies» ارقىلى «تەك-كازاحستان»-دى قاداعالاعان دەپ ايتىلادى.
قارجى ەسەبىنە سۇيەنسەك، قۇلىبايەۆتىڭ Joint Resources حولدينگى 2023 جىلدىڭ قورىتىندىسىندا 39،1 ملرد تەڭگە تازا تابىس تاپقان. بۇل كومپانيا نەگىزىنەن اكتيۆتەردى باسقارۋمەن اينالىسادى. حولدينگتىڭ قاراماعىندا جەتى ەنشىلەس مەكەمە بار، ولاردىڭ اراسىندا «كريستالل مەنەدجمەنت» اق، «Kazakhstan’s mineral resource investment company» ج ش س، «شۇباركول پرەميۋم» اق سەكىلدى كاسىپورىندار جانە باسقا دا ۇيىمدار كەزدەسەدى.
مەملەكەتكە قايتارىلعان 54 نىساننىڭ ناقتى قانداي ماقساتتا پايدالانىلاتىنى ءالى بەلگىسىز. دەگەنمەن، ساراپشىلار مۇنداي قادام ەلىمىزدە اكتيۆتەردى زاڭعا سايكەس رەتتەۋ جانە مەنشىك قاتىناستارىنىڭ اشىقتىعىن ارتتىرۋ باعىتىندا جاسالىپ جاتقانىن ايتادى. قۇزىرلى ورگاندار بۇل پروسەستىڭ جالعاساتىنىن، ال قاجەتتى جاعدايدا سوت شەشىمىنە جۇگىنەتىنىن ەسكەرتۋدە.
