مەجٸلٸس دەپۋتاتى اسحات ايماعامبەتوۆ ازاماتتاردىڭ ەلەۋمەتتٸك قۇقىقتارىن قورعاۋعا باعىتتالعان جاڭا تٷزەتۋلەر تۋرالى ايتتى, دەپ حابارلايدى dalanews.kz.
دەپۋتاتتىڭ سٶزٸنشە, بۇعان دەيٸن ول اۆتوماتتى تٷردە قايتا-قايتا قوڭىراۋ شالۋ, ياعني اۆتودوزۆون مەسەلەسٸن مينيستردٸڭ الدىندا كٶتەرٸپ, زاڭعا تيٸستٸ ٶزگەرٸس ەنگٸزۋدٸ ۇسىنعان. ەندٸ بۇل باستاما ناقتى نەتيجە بەرە باستاعان.
ايماعامبەتوۆ تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترلٸگٸنەن كەلگەن رەسمي جاۋاپ حاتتى جارييالاپ, بايلانىس قىزمەتتەرٸن كٶرسەتۋ قاعيدالارىنا ٶزگەرٸستەر ەنگٸزٸلٸپ جاتقانىن حابارلادى.
جاڭا تەرتٸپكە سەيكەس, ابونەنتتٸ قابىلدانباعان قوڭىراۋلار تۋرالى حاباردار ەتۋ تەك SMS ارقىلى جٷزەگە اسىرىلماق. ياعني ازاماتتاردى مازالايتىن اۆتوماتتى قوڭىراۋلارعا شەكتەۋ قويىلادى.
سونىمەن قاتار زاڭ جوباسى اياسىندا رۇقسات ەتٸلمەگەن ترافيكتٸ گەنەراتسييالاۋعا تىيىم سالاتىن ارنايى تٷزەتۋلەر دە قاراستىرىلىپ جاتىر.
دەپۋتاتتىڭ ايتۋىنشا, حالىقتى جيٸ مازالايتىن, سپامعا اينالعان زاڭسىز قوڭىراۋلارعا قۇقىقتىق تۇرعىدان ناقتى توسقاۋىل قويۋ ماڭىزدى. بۇل ٶزگەرٸستەر ازاماتتاردىڭ تىنىشتىعىن قورعاۋعا جەنە بايلانىس قىزمەتتەرٸندەگٸ تەرتٸپتٸ كٷشەيتۋگە باعىتتالعان.
