– ەلباسىمىز نۇرسۇلتان ءابىش ۇلى نازاربايەۆ بيىلعى جولداۋىندا: «2017 جىلى «تەگىن كاسىپتىك-تەحنيكالىق ءبىلىم-بارشاعا» جاڭا جوباسى ىسكە اسىرىلا باستادى. تەگىن وقىتۋمەن ەڭ اۋەلى جۇمىسسىز جانە ءوزىن – ءوزى ءتيىمسىز جۇمىسپەن قامتىعان جاستار، سونداي-اق كاسىپتىك ءبىلىمى جوق ەرەسەك ادامدار قامتىلۋى ءتيىس، – دەپ اتاپ كورسەتتى. سوندىقتان، ءاربىر ازامات ءوزىنىڭ ەلىنە پايدالى بولۋى ءۇشىن مەملەكەت بارلىق جاعدايدى جاساپ وتىر. ياعني، جاستارعا ءوزىنىڭ قالاعان جۇمىسشى ماماندىعىن الۋعا بىزدە بارلىق مۇمكىندىك بار. ءبىزدىڭ جاستارىمىز بوس قيالمەن ءومىر سۇرمەۋى قاجەت، كەرىسىنشە تۋعان قازاقستانعا قىزمەت ەتىپ، ءوز ەلىنىڭ ەكونوميكاسىن كوتەرۋگە ۇلەس قوسۋ كەرەك، – دەدى ج.قانسەيىت ۇلى.
بيىل وڭىرىمىزدە ەكىنشى جىل ۇيىمداستىرىلىپ جاتقان جارىسقا وڭتۇستىكتەگى 35 كوللەدج اراسىندا 79 ستۋدەنت 9 ماماندىق – «قۇرعاق قۇرىلىس جانە سىلاق جۇمىستارى»، «ارلەۋ جانە دەكوراتيۆتى جۇمىستار»، «ەلەكترومونتاج»، «ءپىسىرۋ تەحنولوگياسى (سۆاروچنىە تەحنولوگيا)»، «كىرپىش قالاۋ»، «اسپاز ءىسى»، «ديزاين جانە كيىمدەردى مودەلدەۋ»، «ينجەنەرلىك گرافيكا CAD» جانە «پليتكا جاپسىرۋ» بويىنشا ب ا ق سىناپ جاتىر.
ەلباسى ن.ءا.نازاربايەۆتىڭ «100 ناقتى قادام» ۇلت جوسپارىن جۇزەگە اسىرۋ شەڭبەرىندە جالپى ەڭبەك قوعامىن قۇرۋ جانە جۇمىسشى مارتەبەسىن ارتتىرۋ بويىنشا تاپسىرماسىن ورىنداۋ ماقساتىندا قولعا الىنعان. شارادا كاسىپتىك ءبىلىم بەرۋدەگى تەحنيكالىق، قىزمەت كورسەتۋ جانە قۇرىلىس سالالارى بويىنشا قاتىسۋشىلاردىڭ تاجىريبەلىك دايىندىعى، كاسىپتىك بىلىكتىلىگى، شىعارماشىلىعى مەن جوعارى ەڭبەك مادەنيەتى، زاماناۋي، ونىڭ ىشىندە اقپاراتتىق-كوممۋنيكاسيالىق تەحنولوگيالاردى ءىس جۇزىندە قولدانا الۋ بىلىكتىلىگى سىنعا تۇسەتىن بولادى.
WorldSkills جارىسى الەمنىڭ 75 مەملەكەتىنە تارالعان حالىقارالىق قوزعالىس. 2014 جىلى قازاقستان 70ء-شى قاتىسۋشى-مەملەكەتى بولىپ انىقتالدى.
وتكەن 2016 جىلى العاش رەت وبلىستا اتالعان ايماقتىق چەمپيونات وتكىزىلىپ، ناتيجەسىندە جارىستىڭ جەڭىمپازدارى بولىپ تابىلعان №3، №5، №6، №16 جانە وڭتۇستىك قازاقستان پوليتەحنيكالىق كوللەدجدەرى ۇلتتىق چەمپيوناتقا قاتىسۋعا جولداما العان. ناتيجەسىندە، №5 كوللەدجدىڭ ستۋدەنتى تىگىنشى ماماندىعىنان 1 ورىن، №6 كوللەدج كونديتەرلىكتەن II ورىن، №16 كوللەدج قۇرعاق سىلاقتان (سۋحوە شتۋكاتۋركا) II ورىن، №3 كوللەدج «ۇزدىك دانەكەرلەۋشى» نوميناسياسىن جەڭىپ العان-دى. ال جەڭىمپاز اتانعان №5، №6، №16 كوللەدج ستۋدەنتتەرى ءوز ماماندىقتارىنا سايكەس، تۇركيا ۇلتتىق ءبىلىم مينيسترلىگىنە قاراستى الدىڭعى قاتارلى جوعارى وقۋ ورىندارىندا 2017 جىلدان تەگىن ءبىلىم الۋعا جولداما الدى.
ال بيىلعى چەمپيونات قورىتىندىسى 30 ناۋرىزدا انىقتالىپ، جەڭىمپازدار مامىر ايىندا استانا قالاسىندا وتەتىن ۇلتتىق چەمپيوناتقا قاتىساتىن بولادى. تەحنيكالىق جانە كاسىپتىك ءبىلىم مەكەمەلەرى ستۋدەنتتەرىنىڭ اراسىندا وتكىزىلەتىن «WorldSkills Kazakhstan-جىل شەبەرى-2017» ايماقتىق چەمپيوناتىنىڭ جەڭىمپازدارىنا وبلىستىق ءبىلىم باسقارماسىنىڭ ءى، ءىى جانە ءىىى دارەجەلى ديپلومدارى مەن باعالى سىيلىقتار، «بال تەكستيل» ج ش س، «نازار تەكستيل» ج ش س ت.ب. كاسىپورىندار تاراپىنان دا باعالى سىيلىقتار تاپسىرىلاتىن بولادى. مۇنان بولەك، وبلىس اكىمىنىڭ اتىنان «ماماندار دايارلاۋدا ەڭ ۇزدىك الەۋمەتتىك ارىپتەس» نوميناسياسىمەن 5 كاسىپورىن باسشىلارىن ماراپاتتاۋ جوسپارلانۋدا.
ايتا كەتەيىك، 2017 جىلى وبلىستىق بيۋدجەت ەسەبىنەن 12،5 مىڭ ادام «بارشاعا تەگىن كاسىپتىك-تەحنيكالىق ءبىلىم بەرۋ» اياسىندا تەحنيكالىق، تەحنولوگيالىق جانە اۋىلشارۋاشىلىق، قىزمەت كورسەتۋ سالالارى بويىنشا، ال «ناتيجەلى جۇمىسپەن قامتۋدى جانە بۇقارالىق كاسىپكەرلىكتى دامىتۋ» باعدارلاماسىنىڭ ءبىرىنشى باعىتى بويىنشا 11437 ادام ماماندانادى دەپ جوسپارلانۋدا.
وقو اكىمىنىڭ باسپا ءسوز قىزمەتى
