– Elbasymyz Nursultan Ábishuly Nazarbaev bıylǵy Joldaýynda: «2017 jyly «Tegin kásiptik-tehnıkalyq bilim-barshaǵa» jańa jobasy iske asyryla bastady. Tegin oqytýmen eń áýeli jumyssyz jáne ózin – ózi tıimsiz jumyspen qamtyǵan jastar, sondaı-aq kásiptik bilimi joq eresek adamdar qamtylýy tıis, – dep atap kórsetti. Sondyqtan, árbir azamat óziniń eline paıdaly bolýy úshin memleket barlyq jaǵdaıdy jasap otyr. Iaǵnı, jastarǵa óziniń qalaǵan jumysshy mamandyǵyn alýǵa bizde barlyq múmkindik bar. Bizdiń jastarymyz bos qıalmen ómir súrmeýi qajet, kerisinshe týǵan Qazaqstanǵa qyzmet etip, óz eliniń ekonomıkasyn kóterýge úles qosý kerek, – dedi J.Qanseıituly.
Bıyl óńirimizde ekinshi jyl uıymdastyrylyp jatqan jarysqa Ońtústiktegi 35 kolej arasynda 79 stýdent 9 mamandyq – «Qurǵaq qurylys jáne sylaq jumystary», «Árleý jáne dekoratıvti jumystar», «Elektromontaj», «Pisirý tehnologıasy (svarochnye tehnologıa)», «Kirpish qalaý», «Aspaz isi», «Dızaın jáne kıimderdi modeldeý», «Injenerlik grafıka CAD» jáne «Plıtka japsyrý» boıynsha baq synap jatyr.
Elbasy N.Á.Nazarbaevtyń «100 naqty qadam» Ult Josparyn júzege asyrý sheńberinde jalpy eńbek qoǵamyn qurý jáne jumysshy mártebesin arttyrý boıynsha tapsyrmasyn oryndaý maqsatynda qolǵa alynǵan. Sharada kásiptik bilim berýdegi tehnıkalyq, qyzmet kórsetý jáne qurylys salalary boıynsha qatysýshylardyń tájirıbelik daıyndyǵy, kásiptik biliktiligi, shyǵarmashylyǵy men joǵary eńbek mádenıeti, zamanaýı, onyń ishinde aqparattyq-kommýnıkasıalyq tehnologıalardy is júzinde qoldana alý biliktiligi synǵa túsetin bolady.
WorldSkills jarysy álemniń 75 memleketine taralǵan halyqaralyq qozǵalys. 2014 jyly Qazaqstan 70-shi qatysýshy-memleketi bolyp anyqtaldy.
Ótken 2016 jyly alǵash ret oblysta atalǵan aımaqtyq chempıonat ótkizilip, nátıjesinde jarystyń jeńimpazdary bolyp tabylǵan №3, №5, №6, №16 jáne Ońtústik Qazaqstan polıtehnıkalyq kolejderi Ulttyq chempıonatqa qatysýǵa joldama alǵan. Nátıjesinde, №5 kolejdiń stýdenti tiginshi mamandyǵynan 1 oryn, №6 kolej kondıterlikten II oryn, №16 kolej qurǵaq sylaqtan (sýhoe shtýkatýrka) II oryn, №3 kolej «úzdik dánekerleýshi» nomınasıasyn jeńip alǵan-dy. Al jeńimpaz atanǵan №5, №6, №16 kolej stýdentteri óz mamandyqtaryna sáıkes, Túrkıa Ulttyq bilim mınıstrligine qarasty aldyńǵy qatarly joǵary oqý oryndarynda 2017 jyldan tegin bilim alýǵa joldama aldy.
Al bıylǵy chempıonat qorytyndysy 30 naýryzda anyqtalyp, jeńimpazdar mamyr aıynda Astana qalasynda ótetin Ulttyq Chempıonatqa qatysatyn bolady. Tehnıkalyq jáne kásiptik bilim mekemeleri stýdentteriniń arasynda ótkiziletin «WorldSkills Kazakhstan-Jyl sheberi-2017» aımaqtyq chempıonatynyń jeńimpazdaryna Oblystyq bilim basqarmasynyń İ, İİ jáne İİİ dárejeli dıplomdary men baǵaly syılyqtar, «Bal Tekstıl» JSHS, «Nazar Tekstıl» JSHS t.b. kásiporyndar tarapynan da baǵaly syılyqtar tapsyrylatyn bolady. Munan bólek, oblys ákiminiń atynan «Mamandar daıarlaýda eń úzdik áleýmettik áriptes» nomınasıasymen 5 kásiporyn basshylaryn marapattaý josparlanýda.
Aıta keteıik, 2017 jyly oblystyq búdjet esebinen 12,5 myń adam «Barshaǵa tegin kásiptik-tehnıkalyq bilim berý» aıasynda tehnıkalyq, tehnologıalyq jáne aýylsharýashylyq, qyzmet kórsetý salalary boıynsha, al «Nátıjeli jumyspen qamtýdy jáne buqaralyq kásipkerlikti damytý» Baǵdarlamasynyń birinshi baǵyty boıynsha 11437 adam mamandanady dep josparlanýda.
OQO ákiminiń baspasóz qyzmeti
