كەزدەسۋدە ءسوز العان ءوڭىر باسشىسى مەرەكەنىڭ ماڭىزدىلىعىنا توقتالىپ، وبلىسىمىزداعى ءدىني كونفەسسيالاردىڭ ءوزارا ىنتىماق-بىرلىگى مەن قوعامداعى ءرولىن ءسوز ەتتى.
– 1992 جىلى 18 قازان كۇنى الماتى قالاسىندا بۇكىلالەمدىك رۋحاني كەلىسىم كونگرەسىنىڭ 1ء-شى سەسسياسى وتكەن بولاتىن. سول كونگرەستە قاقتىعىستار مەن جانجالدارعا شەكتەۋ قويۋ، تاتۋلىققا تالپىنۋ، جاقىن ادامدارعا قايىرىمدىلىق پەن جاردەم جاساۋ تۋرالى مانيفەست قابىلدانعان-تىن. سودان بەرى جىل سايىن ءبىزدىڭ ەلىمىزدە 18 قازان - رۋحاني كەلىسىم كۇنى مەرەكەسى اتالىپ وتىلۋدە. ەلباسىنىڭ سارابدال ساياساتىنىڭ ارقاسىندا بۇگىندە ەلىمىز الەمگە ىنتىماق پەن بىرلىگى جاراسقان، كوپ كونفەسسيالى مەملەكەت رەتىندە تانىلىپ وتىر، – دەدى جانسەيىت قانسەيىت ۇلى.
[caption id="attachment_31188" align="aligncenter" width="800"]
فوتو. سامات مىرزالييەۆ.[/caption]
كەزدەسۋ بارىسىندا ءسوز العان قازاقستان مۇسىلماندارى ءدىني باسقارماسىنىڭ وڭتۇستىك قازاقستان وبلىسى بويىنشا وكىل يمامى احمەتجان كەرىمبەكوۆ وڭىرىمىزدەگى ءدىني كونفەسسيالاردىڭ ىنتىماق-بىرلىگىنە توقتالدى.
– قازاقتا «بايلىق بايلىق ەمەس، بىرلىك بايلىق» دەگەن اتالى ءسوز بار. وسى ءسوزدىڭ استارىندا تالاي ءمان-ماعىنا جاتىر. وبلىسىمىزدا 18 قازان – رۋحاني كەلىسىم كۇنى مەرەكەسى جىل سايىن جوعارى دەڭگەيدە اتالىپ وتىلۋدە. ەلباسىمىزدىڭ باعىت-باعدارىنىڭ ارقاسىندا ءتۇرلى ءدىني كونفەسسيا وكىلدەرى ءتاتۋ-تاتتى، ىنتىماقتا ىمىرالاسىپ، عۇمىر كەشىپ جاتقان جاعدايى بار، – دەدى احمەتجان ءپىرالى ۇلى.
مۇنان سوڭ شىمكەنت قالاسىنداعى سۆياتو-نيكولسكيي كافەدرالدىق سوبورىنىڭ ءدىني قىزمەتشىسى الەكساندر موگيليەۆسكيي مەن «شىمكەنت قالاسىنىڭ ەۆرەي قاۋىمى» جەرگىلىكتى ءدىني بىرلەستىگىنىڭ جەتەكشىسى زەليك مۋردۋحايەۆتەر ءدىني بىرلەستىكتەردىڭ قوعام الدىنداعى جاۋاپكەرشىلىگىن ءسوز ەتتى.
كەزدەسۋ سوڭىندا وبلىس اكىمى كونفەسسيا باسشىلارىنا مەرەكەگە وراي العىس حاتتار مەن سىي-سياپات تابىس ەتتى. سونداي-اق «رۋحاني كەلىسىم كۇنىنە» وراي وڭتۇستىك قازاقستان وبلىسى اكىمىنىڭ كۋبوگى ءۇشىن ءدىني كونفەسسيالار اراسىندا كىشى فۋتبولدان وتكەن ءتۋرنيردىڭ جەڭىمپازى وبلىستىق مەشىت ۇجىمىنا وبلىس اكىمىنىڭ كۋبوگى تابىستالدى.
وقو اكىمىنىڭ باسپا ءسوز قىزمەتى
