Kezdesýde sóz alǵan óńir basshysy merekeniń mańyzdylyǵyna toqtalyp, oblysymyzdaǵy dini konfessiialardyń ózara yntymaq-birligi men qoǵamdaǵy rólin sóz etti.
– 1992 jyly 18 qazan kúni Almaty qalasynda Búkilálemdik Rýhani kelisim kongresiniń 1-shi sessiiasy ótken bolatyn. Sol kongreste qaqtyǵystar men janjaldarǵa shekteý qoiý, tatýlyqqa talpyný, jaqyn adamdarǵa qaiyrymdylyq pen járdem jasaý týraly manifest qabyldanǵan-tyn. Sodan beri jyl saiyn bizdiń elimizde 18 qazan - Rýhani kelisim kúni merekesi atalyp ótilýde. Elbasynyń sarabdal saiasatynyń arqasynda búginde elimiz álemge yntymaq pen birligi jarasqan, kop konfessiialy memleket retinde tanylyp otyr, – dedi Janseiit Qanseiituly.
[caption id="attachment_31188" align="aligncenter" width="800"]
Kezdesý barysynda sóz alǵan Qazaqstan musylmandary dini basqarmasynyń Ońtústik Qazaqstan oblysy boiynsha ókil imamy Ahmetjan Kerimbekov óńirimizdegi dini konfessiialardyń yntymaq-birligine toqtaldy.
– Qazaqta «Bailyq bailyq emes, birlik bailyq» degen ataly sóz bar. Osy sózdiń astarynda talai mán-maǵyna jatyr. Oblysymyzda 18 qazan – Rýhani kelisim kúni merekesi jyl saiyn joǵary deńgeide atalyp ótilýde. Elbasymyzdyń baǵyt-baǵdarynyń arqasynda túrli dini konfessiia ókilderi tatý-tátti, yntymaqta ymyralasyp, ǵumyr keship jatqan jaǵdaiy bar, – dedi Ahmetjan Piráliuly.
Munan soń Shymkent qalasyndaǵy Sviato-Nikolskii kafedraldyq soborynyń dini qyzmetshisi Aleksandr Mogilevskii men «Shymkent qalasynyń evrei qaýymy» jergilikti dini birlestiginiń jetekshisi Zelik Mýrdýhaevter dini birlestikterdiń qoǵam aldyndaǵy jaýapkershiligin sóz etti.
Kezdesý sońynda oblys ákimi konfessiia basshylaryna merekege orai alǵys hattar men syi-siiapat tabys etti. Sondai-aq «Rýhani kelisim kúnine» orai Ońtústik Qazaqstan oblysy ákiminiń kýbogy úshin dini konfessiialar arasynda kishi fýtboldan ótken týrnirdiń jeńimpazy oblystyq meshit ujymyna oblys ákiminiń kýbogy tabystaldy.
OQO ákiminiń baspasóz qyzmeti
