تۋريزم ورتالىعىنىڭ جۇمىسى كٶڭٸل قۋانتادى
تۋريزم تٷسٸنٸگٸنە دەندەپ ەنەتٸن بولساڭىز ەرەسەكتەر جەنە بالالار مەن جاسٶسپٸرٸمدەر تۋريزمٸ دەگەن دە ۇعىم بار. ٶز كەزەگٸندە تۋريزمنٸڭ بالالارعا ارنالعان تٷرٸن دامىتۋ العاشقىسىنا قاراعاندا جاۋاپتى, ەرٸ ەلدەقايدا كٷردەلٸ. ٶيتكەنٸ, بالالار تۋريزمٸ جەتكٸنشەك ۇرپاقتاردى, ەلٸمٸزدٸڭ ەرتەڭٸن ەستەتيكالىق تەربيەلەۋ مەن قالىپتاستىرۋ ٸسٸندە ايرىقشا ورىن الادى. وسى ورايدا كٶكەيدٸ وبلىس پەن اۋداندارداعى بالالار تۋريزمٸ قاي دەڭگەيدە دامىپ جاتىر دەگەن سىندى ساۋالداردىڭ تورلايتىنى انىق. سونىمەن بٸرگە, جاسٶسپٸرٸمدەردٸڭ تۋريزمٸن ٶركەندەتۋدٸڭ جايى دا قازٸر كٶپشٸلٸكتٸ قىزىقتىراتىن بولعان.
قازٸر ەلٸمٸزدە تٸكەلەي بالالار تۋريزمٸن دامىتۋعا ارنالعان ورتالىقتاردىڭ سانى قىرىقتىڭ و جاق, بۇ جاعى دەسەك, ونىڭ جارتىسىنا جۋىعى باتىس قازاقستان وبلىسىنا تيەسٸلٸ ەكەن. ال جامبىل وبلىسى بويىنشا بۇنداي ورتالىقتاردىڭ سانى ساۋساقپەن سانارلىق قانا. سولاردىڭ بٸرٸ – وبلىس بويىنشا العاشقى بولىپ اشىلعان شۋ اۋدانىنداعى بالالار-جاسٶسپٸرٸمدەر تۋريزم جەنە ٶلكەتانۋ ورتالىعى. ورتالىققا قابىلدانعان ەربٸر بٷلدٸرشٸن اتقا مٸنۋدٸ, بالىق اۋلاۋ مەن ورماندا اداسىپ كەتپەۋدٸڭ جولدارىن, سۋدا جٷزۋدٸ جەنە تاۋعا جورىققا شىعۋدى مەڭگەرەدٸ. ياعني قاۋٸپسٸزدٸك ەرەجەلەرٸمەن قاتار, كٷردەلٸ جاعدايدا نە ٸستەۋ كەرەكتٸگٸن دە ٷيرەنەدٸ. ورتالىق ديرەكتورى راحييا كٶبەگەنوۆانىڭ ايتۋىنشا, اتالمىش مەكەمە 2015 جىلدىڭ قازان ايىندا اشىلعان ەكەن.
– بالالارعا ارنالعان تۋريزم ورتالىعىنىڭ نەگٸزگٸ مٸندەتٸ – وقۋشىلاردىڭ بوس ۋاقىتىن تيٸمدٸ پايدالانا وتىرىپ, ولارعا ٶلكەتانۋ جەنە تۋريزم باعىتىندا قوسىمشا بٸلٸم بەرۋ بولىپ تابىلادى. بٷگٸنگٸ تاڭدا ورتالىققا قاراستى ەرتٷرلٸ باعىتتا «جاس تۋريست», «جاس ٶلكەتانۋشى», «گيد» سىندى 17 ٷيٸرمە جۇمىس جاسايدى. وقۋشىلار مۇندا تۋريزم سالاسى بويىنشا بٸلٸمدەرٸن جەتٸلدٸرٸپ, اۋدانداعى مەدەني ەسكەرتكٸشتەر تۋرالى بارلىق اقپاراتقا قانىق بولا الادى. ورتالىقتىڭ ۇيىمداستىرۋىمەن اراعا اپتا سالىپ اۋداننىڭ كيەلٸ جەرلەرٸنە ساياحات جاساپ وتىرامىز. مٸنە, وسىنداي ساپارلاردا بٸزدە بٸلٸم العان جاس ەكسكۋرسوۆودتار ٶزدەرٸ قاتارلى وقۋشىلارعا جول سٸلتەپ, ەر ەسكەرتكٸش تۋرالى تولىق مەلٸمەت بەرٸپ وتىرادى. سونىمەن قاتار, تۋريستٸك ماۋسىمنىڭ جابىلۋىنا وراي اۋداندىق تۋريادالار ٶتكٸزۋدٸ دە نازاردان تىس قالدىرعان ەمەسپٸز, - دەيدٸ ورتالىق ديرەكتورى.
جامبىل وبلىسى
شۋ اۋدانى
