تانىمال رەجيسسەر ەرمەك تۇرسىنوۆ مامىر ايىنا جوسپارلانعان ەكٸ بٸردەي كەزدەسۋٸنٸڭ بەلگٸسٸز سەبەپپەن ٶتپەيتٸنٸن حابارلادى. بۇل تۋرالى رەجيسسەر ٶزٸنٸڭ ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى Dalanews.kz.
الماتى تەاترىندا 22 مامىر كٷنٸ رەجيسسەردٸڭ تانىمال ەزٸلكەش نۇرلان سابۋروۆپەن بٸرگە «ديالوگ» اتتى ٸس-شاراسى, ال 31 مامىر كٷنٸ كومپوزيتور ەركەش شەكەەۆپەن بٸرلەسكەن كونتسەرتٸ ٶتۋگە تيٸس بولعان. سوڭعىسى ساياسي قۋعىن-سٷرگٸن جەنە اشارشىلىق قۇرباندارىن ەسكە الۋعا ارنالعان ەدٸ.
ەرمەك تۇرسىنوۆ ەكٸ ٸس-شارانىڭ دا تەاتر باسشىلىعى تاراپىنان بٸرجاقتى توقتاتىلعانىن اتاپ ٶتتٸ.
«22 مامىرداعى «ديالوگ» كەزدەسۋٸ نەگە توقتاتىلعانى تۋرالى تەاتر ەش تٷسٸنٸكتەمە بەرمەدٸ. ال 31 مامىردا جوسپارلانعان كونتسەرتتٸ ٶتكٸزبەۋدٸڭ سەبەبٸن تەحنيكالىق جاعدايلارمەن تٷسٸندٸرٸپ, رەسمي حات جولداپتى. بۇل جاعدايعا قاتىستى ٶز ويىمدى كەيٸن ايتامىن. قازٸرشە كٶرەرمەنٸمنەن بولعان جايت ٷشٸن كەشٸرٸم سۇرايمىن», – دەدٸ تۇرسىنوۆ.
كومپوزيتور ەركەش شەكەەۆ تە بۇعان دەيٸن 31 مامىرداعى كونتسەرتٸ ٶتكٸزٸلمەيتٸنٸن مەلٸمدەگەن بولاتىن. ونىڭ سٶزٸنشە, بيلەت ساتاتىن «FreedomTicketon» سايتى ەش ەسكەرتپەستەن ساتىلىمدى توقتاتقان. سونداي-اق, «Almaty Theatre» الدىن الا تٶلەم جاسالىپ, كەلٸسٸمشارتقا قول قويىلعانىنا قاراماستان, كونتسەرتتٸ ٶتكٸزۋگە اۋىزشا تٷردە تىيىم سالعان.
شەكەەۆ اتاپ ٶتكەن تاعى بٸر جايت – الماتى قالاسى مەدەنيەت باسقارماسىنان كٷتپەگەن جەردەن ۇيىمداستىرۋشىلارعا شاعىم تٷسكەنٸ. باسقارما شارا تۋرالى ٶزدەرٸنە حابارلاما بەرٸلمەگەنٸن ايتىپ, نارازىلىق تانىتقان.
ەسكە سالا كەتەيٸك, قازاقستاندا 31 مامىر – ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸ. بۇل داتا 1997 جىلى ارنايى بەلگٸلەنگەن بولاتىن. رەسمي دەرەكتەر بويىنشا حح عاسىردىڭ 20–50 جىلدار ارالىعىندا ەلٸمٸزدە 100 مىڭنان اسا ادام رەپرەسسيياعا ۇشىراپ, ولاردىڭ 25 مىڭعا جۋىعى اتىلعان. اشارشىلىق جىلدارىندا 1,5 ميلليوننان اسا قازاق قازا تاپقان.
وسى كەزەڭدە الاش قوزعالىسىنىڭ كٶسەمدەرٸ ەليحان بٶكەيحان, احمەت بايتۇرسىنۇلى, مٸرجاقىپ دۋلاتوۆ, نىعمەت نۇرماقوۆ, تەمٸربەك جٷرگەنوۆ سەكٸلدٸ كٶپتەگەن تانىمال تۇلعا رەپرەسسييا قۇربانى بولدى.
