پەتيسيا اۆتورلارىنىڭ ايتۋىنشا، تۋروپەراتورلار مەن تۋريستىك قوعامداستىقتاردا العاش رەت ىشكى جانە سىرتقى ءتۋريزمنىڭ ارقاسىندا جاقسى تابىس تابۋعا مۇمكىندىك تۋدى.
– قىسقا ۋاقىت ىشىندە جۇمىس ورىندارىنىڭ سانى ءوسىپ، جاقسى تابىس تاپتىق. كومپانيالار جۇمىسقا 10 ادامنان 200 ادامعا دەيىن قابىلداپ جاتىر. بۇگىندە EXPO-2017 كورمەسىن تەك قىسقا مەرزىمگە سوزۋ ماسەلەسى تۇر. (...) قۇرمەتتى احمەتجان سماعۇل ۇلى، تۋريستىك قوعامداستىقتىڭ اتىنان سىزدەن ق ر پرەزيدەنتى مەن حالىقارالىق كورمەلەر بيۋروسىنان كورمەنى 1 قاراشاعا دەيىن سوزۋ ماسەلەسىن قاراستىرۋدى ۇسىنىپ كورۋىڭىزدى سۇرايمىز، – دەلىنگەن احمەتجان ەسىموۆكە جازىلعان ۇندەۋدە.
پەتيسيا اۆتورلارىنىڭ ايتۋىنشا، بۇل قىزمەت كورسەتۋ جانە تۋريزم سالاسىنا دامۋعا كومەگىن تيگىزەدى. ايتا كەتەيىك، پەتيسياعا قول قويعانداردىڭ ىشىندە قازاقستاننىڭ تۋريزم اسسوسياسياسىنىڭ وكىلدەرى، ءقوناقۇي بيزنەسىنىڭ وكىلدەرى، سونداي-اق، تۋريستىك كومپانيالار مەن مەيرامحانالاردىڭ وكىلدەرى بار.
ءوز كەزەگىندە "استانا ەكسپو-2017" "ۇق" اق قوعاممەن بايلانىس دەپارتامەنتىنىڭ ديرەكتورى سەرگەي كۋيانوۆ كورمەنىڭ ۋاقىتىن سوزۋ ماسەلەسىنىڭ قيىن ەكەنىن ايتتى.
– بىرىنشىدەن، حالىقارالىق كورمەلەر بيۋروسى بىزگە رەگلامەنت بەلگىلەدى. ەكىنشىدەن، كورمە دەگەنىمىز كورمەنىڭ قاتىسۋشىلارى دەگەن ءسوز. قاتىسۋشىلاردىڭ ءوز بيۋدجەتتەرى بەلگىلەنگەن. سوندىقتان بۇل وڭاي شەشىلەتىن ماسەلە ەمەس، – دەپ ءتۇسىندىردى سەرگەي كۋيانوۆ.
https://dalanews.kz/28830
