Petitsiia avtorlarynyń aitýynsha, týroperatorlar men týristik qoǵamdastyqtarda alǵash ret ishki jáne syrtqy týrizmniń arqasynda jaqsy tabys tabýǵa múmkindik týdy.
– Qysqa ýaqyt ishinde jumys oryndarynyń sany ósip, jaqsy tabys taptyq. Kompaniialar jumysqa 10 adamnan 200 adamǵa deiin qabyldap jatyr. Búginde EXPO-2017 kórmesin tek qysqa merzimge sozý máselesi tur. (...) Qurmetti Ahmetjan Smaǵululy, týristik qoǵamdastyqtyń atynan Sizden QR Prezidenti men Halyqaralyq kórmeler biýrosynan kórmeni 1 qarashaǵa deiin sozý máselesin qarastyrýdy usynyp kórýińizdi suraimyz, – delingen Ahmetjan Esimovke jazylǵan úndeýde.
Petitsiia avtorlarynyń aitýynsha, bul qyzmet kórsetý jáne týrizm salasyna damýǵa kómegin tigizedi. Aita keteiik, petitsiiaǵa qol qoiǵandardyń ishinde Qazaqstannyń týrizm assotsiatsiiasynyń ókilderi, qonaqúi biznesiniń ókilderi, sondai-aq, týristik kompaniialar men meiramhanalardyń ókilderi bar.
Óz kezeginde "Astana EKSPO-2017" "UQ" AQ Qoǵammen bailanys departamentiniń direktory Sergei Kýianov kórmeniń ýaqytyn sozý máselesiniń qiyn ekenin aitty.
– Birinshiden, Halyqaralyq kórmeler biýrosy bizge reglament belgiledi. Ekinshiden, kórme degenimiz kórmeniń qatysýshylary degen sóz. Qatysýshylardyń óz biýdjetteri belgilengen. Sondyqtan bul ońai sheshiletin másele emes, – dep túsindirdi Sergei Kýianov.
https://dalanews.kz/28830
