مودەل بۇلدىرشىندەردىڭ اتا-انالارىن الداپ،ءىرى سومانى يەلەنگەن ايەل 4 جىلعا سوتتالدى، دەپ حابارلايدى Dalanews.kz.

ق ر جوعا سوتى حابارلاعانداي، 2024 جىلدىڭ مامىر ايىندا الاياقتىق جاساپ، ازاماتتاردىڭ اقشاسىن جىمقىردى دەگەن كۇدىكپەن ايەل ادام ۇستالعان.

تەرگەۋشىلەردىڭ ايتۋىنشا، ول كامەلەتكە تولماعان مودەلدەردىڭ اتا-انالارىنا تيەسىلى ءىرى كولەمدەگى اقشانى الاياقتىق جولمەن يەمدەنبەك بولعان.

"جالعان شارتتار جاساسۋ ءۇشىن جەكە كاسىپكەردىڭ اتىنا اشىلعان بانك شوتىن پايدالانىپ، ءوزىن تۇرىك اگەنتتىگىنىڭ رەسمي وكىلى رەتىندە كورسەتىپ، قوستانايلىقتارعا بالالاردىڭ وقۋعا جانە جارىستارعا قاتىسۋعا ساپارلارىن ۇيىمداستىرۋ بويىنشا دەلدالدىق قىزمەتتەردى ۇسىنعان. قوستانايداعى بيزنەس ورتالىقتاردىڭ ءبىرىنىڭ ءماجىلىس زالىندا وتكەن كەزدەسۋدە ول كامەلەتكە تولماعان 10 مودەلدىڭ اتا-انالارىنا تۇركيانىڭ كاپادوكيا قالاسىندا اۋە بيلەتتەرىن ساتىپ الۋ جانە قوناقۇيلەردى برونداۋدى ءوز موينىنا العانىن ايتقان"، دەلىنگەن سوت حابارلاماسىندا.

اتا-انالاردى ساياحاتقا قاتىسۋعا بەلسەندى تۇردە ۇگىتتەپ، كوندىرە وتىرىپ، ول توپتىق رەيس كەزىندە اۋە جولىنا جانە تۇرۋعا ايتارلىقتاي جەڭىلدىكتەر جاساۋعا ۋادە بەرگەن. سونداي-اق ول ساپاردىڭ ەگجەي-تەگجەيلەرىن جاريالاپ، باعاسىن ايتقان جانە "كۋراتوردىڭ بايلانىس دەرەكتەرىن" بەرگەن. اداسقان اتا-انالار ول كورسەتكەن ەسەپشوتقا ءار بالا ءۇشىن 300 ەۋرودان اقشا اۋدارعان.

"ءوزىنىڭ قىلمىستىق ارەكەتىنىڭ ناتيجەسىندە الاياق 8 ميلليوننان استام تەڭگەنى الىپ كەتكەن. اقشانى العان سوڭ ولاردان جاسىرىنعان. بۇل رەتتە ونىڭ ۋادەلەرىن ورىنداۋ نيەتى بولماعان: ونىڭ تۋريستىك قىزمەتپەن اينالىسۋعا ليسەنزياسى جوق، جەكە كاسىپكەر رەتىندە تىركەلمەگەن، مودەلدىك اگەنتتىكتەرمەن ەڭبەك قاتىناستارىندا بولماعان جانە ولاردىڭ اتىنان وكىلدىك ەتۋ قۇقىعى بولماعان"، دەلىنەدى سوت حابارلاماسىندا.

استاناعا كەلگەن جابىرلەنۋشىلەر الاياقتىقتىڭ قۇربانى بولعانىن ءتۇسىنىپ، قۇقىق قورعاۋ ورگاندارىنا حابارلاسقان.

ءبىرىنشى ساتىداعى سوت دالەلدەمەلەردى زەرتتەپ، باعا بەرە وتىرىپ، سوتتالۋشىنى وزىنە تاعىلعان ارەكەتتەردى جاساعانى ءۇشىن كىنالى دەپ تانىدى. وعان 3 جىل مەرزىمگە كاسىپكەرلىك قىزمەتپەن اينالىسۋ قۇقىعىنان ايىرا وتىرىپ، 4 جىل مەرزىمگە باس بوستاندىعىنان ايىرۋ جازاسى تاعايىندالدى. جابىرلەنۋشىلەردىڭ ازاماتتىق تالاپ قويۋلارى تولىق كولەمدە قاناعاتتاندىرىلدى.

قوستاناي وبلىستىق سوتى سوتتالعان ايەلدىڭ اپەللياسيالىق شاعىمىن قاراپ، ءبىرىنشى ساتىداعى سوتتىڭ ۇكىمىن وزگەرىسسىز قالدىردى.

سوت اكتىسى زاڭدى كۇشىنە ەندى.