تٷركييا پارلامەنتٸ 15 جاسقا دەيٸنگٸ بالالارعا ەلەۋمەتتٸك جەلٸلەردٸ پايدالانۋدى شەكتەۋگە باعىتتالعان زاڭ جوباسىن قابىلدادى, دەپ حابارلايدى Dala News.
زاڭعا سەيكەس, تسيفرلىق پلاتفورمالار كەمەلەتكە تولماعاندارعا قولجەتٸمدٸلٸكتٸ شەكتەۋ ٷشٸن جاسىن تەكسەرۋ جٷيەلەرٸن ەنگٸزۋگە مٸندەتتەلەدٸ. سونىمەن قاتار اتا-انالىق باقىلاۋ قۇرالدارى ٸسكە قوسىلىپ, زيياندى كونتەنتكە جەدەل ەرەكەت ەتۋ تالاپ ەتٸلەدٸ. 
قۇجاتقا ەنگەن نەگٸزگٸ تالاپتاردىڭ بٸرٸ – 15 جاسقا دەيٸنگٸ بالالارعا اككاۋنت اشۋعا تىيىم سالۋ. سونداي-اق YouTube, TikTok, Instagram سيياقتى پلاتفورمالار بالالاردىڭ قاۋٸپسٸزدٸگٸن قامتاماسىز ەتۋ بويىنشا قوسىمشا مٸندەتتەمەلەر الادى. 
بۇل باستاما بالالاردى ينتەرنەتتەگٸ زيياندى كونتەنتتەن قورعاۋ ماقساتىندا قولعا الىنعان. تٷركييا بيلٸگٸ ەلەۋمەتتٸك جەلٸلەر جاسٶسپٸرٸمدەردٸڭ پسيحيكاسىنا كەرٸ ەسەر ەتۋٸ مٷمكٸن ەكەنٸن بٸرنەشە رەت مەلٸمدەگەن. 
سونىمەن قاتار جاڭا زاڭ ونلاين ويىن كومپانييالارىنا دا تالاپتار قويادى – ولار ەلدە رەسمي ٶكٸل تاعايىنداۋى تيٸس. زاڭ تالاپتارىن ورىنداماعان كومپانييالارعا ايىپپۇل سالۋ نەمەسە ينتەرنەت جىلدامدىعىن شەكتەۋ سيياقتى سانكتسييالار قولدانىلۋى مٷمكٸن. 
قۇجات ەلٸ تولىق كٷشٸنە ەنگەن جوق – ونى تٷركييا پرەزيدەنتٸ بەكٸتۋٸ تيٸس. 
Reuters اگەنتتٸگٸنٸڭ مەلٸمەتٸنشە, بۇل زاڭ ەلەۋمەتتٸك قىزمەتتەر تۋرالى زاڭعا ەنگٸزٸلگەن ٶزگەرٸستەردٸڭ بٸر بٶلٸگٸ بولىپ تابىلادى جەنە بالالاردى قورعاۋعا باعىتتالعان كەڭ اۋقىمدى ساياساتتىڭ قۇرامىنا كٸرەدٸ. 
ساراپشىلاردىڭ ايتۋىنشا, تٷركييا بۇل باعىتتا اۆسترالييا, يندونەزييا جەنە بٸرقاتار ەۋروپا ەلدەرٸنٸڭ تەجٸريبەسٸنە قوسىلىپ وتىر, وندا دا بالالاردىڭ ەلەۋمەتتٸك جەلٸلەرگە قولجەتٸمدٸلٸگٸن شەكتەۋ مەسەلەسٸ قاراستىرىلىپ جاتىر. 
