رەسەيدىڭ تۇركىمەنستانداعى ەلشىلىگى فەدەراسياعا كوشكىسى كەلەتىن تۇركىمەنستاندىقتاردىڭ ءتىزىمىن جاساۋدى توقتاتتى. وسى ءتىزىم نەگىزىندە ارنايى رەيستەر ۇيىمداستىرىلادى. بۇل تۋرالى ازاتلىكتىڭ اشعابادتاعى ءتىلشىسى حابارلادى.

ءتىزىمدى توقتاتۋ تۋرالى شەشىم S7 كومپانياسى ۇشاق جەتكىزە الماۋىنا بايلانىستى قابىلدانعان. ونىڭ ۇستىنە تۇركىمەنستاننان كوشەتىندەرگە ارنالعان رەيس ۇيىمداستىرۋ كومپانياعا ءتيىمسىز. ويتكەنى تۇركىمەنستاننان كوشۋشىلەر كوپ تە، تۇركىمەنستانعا بارۋشىلار جوق.

رەسەيگە كوشەتىن قۇجاتتارى دايىن تۇركىمەنستاندىقتاردىڭ ءوزى 10 مىڭنان اسىپ كەتكەن.

رەسەيدە تىركەۋدە تۇرعاندار مەن ورىس ءتولقۇجاتى بارلاردى مۇنداي رەيستەرگە كەزەكسىز ەنگىزەدى. ەلشىلىك ولاردى ءبىرىنشى كەزەكتە كوشىرەدى.

ازاتلىك ءتىلشىسىنىڭ ايتۋىنشا، تۇركىمەنستاننان كوشكىسى كەلەتىندەردىڭ ناقتى سانىن انىقتاۋ مۇمكىن ەمەس.

حەلسينكي قورىنىڭ مالىمەتىنە قاراعاندا، رەسەيگە كوشكەن تۇركىمەنستاندىقتار جىل سايىن ارتىپ وتىر.

2020 جىلدى رەسەيگە 21 680 تۇركىمەنستاندىق كوشتى. بيىل ءۇش ايدا 1323 تۇركىمەنستاندىق رەسەيگە كەتتى.

تۇركىمەن بيلىگى 2012 جىلى جۇرگىزىلگەن حالىق ساناعىنىڭ ناتيجەسىن ءالى كۇنگە دەيىن جاريالاماي وتىر. بۇعان قوسا، بيلىك ەكونوميكالىق داعدارىس سالدارىنان حالىق سانى كۇرت كەمىگەنىن مويىنداعىسى كەلمەيدى.

https://dalanews.kz/sadak/13010-aza-stannan-ketkim-keledi