Elshilik Túrkimenstannan kóshetin adamdarǵa arnalǵan reisterge tirkeýdi toqtatty. Óitkeni kezek kútip turǵandar sany 10 myńnan asyp ketken. Olardyń báriniń qujattary daiyn. Reseide tirkeýde turǵandar men orys tólqujaty barlar tizimge kezekten tys qosylady.
Reseidiń Túrkimenstandaǵy elshiligi Federatsiiaǵa kóshkisi keletin túrkimenstandyqtardyń tizimin jasaýdy toqtatty. Osy tizim negizinde arnaiy reister uiymdastyrylady. Bul týraly Azatlyktyń Ashǵabadtaǵy tilshisi habarlady.
Tizimdi toqtatý týraly sheshim S7 kompaniiasy ushaq jetkize almaýyna bailanysty qabyldanǵan. Onyń ústine Túrkimenstannan kóshetinderge arnalǵan reis uiymdastyrý kompaniiaǵa tiimsiz. Óitkeni Túrkimenstannan kóshýshiler kóp te, Túrkimenstanǵa barýshylar joq.
Reseige kóshetin qujattary daiyn túrkimenstandyqtardyń ózi 10 myńnan asyp ketken.
Reseide tirkeýde turǵandar men orys tólqujaty barlardy mundai reisterge kezeksiz engizedi. Elshilik olardy birinshi kezekte kóshiredi.
Azatlyk tilshisiniń aitýynsha, Túrkimenstannan kóshkisi keletinderdiń naqty sanyn anyqtaý múmkin emes.
Helsinki qorynyń málimetine qaraǵanda, Reseige kóshken túrkimenstandyqtar jyl saiyn artyp otyr.
2020 jyldy Reseige 21 680 túrkimenstandyq kóshti. Biyl úsh aida 1323 túrkimenstandyq Reseige ketti.
Túrkimen biligi 2012 jyly júrgizilgen halyq sanaǵynyń nátijesin áli kúnge deiin jariialamai otyr. Buǵan qosa, bilik ekonomikalyq daǵdarys saldarynan halyq sany kúrt kemigenin moiyndaǵysy kelmeidi.
https://dalanews.kz/sadak/13010-aza-stannan-ketkim-keledi
