«اتاكەنت» كورمە ورتالىعىندا ءوتىپ جاتقان شاراعا الەمنىڭ 22 ەلىنەن 155 ءوندىرۋشى كومپانيا ءوز ونىمدەرىن الىپ كەلگەن. ولاردىڭ قاتارىندا اۆستريا، بەلگيا، ۇلىبريتانيا، گەرمانيا، دانيا، يسپانيا، يتاليا، كورەيا، تۇركيا مەن فرانسيا سەكىلدى مەملەكەتتەردىڭ ءىرى كومپانيالارى بار.
– اتالعان كورمەنىڭ ەرەكشەلىگى – قۇس شارۋاشىلىعىنا ارنالعان قاجەتتى جابدىقتار مەن تەحنولوگيالاردى جاڭعىرتۋ. شارانىڭ اۋىل شارۋاشىلىعى ءۇشىن تيگىزەر پايداسى كوپ. جىل سايىنعى داستۇرگە اينالعان كورمە اياسىندا كوپتەگەن كومپانيالار وزدەرىنە سەرىكتەس تاۋىپ قانا قويماي، ءوز ونىمدەرىن حالىقارالىق دەڭگەيدە ساۋدالاۋعا مۇمكىندىك الادى، – دەيدى ۇيىمداستىرۋشىلار.
![](/uploads/images/20240127144952546.jpg)
ايتا كەتەيىك، 14 جىلدان بەرى ەل نارىعىندا كوش باستاپ تۇرعان شۇجىق جانە ەت ونىمدەرىن وندىرەتىن «قارقىن - 2030» ج ش س تاۋلىگىنە 50 توننا ءونىم وندىرەدى. وتاندىق الىپ ساۋدا ورتالىقتارىمەن كەلىسىم-شارتقا وتىرعان قازىعۇرتتىق كومپانيا ەلىمىزدىڭ تۇكپىر-تۇكپىرىنە ونىمدەرىن جىبەرىپ، تۇراقتى تۇتىنۋشىلارىن تاپقان.