«Atakent» kórme ortalyǵynda ótip jatqan sharaǵa álemniń 22 elinen 155 óndirýshi kompaniia óz ónimderin alyp kelgen. Olardyń qatarynda Avstriia, Belgiia, Ulybritaniia, Germaniia, Daniia, Ispaniia, Italiia, Koreia, Túrkiia men Frantsiia sekildi memleketterdiń iri kompaniialary bar.
– Atalǵan kórmeniń ereksheligi – qus sharýashylyǵyna arnalǵan qajetti jabdyqtar men tehnologiialardy jańǵyrtý. Sharanyń aýyl sharýashylyǵy úshin tigizer paidasy kóp. Jyl saiynǵy dástúrge ainalǵan kórme aiasynda kóptegen kompaniialar ózderine seriktes taýyp qana qoimai, óz ónimderin halyqaralyq deńgeide saýdalaýǵa múmkindik alady, – deidi uiymdastyrýshylar.
Aita keteiik, 14 jyldan beri el naryǵynda kósh bastap turǵan shujyq jáne et ónimderin óndiretin «Qarqyn - 2030» JShS táýligine 50 tonna ónim óndiredi. Otandyq alyp saýda ortalyqtarymen kelisim-shartqa otyrǵan qazyǵurttyq kompaniia elimizdiń túkpir-túkpirine ónimderin jiberip, turaqty tutynýshylaryn tapqan.
