ازىق-تٷلٸك تيەلگەن جٷك كٶلٸگٸ بايزاق اۋدانىنا جەتكٸزٸلٸپ, جەرگٸلٸكتٸ ەكٸمدٸك تاراپىنان ۇيىمداستىرىلعان ورتالىق قويماعا ورنالاستىرىلدى.
– ٶتكەن جىلى ماقتاارال اۋدانىندا سۋ تاسقىنى ورىن العان كەزدە ەڭ العاش بولىپ جامبىل وبلىسىنان كٶمەك كەلگەن بولاتىن. سونىمەن قاتار, بارشا ەل-جۇرتىمىز بٸزدٸڭ اۋدانعا توقتاۋسىز كٶمەكتەرٸن جٸبەرٸپ وتىردى. سوندىقتان, جامبىل وبلىسى بايزاق اۋدانىندا ورىن العان جاعداي بويىنشا ٷي-كٷيسٸز قالعان وتانداستارىمىزدىڭ تاعدىرى بٸزدٸ الاڭداتىپ, گۋمانيتارلىق كٶمەكتٸ العاشقىلاردىڭ بٸرٸ بولىپ الىپ كەلۋگە سەبەپشٸ بولدى, – دەدٸ «جاستار رەسۋرستىق ورتالىعى» كمم ديرەكتورى سٷندەت كەنجەباەۆ.
«بايزاق اۋدانى, بٸز بٸرگەمٸز!» گۋمانيتارلىق كٶمەك تٶتەنشە جاعدايدان زارداپ شەككەن تۇرعىندارعا ٷلەستٸرٸلەتٸن بولادى. جەرگٸلٸكتٸ جاۋاپتى باسشىلار كەلگەن كٶمەكتٸڭ ەسەبٸن الىپ, قيىن سەتتە قول ۇشىن سوزعان ماقتاارالدىقتارعا العىستارىن بٸلدٸردٸ. زارداپ شەككەن اعايىنعا دايىندالعان كٶمەك كەرۋەنٸنە كٷرٸش, ماي, ماكارون ٶنٸمدەرٸ, قانت, قاراقۇمىق, جەڭٸل دايىندالاتىن تاماق ٶنٸمدەرٸ, تەتتٸلەر جەنە مينەرالدى سۋسىندار تيەلگەن.
