QazVac قازاقستاندىق ەكپەنىڭ 2 مىڭ دوزاسى تۇركىستان وبلىسىنداعى ۆاكسينا سالاتىن بەكەتتەرگە تاراتىلدى. وتاندىق ۆاكسينا «بيولوگيالىق قاۋىپسىزدىك پروبلەمالارى» عىلىمي زەرتتەۋ ينستيتۋتىنىڭ بازاسىندا جاسالعان.
ەلىمىزدە قاتەرلى ىندەتكە قارسى ەكپە قابىلداۋ شاراسى 1 اقپاننان باستالعان بولاتىن. سول ۋاقىتتان بەرى وبلىستا 45 مىڭعا جۋىق ادام ەكپە قابىلداۋعا نيەت ءبىلدىردى. ونىڭ 17 مىڭعا جۋىعى مەديسينالىق قىزمەتكەر بولسا، 19 مىڭعا جۋىعى پەداگوگتار مەن پوليسيا قىزمەتكەرلەرى.
بۇدان بولەك وزگە توپتاعى ازاماتتار 4 مىڭنان اسادى. 22 اقپاننان باستاپ وبلىستا ەكىنشى كومپونەنتپەن (ريەۆاكسيناسيا) 14 مىڭنان استام ادام ۆاكسينا سالدىردى. سوڭعى تاۋلىكتە تۇركىستان وبلىسىندا 49 ادامدا COVID-19 ىندەتى انىقتالدى. تاۋلىكتىك ءوسىم 0،94 % قۇرايدى. تۇركىستان وبلىسى ەلىمىز بويىنشا «جاسىل اۋماقتا» تۇر.
پاندەميا بەلەڭ الاعالى 657 442 پتر- سىنامالارى الىنعان. ال، سوڭعى تاۋلىكتە زەرتحانالاردا 3 مىڭنان استام ادام تەكسەرىلدى. ايماقتا بۇگىندە جالپى 23 مىڭنان استام مەديسينا قىزمەتكەرى بار. ونىڭ 5000-نان استامى دارىگەرلەر، قالعاندارى ورتا بۋىن ماماندارى. وڭىردە ءقاۋىپتى ىندەتتى جۇقتىرعان 4642 ناۋقاس تولىق جازىلىپ شىققان. جالپى، پاندەميا باستالعالى Covid-19 ينفەكسياسى راستالعان 5255 جاعداي تىركەلدى. ولاردىڭ 3407-دا اۋرۋ سيمپتومسىز وتكەن بولاتىن.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ 77-بابىنا سايكەس، كەز كەلگەن مەديسينالىق ەم-شارا، ونىڭ ىشىندە ۆاكسينا سالۋ تەك ادامنىڭ كەلىسىمىمەن عانا جۇزەگە اسادى. ۆاكسينادان باس تارتقاندار اكىمشىلىك نە قىلمىستىق جاۋاپكەرشىلىككە تارتىلمايدى. دەنساۋلىق ساقتاۋ مينيسترلىگىنىڭ مالىمەتىنشە، ەكپە ەگەردىڭ الدىندا ءسىز ارنايى پاراققا قول قويۋ ارقىلى ۆاكسينادان باس تارتىپ نەمەسە سالدىرۋعا كەلىسىم بەرەسىز.
