اۋقىمدى شاراعا وتاندىق جەنە شەتەلدٸك, اتاپ ايتقاندا تٷركييا, رەسەي, ٶزبەكستان, ەزەربايجان, قىرعىزستان ەلدەرٸنٸڭ تاريح, رەستاۆراتسييا, سەۋلەت ٶنەرٸ, مەدەنيەتتانۋ سالالارى بويىنشا مامان-عالىمدارى, تاريحي-مەدەني مۇرالاردى قورعاۋ ٶكٸلدەرٸ, قورىق جەنە تاريحي-ٶلكەتانۋ مۋزەيلەرٸ مەن عىلىمي-زەرتتەۋ ۇيىمدارىنىڭ قىزمەتكەرلەرٸ قاتىستى.
حالىقارالىق جيىندا ەلەمدٸك مۇرا وبەكتٸلەرٸندەگٸ قالپىنا كەلتٸرۋ جەنە باسقارۋ, وقۋ ورىندارىندا رەستاۆراتورلاردى دايارلاۋ, مەنەدجمەنت جوسپاردى ەزٸرلەۋ جەنە قولدانۋ, تاريحي-مەدەني ەسكەرتكٸشتەردٸ ساقتاۋعا باعىتتالعان وزىق تەحنولوگييالاردى قولدانۋ, دياگنوستيكالىق-مونيتورينگتٸك زەرتتەۋلەر, سوڭعى زاماناۋي تسيفرلىق قۇرىلعىلاردى پايدالانۋ, قازاقستانداعى تاريحي-مەدەني مۇرالاردى قورعاۋ تۋرالى تاقىرىپتار اياسىندا تالقىلاۋلار جٷرگٸزٸلٸپ, ٶزەكتٸ مەسەلەلەر سارالاندى.
كونفەرەنتسييادا سٶز العان تٷركٸستان وبلىسى ەكٸمٸنٸڭ ورىنباسارى بەيسەن تەجٸباەۆ ورتا ازييا مەن قازاقستان بويىنشا تەڭدەسٸ جوق كەسەنەنٸ قورعاۋدىڭ ماڭىزدىلىعىنا توقتالدى.
– قوجا احمەت ياساۋي كەسەنەسٸن قورعاۋ, ساقتاۋ جەنە اسىل جاۋھارىمىزدى بٷكٸل ەلەمگە ناسيحاتتاۋ – بٷگٸنگٸ كونفەرەنتسييا اياسىندا عانا ەمەس, ٷنەمٸ قوزعالاتىن تاقىرىپ. بۇل باعىتتا وسىعان دەيٸن دە بٸرقاتار جۇمىس اتقارىلىپ, حالىقارالىق دەڭگەيدەگٸ ٸس-شارالار ٶتكٸزٸلدٸ.
ەلٸمٸزدٸڭ رۋحاني استاناسىنا جاساعان ساپارلارىڭىز سەتتٸ بولسىن. مەدەني مۇرانى قورعاۋدى ماقسات ەتكەن عالىمدار مەن ماماندار تاريحتىڭ تەرەڭ زەرتتەلۋٸنە, ەسكەرتكٸشتەردٸ جاناشىرلىقپەن قورعاۋعا, ۇلتتىق بٸرەگەيلٸكتٸ نىعايتۋعا ايتارلىقتاي ٷلەس قوسادى دەپ سەنەمٸز.
اتالعان باعىتتاعى شارالار بٸركٷندٸك ەمەس, تۇراقتى نەگٸزدە جالعاسىن تاباتىن جوسپارعا اينالۋى كەرەك.
بيىل تٷركٸستان وبلىسىنىڭ قۇرىلۋىنا 5 جىل تولىپ وتىر. تيٸسٸنشە, پرەزيدەنت قاسىم-جومارت توقاەۆتىڭ باستاماسىمەن تٷركٸستانعا تاريحي جەنە رۋحاني ەلوردا ستاتۋسىن بەرۋ جۇمىستارى جٷرگٸزٸلٸپ كەلەدٸ. وسى ستاتۋس بەرٸلگەننەن كەيٸن دە مەدەني مۇرالاردى زەرتتەۋ جەنە قورعاۋ جۇمىستارى كٷشەيتٸلە تٷسەدٸ. تٷركٸ ەلەمٸ عالىمدارىنىڭ تٷركٸستاندى زەرتتەۋگە ەرەكشە كٶڭٸل بٶلۋٸ بٸزدٸ قۋانتادى. سوندىقتان بارلىق باعىتتا بٸرلەسٸپ جۇمىس اتقارۋعا دايىنبىز, – دەدٸ بەيسەن تەجٸباەۆ.
600 جىلدىق تاريحى بار جەنە عاجاپ سەۋلەتٸ تۋىندىسى رەتٸندە كٷللٸ مۇسىلمان قاۋىمى ٷشٸن كيەلٸ ورىن سانالاتىن الىپ كەسەنەنٸڭ تۇراقتى تٷردە ساقتالۋى مەن قورعالۋ جاعدايى ٷنەمٸ مەملەكەت باقىلاۋىندا.
ەسكە سالساق, مەملەكەت باسشىسى قاسىم-جومارت توقاەۆ 2022 جىلى تٷركٸستان وبلىسىنا جاساعان ساپارىندا ق.ا.ياساۋي كەسەنەسٸنٸڭ جاي-كٷيٸمەن تانىسىپ, ەسكەرتكٸشتٸڭ ساقتالۋىن قاتاڭ باقىلاۋعا الۋدى تاپسىرعان بولاتىن. نەتيجەسٸندە, ەر سالانىڭ بٸلٸكتٸ ماماندارىنان قۇرالعان جۇمىس توبى تەحنيكالىق جاعدايىن زەردەلەگەن.
كونفەرەنتسييانىڭ ۇيىمداستىرۋشىسى قر مەدەنيەت جەنە سپورت مينيسترلٸگٸ, مەدەنيەت كوميتەتٸنە قاراستى «ەزٸرەت سۇلتان» مەملەكەتتٸك تاريحي-مەدەني مۋزەي-قورىعى» رمقك-نٸڭ مەلٸمدەۋٸنشە, 2023 جىلدىڭ 28 ناۋرىزىندا قر ٷكٸمەت تٶراعاسىنىڭ ورىنباسارى ا.كٶلگٸنوۆتىڭ تٶراعالىعىمەن وسى باعىتتا وتىرىس ٶتكٸزٸلگەن. وندا كەسەنەنٸ كەشەندٸ زەرتتەۋ جەنە تەحنيكالىق جاي-كٷيٸن جاقسارتۋ جوسپارى اياسىندا ناقتى جۇمىستار جٷرگٸزٸلەتٸن بولىپ بەلگٸلەندٸ.
