سايرام اۋدانىنا ارنايى جۇمىس ساپارىمەن كەلىپ، ديقانداردىڭ تىنىس-تىرشىلىگىمەن تانىستى. ايماق باسشىسىمەن جۇزدەسكەن شارۋا قوجالىقتارى مەن جىلىجايلاردىڭ يەلەرى ءوز ماسەلەسىن ورتاعا سالدى. ءومىرزاق ەستاي ۇلى وتپەلى كەزەڭنىڭ قيىندىقتارىنا توتەپ بەرىپ، الاڭداماۋعا شاقىردى. كەرىسىنشە، جۇمىستى كۇشەيتۋدى تاپسىردى.
– شارۋالار نازاردان تىس قالمايدى. ەلدەگى توتەنشە جاعدايعا بايلانىستى اۋىل شارۋاشىلىعى سالاسىنىڭ اقساۋىنا جول بەرىلمەيدى. كەرىسىنشە، قايتا جۇمىستى كۇشەيتۋ قاجەت. مەملەكەت تاراپىنان قولداۋ كورسەتىلەدى. قوسىمشا قاجەتتىلىكتەر تۋىنداپ جاتسا، قاراستىرىلادى. بۇل كەزەڭ وتاندىق ءونىم كولەمىن ارتتىرۋعا ۇلكەن مۇمكىندىك. وبلىستا ازىق-تۇلىك قورى جەتكىلىكتى، باعالاردى نەگىزسىز وسىرۋگە جول بەرىلمەيدى، – دەدى وبلىس اكىمى.
اۋىل شارۋاشىلىعى ونىمدەرىمەن تولىق قامتاماسىز ەتۋ ماقساتىندا شارۋا قوجالىق يەلەرى ەگىستىك جەردەن ەكى-ۇش رەت ءونىم الۋدى توقتاتپايمىز دەپ وتىر. اۋدانداعى بىرنەشە شارۋا قوجالىقتاردىڭ جۇمىسىمەن تانىسقان تۇركىستان وبلىسىنىڭ اكىمى ءومىرزاق شوكەيەۆ سايرامدىقتاردىڭ ەڭبەكقورلىعىن قۇپ كوردى.
ءار اۋىل وكرۋگىنەن اۋىل شارۋاشىلىعى سالاسىندا الدىڭعى قاتارلى تەحنولوگيالاردى قولدانا وتىرىپ، جىلىنا بىرنەشە رەت ءونىم الاتىن تاۋار وندىرۋشىلەر ءتىزىمى بەكىتىلگەن. بۇگىندە 100-دەن استام شارۋاشىلىق 145،8 گا ەگىستىك القاپتا ەگىن ەككەن. اتاپ ايتقاندا، كارتوپ، قىرىققابات، ءسابىز، پياز، سارىمساق، نوحات، قيار مەن ءتاتتى بۇرىش ەگىلدى. اۋداندا 100-دەن استام شاعىن جانە ءىرى جىلىجايلارلار تىنىمسىز جۇمىس ىستەيدى.
ءومىرزاق شوكەيەۆ سايرام اۋدانىنداعى قۇراماجەم شىعاراتىن زاۋىتتىڭ ۇجىمىمەن كەزدەستى. وسىعان دەيىن وزبەكستان، اۋعانستان، يران ەلدەرىنە ەكسپورت جاسايتىن ءوندىرىس ورنىنىڭ جۇمىسى جوسپارعا سايكەس ءجۇرىپ جاتىر. ايماق باسشىسى قولكەنت اۋىل وكرۋگىندەگى ينجەنەرلىك - كوممۋنيكاسيالىق جۇيەلەرىنىڭ قۇرىلىسى نىسانىندا بولدى. مەكەمە اۋىز سۋ، ەلەكتر جەلىسى، سۋ قۇبىرى جوبالارىن ىسكە اسىرادى.
تۇركىستان وبلىسى اكىمىنىڭ باسپا ءسوز قىزمەتى
