بٷگٸن تٷركٸستاندا بالالاردىڭ قۇرمەتٸنە قازاقستان رەسپۋبليكاسى پرەزيدەنتٸنٸڭ اتىنان جاڭا جىل مەرەكەسٸنە ارنالعان شىرشاتوي ٶتتٸ. مەرەكەلٸك شىرشا شامىن وبلىس ەكٸمٸ دارحان ساتىبالدى جاعىپ, بالالاردى جاڭا جىل مەرەكەسٸمەن قۇتتىقتادى.
«بٷگٸن بٸز جاڭا جىل قارساڭىندا سٸزدەرمەن بٸرگە قۋانىش پەن شاتتىققا تولى ەرەكشە سەتتەردٸ بٶلٸسٸپ وتىرمىز. پرەزيدەنتتٸك شىرشا – بۇل سٸزدەر ٷشٸن عاجايىپتىڭ ەسٸگٸن اشىپ, ەرتەگٸ ەلەمٸنە جەتەلەيتٸن مەرەكەلٸك كٷن. جاڭا جىل – ارمانعا قانات بٸتٸرٸپ, بولاشاققا سەنٸممەن قارايتىن مەيرام. ال سٸزدەر – سول بولاشاقتى جارقىن ەتەتٸن ەلٸمٸزدٸڭ ماقتانىشىسىزدار. تٷركٸستان وبلىسىندا بالالاردىڭ ساپالى بٸلٸم الىپ, ٶز قابٸلەتتەرٸن دامىتۋىنا ەرەكشە نازار اۋدارىلۋدا. 2024 جىلى مەملەكەت باسشىسىنىڭ تاپسىرماسىمەن ٶڭٸرٸمٸزدە 29 جايلى مەكتەپتٸڭ قۇرىلىسى باستالىپ, وقۋشىلاردىڭ يگٸلٸگٸنە بەرٸلۋدە. ٶتكەن جىلى 40 مىڭنان استام وقۋشى جازعى دەمالىس لاگەرلەرٸنە بارىپ, مەدەني نىسانداردى ارالادى. سونىمەن قاتار وبلىسىمىزدىڭ 520 وقۋشىسى رەسپۋبليكالىق وليمپيادالاردا باق سىناپ, ونىڭ 200-گە جۋىعى جٷلدەلٸ ورىنداردى يەلەندٸ. بۇل جەتٸستٸكتەر – بٸلٸم سالاسىنا جاسالعان جٷيەلٸ قولداۋدىڭ نەتيجەسٸ. الداعى ۋاقىتتا دا بالالارعا قولايلى جاعداي جاساۋ باعىتىنداعى جۇمىستار جالعاسا بەرەدٸ. سٸزدەردٸڭ ەربٸر كٷندەرٸڭٸز باقىتقا, ال ارماندارىڭىز جارقىن جەتٸستٸكتەرگە تولى بولسىن. جاڭا جىلدارىڭىز قۇتتى بولسىن, قىمباتتى بالالار! – دەدٸ دارحان ساتىبالدى.
مەرەكەلٸك جيىندا ەلەۋمەتتٸك وسال توپتاعى بالالار مەن رەسپۋبليكالىق, حالىقارالىق وليمپيادا جەڭٸمپازى بولعان 200 بالاعا سىيلىقتار تارتۋ ەتٸلٸپ, ەستەلٸك حاتتار مەن تٷرلٸ تەتتٸلەر ٷلەستٸرٸلدٸ. سونداي-اق ەر بٷلدٸرشٸنگە وقۋ قۇرالدارىنا ارنالعان سٶمكە, قازاق ەرتەگٸ كٸتاپتارى بەرٸلٸپ, اقشالاي سىياقى تابىستالدى. قۇرمەتكە بٶلەنگەن وقۋشىلار اراسىندا ەلٸمٸزدٸڭ باتىس ٶڭٸرلەرٸندەگٸ سۋ تاسقىنىنان زارداپ شەككەن حالىققا ٶزٸنٸڭ جيناپ جٷرگەن قاراجاتىن جولداپ, كٶپشٸلٸكتٸ سٷيسٸندٸرگەن كەنتاۋلىق وقۋشى گاۋحار شايمەردەن دە بار.
مەرەكەلٸك شارادا قازاق ەرتەگٸلەرٸنٸڭ كەيٸپكەرلەرٸ بالالاردىڭ كٶڭٸلٸن كٶتەردٸ. ارنايى كونتسەرتتٸك باعدارلامادا ەۋەلەگەن ەن شىرقالىپ, مىڭ بۇرالعان بيشٸلەر بالالارعا ەرەكشە ەسەر سىيلادى.
ايتا كەتەيٸك, جاڭا جىل مەرەكەسٸنە دەيٸن 200 بالا 1 كٷن بويى تٷركٸستاننىڭ كٶرٸكتٸ ورىندارىن ارالادى. بالالارعا ارنالعان ويىن-ساۋىق ورتالىعىندا ۋاقىتتى قىزىقتى ٶتكٸزٸپ, كينوتەاتردا مۋلتفيلم تاماشالادى.
