تٷركٸستاندىق وقۋشى قىمىز قۇيعىش روبوت جاسادى
تٷركٸستان وبلىسى, تٶلەبي اۋدانىنىڭ برەندٸ – قىمىز. وسى ۇلتتىق سۋسىنىمىزدىڭ ەمدٸك قاسيەتٸن ناسيحاتتاي وتىرىپ, روبوتوتەحنيكانىڭ مٷمكٸندٸكتەرٸن ادام يگٸلٸگٸنە پايدالانۋ ماقساتىندا تٶلەبي اۋدانىنداعى ش.ۋەليحانوۆ اتىنداعى №2 جالپى ورتا مەكتەبٸنٸڭ 9-سىنىپ وقۋشىسى جانسۇلتان تٶرەبەك ۇستازى, ينفورماتيكا پەنٸنٸڭ مۇعالٸمٸ لاۋرا جاقسىبەكوۆانىڭ كٶمەگٸمەن «اسىلبەك» دەپ اتالاتىن قىمىز قۇيعىش روبوت جاسادى, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كەز كەلگەن ادام اتالمىش روبوتقا ارنايى پلاستيكالىق كارتانى جاقىنداتۋ ارقىلى «اسىلبەكتٸ» سٶيلەتە باستايدى. سودان كەيٸن روبوت قىمىزدىڭ شيپالى قاسيەتٸ تۋرالى قىسقاشا ماعلۇمات بەرەدٸ. وسىدان سوڭ عانا «اسىلبەك» ىدىسقا شٶلدٸ باساتىن پايدالى سۋسىن قۇيادى.
– روبوتتاردىڭ تٷرلەرٸنە, جۇمىس ٸستەۋ پرينتسيپتەرٸنە قىزىعۋشىلىعىم بۇرىننان بار بولاتىن. مۇنداي روبوت قۇراستىرۋ يدەياسى مەكتەبٸمٸزدە ٶتكەن ينفورماتيكا پەنٸ اپتالىعىندا ۇيىمداستىرىلعان روبوتتار كٶرمەسٸ كەزٸندە تۋدى. «اسىلبەك» روبوتىن جاساۋ تۋرالى ويىممەن الدىمەن مۇعالٸمٸم لاۋرا اپايمەن بٶلٸستٸم. ول يدەيامدى قولداپ, قۇراستىرۋدا كٶمەكتەسەتٸنٸن ايتتى. مەنٸڭ روبوتىم وقۋشىلاردىڭ روبوتوتەحنيكاعا دەگەن قىزىعۋشىلىعىن ارتتىرۋمەن قاتار, ەمدٸك قاسيەتكە يە سۋسىن قىمىز ارقىلى جاستاردىڭ اراسىندا سالاۋاتتى ٶمٸر سالتىن دەرٸپتەيدٸ. ۇلتتىق سۋسىنىمىزدى ناسيحاتتايتىن بولعاندىقتان, «اسىلبەكتٸڭ» ۇلتتىق كيٸمدە بولعانى دۇرىس دەپ شەشتٸك, – دەيدٸ جانسۇلتان.
ونىڭ قىمىز قۇيعىش روبوت جوباسى عىلىمي جوبالار بايقاۋىنىڭ اۋداندىق جەنە وبلىستىق كەزەڭدەرٸندە جٷلدەلٸ بولدى.
