استانا قالاسىندا حالىق قاھارمانى روزا باعلانوۆا اتىنداعى حالىقارالىق ۆوكالدىق كونكۋرسى ٶز مەرەسٸنە جەتتٸ. ەن دوداسىندا تٷركٸستان وبلىسىنان قاتىسقان «كونگرەسس حولل» كٶپسالالى كەشەنٸنٸڭ تالانتتى سوليسٸ جومارت اسىل باس بەيگەنٸ ەنشٸلەدٸ.
جالپى 50-دەن استام ٶتٸنٸم تٷسٸپ, ولاردىڭ ٸشٸنەن ٸرٸكتەلگەن 16 قاتىسۋشى قازىلار القاسى الدىندا ٶنەر كٶرسەتتٸ. ەكٸ كەزەڭنەن تۇراتىن ەن بايقاۋىندا قاتىسۋشىلار كلاسسيكالىق جەنە زاماناۋي تۋىندىلاردى ورىنداپ, شەبەرلٸكتەرٸن ورتاعا سالدى. بايقاۋ قازاقستاننىڭ جەنە كسرو-نىڭ حالىق ەرتٸسٸ, حالىق قاھارمانى, اتى اڭىزعا اينالعان ەنشٸ روزا باعلانوۆانىڭ شىعارماشىلىعىن كەڭٸنەن ناسيحاتتاۋعا, ۇلتتىق جەنە ەلەمدٸك مەدەنيەتتٸڭ ٷزدٸك دەستٷرلەرٸ مەن جەتٸستٸكتەرٸن جاڭعىرتۋعا باعىتتالعان.
ساحنا ساندۋعاشى روزا باعلانوۆانىڭ قۇرمەتٸنە ارنالعان كونكۋرستىڭ قازىلار القاسى قاتارىندا قازاقستان جەنە قىرعىز رەسپۋبليكاسىنىڭ حالىق ەرتٸسٸ التىنبەك قورازباەۆ, قىرعىز رەسپۋبليكاسىنىڭ حالىق ەرتٸسٸ روزا امانوۆا, ٶزبەكستاننىڭ حالىق ەرتٸسٸ مانسۋر تاشماتوۆ, قازاقستان رەسپۋبليكاسىنىڭ ەڭبەك سٸڭٸرگەن ەرتٸستەرٸ نۇرلان ابدۋللين, جاننا ورىنباساروۆا, جاننات باكتاي جەنە «دارىن» مەملەكەتتٸك جاستار سىيلىعىنىڭ لاۋرەاتى ەلٸبەك ەلماديەۆ سىندى اتاۋلى ٶنەر مايتالماندارى بار. قازىلار القاسى ورىنداۋشىلاردىڭ ەرەكشە داۋىسىن جەنە ورىنداۋشىلىق شەبەرلٸگٸن زور قوشەمەتپەن اتاپ ٶتٸپ, ناعىز مۋزىكالىق مەرەكەنٸڭ اتموسفەراسىن جاساعان ەر قاتىسۋشىعا العىس بٸلدٸردٸ.
ايتا كەتەيٸك, گالا-كونتسەرتتە وسى كونكۋرستىڭ جەڭٸمپازدارى جەنە «قازاقكونتسەرتتٸڭ» كٶرنەكتٸ ٶنەرپازدارى ٶنەر كٶرسەتتٸ. باعدارلامادا روزا باعلانوۆانىڭ ۇمىتىلماس ەندەرٸ مەن قازاقستاندىق كومپوزيتورلاردىڭ شىعارمالارى ورىندالدى.
