بۇگىن «شيپا»  جوباسى بويىنشا تۇركىستان وبلىسىنىڭ اۋدان قالالارىنداعى 300 مۇقتاج وتباسىنا دارى-دارمەك قوبديشاسى جىبەرىلدى.  «Nur Otan» پارتياسى فراكسياسىنىڭ دەپۋتاتتارى مەن كاسىپكەرلەردىڭ بۇل كومەگىن «Jas Turkistan» ەرىكتىلەر كلۋبى مەن اۋداندارداعى «جاسوتاندىقتار» جانە جاستار رەسۋرستىق ورتالىعىنىڭ ەرىكتىلەرى تۇرعىندارعا جەتكىزۋدە.

«Nur Otan»   پارتياسىنىڭ تۇركىستان  وبلىستىق فيليالى پاندەمياعا قارسى كۇرەستى كۇشەيتۋ ماقساتىندا «ءومىر»  جانە «شيپا»  جوبالارىن قولعا العان بولاتىن.  وسى ارقىلى وڭىردەگى اۋرۋحانالارعا جاساندى تىنىس الۋ اپپاراتتارىن جانە مۇقتاج وتباسىلارعا دارى-دارمەك جەتكىزۋ كوزدەلگەن.

بۇگىن اۋداندارعا دارى-دارمەك جونەلتىلدى.  «Jas Otan»  جاستار قاناتى تۇركىستان وبلىستىق فيليالىنىڭ ءتوراعاسى جانسەرىك جۇماننىڭ ايتۋىنشا،  ەل ازاماتتارى مەن كاسىپكەرلەر جوبالارعا قىزۋ قولداۋ كورسەتىپ جاتىر.

– بۇگىن  «شيپا جوباسى بويىنشا اۋدان، قالالارداعى مۇقتاج وتباسىلارعا دارى-دارمەك جولداپ وتىرمىز.  ەرىكتى جاستار بۇل باستاماعا قولداۋ كورسەتۋدە.  ءبىز وسىنداي  قادامدار ارقىلى تۇرعىندارعا كومەك قولىن سوزۋدى ماقسات تۇتتىق. پارتيا فيليالىنا، «نۇروتاندىق» دەپۋتاتتارعا،  دەمەۋشى اعالارعا، ۆولونتەر جاستارعا العىسىمىز مول، – دەيدى ول.