Túrkistandyq «Nur Otan» belsendileri 300 otbasyǵa dári-dármek qobdishasyn tabystady
«Nur Otan» partiiasynyń Túrkistan oblystyq filialy pandemiiaǵa qarsy kúresti kúsheitý maqsatynda «Ómir» jáne «Shipa» jobalaryn qolǵa alǵan bolatyn. Osy arqyly óńirdegi aýrýhanalarǵa jasandy tynys alý apparattaryn jáne muqtaj otbasylarǵa dári-dármek jetkizý kózdelgen.
Búgin aýdandarǵa dári-dármek jóneltildi. «Jas Otan» jastar qanaty Túrkistan oblystyq filialynyń tóraǵasy Janserik Jumannyń aitýynsha, el azamattary men kásipkerler jobalarǵa qyzý qoldaý kórsetip jatyr.
– Búgin «Shipa jobasy boiynsha aýdan, qalalardaǵy muqtaj otbasylarǵa dári-dármek joldap otyrmyz. Erikti jastar bul bastamaǵa qoldaý kórsetýde. Biz osyndai qadamdar arqyly turǵyndarǵa kómek qolyn sozýdy maqsat tuttyq. Partiia filialyna, «nurotandyq» depýtattarǵa, demeýshi aǵalarǵa, volonter jastarǵa alǵysymyz mol, – deidi ol.
