بۇگىندە تۇركىستان وبلىسىندا 125 مىڭعا جۋىق شاعىن جانە ورتا كاسىپكەرلىك قۇرىلىمداردىڭ جۇمىس ىستەپ تۇر.

وسى سالادا 186 مىڭنان استام ادام جۇمىسپەن قامتىلىپ، ولار  شىعارعان ءونىم كولەمى 130،9 ملرد. تەڭگەگە جەتكەن.

وبلىستا 2018 جىلدىڭ 1 قاراشاسىنا دەيىن  25 136 جاڭا جۇمىس ورنى اشىلعان.

سونىمەن بىرگە، «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ  2017-2021 جىلدارعا ارنالعان» باعدارلاماسى اياسىندا 65 مىڭ ادامدى جۇمىسپەن قامتۋ شارالارىنا قاتىستىرۋ جوسپارلانىپ، جۇزەگە اسۋدا.

جاپپاي  كاسىپكەرلىكتى دامىتۋ بويىنشا «باستاۋ-بيزنەس» جوباسى اياسىندا 1730 ادام وقۋعا جولدانىپ، ءتيىستى سەرتيفيكاتتارىن العان. «اۋىل – ەل بەسىگى» ارنايى جوباسى اياسىنداعى «ءار اۋىلعا ءوز شەبەرى» باستاماسى بويىنشا وبلىستىڭ 123 ەلدى مەكەنىنەن 2588 ادام ارنايى وقۋدان ءوتىپ، جۇمىسقا ارالاسقان.

تۇركىستان قالاسىنىڭ تۇرعىنى جاندار يسلامبەك «ىرىس» ميكروقارجى ۇيىمىنىڭ «جاس كاسىپكەر» باعدارلاماسى بويىنشا 2 ملن. تەڭگە نەسيە الدى. بۇگىندە جاس كاسىپكەر اۆتوكولىك ماي سۇزگىلەرىنىڭ 286 ءتۇرىن وندىرۋدە. وسى كاسىبى ارقىلى 8 ادامدى جۇمىسپەن قامتىپ، ايىنا 20 مىڭ دانا سۇزگى شىعارۋدا.  بۇل سۇزگىلەر تۇركىستان وبلىسى مەن شىمكەنت قالاسىنا ساتىلىمعا شىعارىلعان. تۇتىنۋشىلارى بارشىلىق.

«پرەزيدەنتىمىز بيىلعى جولداۋىندا ەلدىڭ ءال-اۋقاتىن جاقسارتىپ، كاسىپكەرلىكتى دامىتۋ جونىندە تىڭ مىندەت جۇكتەدى. ەلباسىمىزدىڭ «تۇركىستان» ەركىن ەكونوميكالىق ايماعىن قۇرۋ تۋرالى جارلىعى دا تۇركىستاننىڭ دامۋىنا تىڭ سەرپىن بەرەدى. وسى ورايدا 1380 گا اۋماقتا ورنالاسقان ەكونوميكالىق ايماقتا ءوندىرىس ورىندارى اشىلىپ، جاڭا جۇمىس ورىندارى پايدا بولادى»، - دەيدى ج.تۇيمەبايەۆ.