بۇگىن بۇل تۋرالى تۇركىستان وبلىسى وڭىرلىك كوممۋنيكاسيالار قىزمەتىندە وتكەن بريفينگتە مەملەكەتتىك ساۋلەت-قۇرىلىس باقىلاۋى باسقارما باسشىسىنىڭ ورىنباسارى مەرلان كەرىمجانوۆ ءمالىم ەتتى.
ونىڭ ايتۋىنشا، زاڭدىق نورمالار مەن تالاپتاردى بۇزا وتىرىپ سالىنعان ءارى نۇسقامالار تالاپتارىن ورىنداماعان 356 نىسان تەكسەرىلىپ، زاڭ اياسىندا شارا قولدانىلعان.
– مەملەكەتتىك بيۋدجەت ەسەبىنەن سالىنۋداعى قۇرىلىس نىساندارىندا 114 مەردىگەر مەكەمەسىنە جانە 14 جوبالاۋشى مەكەمەگە ق ر اكىمشىلىك قۇقىق بۇزۋشىلىق تۋرالى كودەكسىنە سايكەس شارالار كورىلىپ، جالپى قۇنى - 15،6 ملن. تەڭگە ايىپپۇل سالىندى. ينجينيرينگتىك قىزمەت كورسەتۋ تالاپتارىن بۇزىپ ورىنداعان 19 تەحنيكالىق قاداعالاۋشىعا زاڭعا سايكەس اتتەستاتتارىن 6 ايعا توقتاتىپ، 8،2 ملن. تەڭگە ايىپپۇل سالىنعان، – دەدى مەرلان ابدراحمان ۇلى.
بۇدان بولەك، اۋدان، قالالار اكىمدىكتەرىنەن «قىزىل سىزىققا» ءوتىپ سالىنعان نىسانداردى تەكسەرۋ بارىسىندا جەرگىلىكتى اكىمدىكتەر تاراپىنان قۇرىلىس سالۋعا جەر تەلىمىن بەرۋ كەزىندە جول جيەگىنىڭ «قىزىل سىزىعىن» جانە سانيتارلىق قورعاۋ ايماقتارىنىڭ ارا قاشىقتىقتارىن ساقتاۋ سياقتى تالاپتاردىڭ بۇزىلعاندىعى انىقتالىپ وتىر.
باسقارما تاراپىنان مونيتورينگ جۇرگىزۋ بارىسىندا جانە اۋدان، قالا اكىمدىكتەرىنىڭ حاتتارى مەن جەكە جانە زاڭدى تۇلعالاردىڭ ارىزدارى بويىنشا وبلىس اۋماعىنداعى قۇرىلىس نىساندارىن قاداعالاۋ، تەكسەرۋ ارقىلى زاڭ بۇزۋشىلىقتارمەن جۇمىس جۇرگىزىلىپ جاتقانىن حابارلايمىز.
تۇركىستان وبلىسى اكىمىنىڭ باسپا ءسوز قىزمەتى
