11 قىركٷيەكتە تٷركٸستان حالىقارالىق ەۋەجايىندا ۇلتتىق ۇلانعا تيەسٸلٸ ەسكەري-كٶلٸك ۇشاعىندا تەحنيكالىق اقاۋ تۋىنداپ, شاسسي بٶلٸگٸندە ٶرت شىقتى. الدىن الا مەلٸمەت بويىنشا, وقيعادان زارداپ شەككەندەر جوق, دەپ حابارلايدى dalanews.kz.
بۇعان دەيٸن كٶلٸكتەگٸ پوليتسييا دەپارتامەنتٸ ۇشۋ-قونۋ جولاعىندا ەۋە كەمەسٸندە تەحنيكالىق اقاۋ انىقتالعانىن جەنە ونى جويۋ جۇمىستارى جٷرگٸزٸلگەنٸن حابارلاعان بولاتىن.
جۋرناليست ميحايل كوزاچكوۆ جارييالاعان مەلٸمەتكە سەيكەس, ەۋە كەمەسٸ تٷركٸستاننان استاناعا ۇشۋى تيٸس بولعان. ۇشاق بورتىندا التى ەكيپاج مٷشەسٸ مەن 59 ەسكەري قىزمەتشٸ بولعان.
الدىن الا اقپارات بويىنشا, ۇشۋ كەزٸندە قوزعالتقىشتاردىڭ بٸرٸندە اقاۋ پايدا بولۋى مٷمكٸن. سونىڭ سالدارىنان اۆتوماتتى تەجەۋ جٷيەسٸ ٸسكە قوسىلىپ, ۇشاقتىڭ شاسسي بٶلٸگٸندە ٶرت شىققان.
ٶرت ەۋەجايدىڭ ٶرتكە قارسى قىزمەتٸ كٷشٸمەن جەدەل سٶندٸرٸلگەن. وقيعا ورنىنا 13 مامان مەن ٷش تەحنيكا جۇمىلدىرىلعان. مەلٸمەتكە قاراعاندا, تٶتەنشە جاعدايلار مينيسترلٸگٸنٸڭ بٶلٸمشەلەرٸ شاقىرىلماعان.
ۇشاقتاعى بارلىق جولاۋشىلار مەن ەكيپاج مٷشەلەرٸ ەۋە كەمەسٸنەن ٶز بەتٸنشە ەۆاكۋاتسييالانعان. زارداپ شەككەندەر تٸركەلگەن جوق.
وقيعا سالدارىنان ۇشاق ۇشۋ-قونۋ جولاعىندا قالىپ قويعاندىقتان, بٸرنەشە رەيستٸڭ ۇشۋى كەشٸكتٸرٸلگەن. كەيٸن ارنايى تەحنيكانىڭ كٶمەگٸمەن ەۋە كەمەسٸ جولاقتان شىعارىلعان.
كوزاچكوۆتىڭ مەلٸمەتٸنشە, اقاۋ قىتايدىڭ Shaanxi Aircraft Company كومپانيياسى شىعارعان Y-8F-200WA ەسكەري-كٶلٸك ۇشاعىندا بولعان. بۇل مودەل كەڭەستٸك ان-12 ۇشاعىنىڭ جاڭارتىلعان نۇسقاسى سانالادى.
ەزٸرگە ۇلتتىق ۇلان مەن ۋەكٸلەتتٸ ورگاندار وقيعانىڭ ناقتى سەبەپتەرٸ جٶنٸندە رەسمي قورىتىندى جارييالاعان جوق.
