«22 ناۋرىز – ۇلىستىڭ ۇلى كۇنى» مەرەكەسى قارساڭىندا مەملەكەتتىك قىزمەتشىلەر اراسىندا ۇلتتىق سپورت تۇرلەرىنەن (اسىق اتۋ، توعىزقۇمالاق، گىر كوتەرۋ، ارقان تارتۋ جانە قازاق كۇرەسىنەن) وبلىستىق سپارتاكيادا ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
بۇل سايىسقا اۋدان، قالا اكىمدىكتەرى مەن باسقارمالاردان 18 كوماندا، 400-گە جۋىق مەملەكەتتىك قىزمەتشىلەر قاتىستى. تارتىستى وتكەن جارىستا كوماندالىق ەسەپتە 3-ورىندى بايدىبەك اۋدانى، 2-ورىندى وتىرار اۋدانى، ال 1-ورىندى تۇلكىباس اۋدانى ەنشىلەدى.
جارىس سوڭىندا ق ر مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ مىندەتىن اتقارۋشى دارحان سۋرتەكوۆ، تۇركىستان وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى عالىمجان حۋدياروۆ، قازاق كۇرەسىنەن «قازاقستان بارىسى» ءتۋرنيرىنىڭ ءۇش دۇركىن جەڭىمپازى بەيبىت ىستىبايەۆتار جەڭىمپازدار مەن جۇلدەگەرلەردى ارنايى تاعايىندالعان كۋبوك، مەدال جانە العىس حاتتارمەن ماراپاتتادى. سونداي-اق وبلىستىق سپارتاكيادا جوعارى دەڭگەيدە ويىن كورسەتكەندەرگە دە ماراپاتتار ۇسىنىلدى.
